ប្រធានាធិបតី​សហរដ្ឋ​អាមេរិក​លោក ដូណាល់ ត្រាំ (Donald Trump) ត្រូវ​បាន​គេ​នាំ​ទៅ​កាន់​មន្ទីរពេទ្យ​យោធា​ជាតិ Walter Reed កាលពី​ល្ងាច​ថ្ងៃសុក្រ ដែល​ការណ៍​នេះ​ជា «វិធានការ​បង្ការ​ទុក​ជា​មុន»។ គេ​រំពឹង​ថា លោក​នឹង​ស្នាក់​នៅ​ទី​នោះ​ពីរ​បី​ថ្ងៃ បន្ទាប់​ពី​លទ្ធផល​តេស្តិ៍​វិជ្ជមាន​នៃ​ជំងឺកូវីដ១៩។ រោគ​វិនិច្ឆ័យ​ជំងឺ​កូវីដ១៩ របស់​លោក Trump បាន​ធ្វើ​ឱ្យ​ការ​បោះឆ្នោត​ដែល​ចម្រូង​ចម្រាស​ស្រាប់ កាន់​តែ​វឹកវរ​ថែមទៀត។ អ្នកស្រី Patsy Widakuswara អ្នក​ឆ្លើយឆ្លង​ព័ត៌មាន​ប្រចាំ​សេតវិមាន​របស់​ VOAរាយការណ៍​លម្អិត។ លោក ចាប ចិត្រា នៃ VOA ជូន​សេចក្តី​ប្រែ​សម្រួល។