ភ្ជាប់​ទៅ​គេហទំព័រ​ទាក់ទង

site logo
ព័ត៌មាន​​ថ្មី

លោក Trump សប្បាយ​រីករាយ​ដោយ​រួចទោសពី​ការ​ចោទប្រកាន់​ដក​លោកចេញ​ពី​តំណែង


ប្រធានាធិបតីសហរដ្ឋអាមេរិក​ដូណាល់​ ត្រាំ លើក​កាសែតដែលមាន​ចំណងជើង​ថា «ត្រាំ​ត្រូវបានលើកលែងទោស» ​បង្ហាញ​ពិធីអធិស្ឋាន​អាហារពេលព្រឹកលើក​ទី​៦៨ នៅ Washington Hilton​ កាលពីថ្ងៃព្រហស្បតិ៍ ទី០៦ ខែកុម្ភៈ ឆ្នាំ២០២០។

កាលពី​ថ្ងៃ​ព្រហស្បតិ៍ លោក​ប្រធានាធិបតី​ស.រ.អា. Donald Trump ដែល​កំពុងសប្បាយ​រីករាយបន្ទាប់ពី​ឈ្នះ ការ​ចោទ​ប្រកាន់ដក​លោកចេញពី​តំណែង​ បានគ្រវី​បដា​មួយ​និង​បង្ហាញទំព័រ​ទីមួយ​ក្នុង​កាសែតនានា​ដែល​ប្រកាសថា​លោក​ «រួចខ្លួនពី​ការ​ចោទប្រកាន់» នៅពេល​លោកវាយ​ប្រហារដោយ​ពាក្យ​សម្តីប្រឆាំង​នឹង​ពួក​អ្នករិះគន់លោក។​

ក្នុង​ពេល​ប៉ុន្មានម៉ោងក្រោយពីលោក​បានបង្ហាញ​សារព័ត៌មាននៅ​ក្នុង​ពិធី​អធិស្ឋានពេលព្រឹកដែល​ភាសាអង់គ្លេស​ហៅថា​ National Prayer Breakfast លោក Trump បានធ្វើដូច្នេះ​ដែរនៅពេលលោកនិយាយ​នៅក្នុង​សេតវិមាន​សម្រាប់អ្វីដែលលោក​ហៅ​ថា«ការអបអរសាទរ» សម្រាប់​ការរួច​ទោស​របស់លោក​ដោយ​ព្រឹទ្ធសភា​ស.រ.អា.អំពីបទចោទប្រកាន់ពីរ​ដើម្បី​ដក​លោក​ចេញ​ពី​តំណែង។

លោក Trump នៅ​តែនិយាយ​ទទូច​ថា​លោកមិន​បានធ្វើអ្វី​ខុស​ទេ ដោយលោក​បានថ្លែង​ថា«យើង​ពិបាក​ចិត្តដូច​ចុះនរក ដោយ​អយុត្តិធម៌»។

កាល​ពីពេលមុន​នេះនៅក្នុងពិធី​អធិស្ឋានពេលព្រឹកនៅក្នុងរដ្ឋធានី Washington លោក Trump ដែល​បាន​ចំអកមើល​ងាយ​កិច្ចខិតខំប្រឹង​ប្រែង​របស់​ប្រជាធិបតេយ្យ​ក្នុងការ​ចោទប្រកាន់ដកលោកចេញ​ពី​តំណែង បានប្រកាស​ថា​ប្រទេស​អាមេរិក​«បានត្រូវដាក់ឱ្យ​មានបទ​ពិសោធន៍​ដ៏​អាក្រក់អាក្រី​មួយ​ដោយ​ពួកមនុស្ស​ខ្លះ​ដែលមិន​ទៀងត្រង់និង​ពុករលួយខ្លាំង​ណាស់។ ពួក​គេ​បាន​ធ្វើអ្វីៗ​ទាំង​អស់ដើម្បីបំផ្លាញ​យើង​ហើយដោយ​ធ្វើដូច្នេះ​ពួកគេ​បានធ្វើឱ្យ​មាន​ផលមិនល្អ​ដល់ប្រទេស​ជាតិយើង។ ពួក​គេដឹង​ថា​អ្វី​ដែលពួក​គេ​ធ្វើ​គឺ​មិន​ត្រឹម​ត្រូវ​ទេ ក៏​ប៉ុន្តែ​ពួកគេបានទុក​ខ្លួនគេ​ជាអាទិភាព​មុន​ប្រទេស​ដ៏អស្ចារ្យ​របស់យើង»។

លោក​ Trump បានសរសើរ«អ្នកនយោបាយ​និងមេដឹកនាំ​នៃគណបក្ស​សាធារណរដ្ឋដ៏​ក្លាហាន» ដែល​សឹងតែគ្រប់គ្នា​បានគាំទ្រ​លោក​ដោយ​បានច្រាន​ចោលការ​ចោទ​ប្រកាន់ដើម្បី​ដក​តំណែងលោក ដោយលោក​បាននិយាយ​ថា​

ពួកគេ«មានគតិបណ្ឌិត ចិត្តអត់ធ្មត់​និងកម្លាំងដើម្បី​ធ្វើអ្វីដែល​មនុស្ស​គ្រប់គ្នា​ដឹង​ថា​ជាភាព​ត្រឹម​ត្រូវ»៕

XS
SM
MD
LG