ភ្ជាប់​ទៅ​គេហទំព័រ​ទាក់ទង

លោកស្រី​នាយករដ្ឋមន្ត្រីថៃ​យីងឡាក់​ត្រូវ​តុលាការ​​បណ្តេញ​​ចេញ​ពី​តំណែង


អ្នក​កាសែត​ថត​រូប​ការ​ផ្សាយ​ទូរទ្សន៍​អំពី​ការ​បង្ហាញ​ខ្លួន​របស់​លោក​ស្រី​​នាយរដ្ឋមន្ត្រី​ថៃ Yingluck Shinawatra នៅ​តុលាការ​ធម្មនុញ្ញ​ថៃ​កាល​ពី​ថ្ងៃ​ទី​៦​ខែ​ឧសភា​ឆ្នាំ​២០១៤។
លោកស្រី Yingluck Shinawatra ដែល​ត្រូវតុលាការ​ធម្មនុញ្ញ​ថៃ​បង្ខំ​ឲ្យ​ចុះ​ចេញ​ពី​តំណែងកាល​ពី​ថ្ងៃ​ពុធ​ម្សិល​មិញ​ជា​នាយករដ្ឋ​មន្រ្តី​ស្រី​លើក​ដំបូង​របស់​ប្រទេសនោះ។

​ជា​អតីតពាណិជ្ជករ​ស្រី​ម្នាក់​ លោកស្រី​ Yingluck Shinawatra ​មាន​បទ​ពិសោធន៍​ខាង​នយោបាយ​តិច​តួច ​នៅ​ពេល​ដែល​លោកស្រី ​បាន​ឡើង​កាន់​អំណាច​ដោយ​មិន​រំពឹង​ទុក​មួយ​នៅ​ខែ​កក្កដា​ឆ្នាំ​២០១១។

​ស្រ្តី​អាយុ​៤៦​ឆ្នាំ​រូប​នេះ បាន​ត្រូវ​ប្រឈម​នឹង​ការ​ចោទ​ប្រ​កាន់​ជា​ប្រចាំថា លោកស្រី​ជា​អាយ៉ង​របស់​អតីត​នាយករដ្ឋ​មន្រ្តី​ថាក់ស៊ីន ស៊ីណាវ៉ាត្រា (Thaksin Shinawatra) ​ដែល​ជា​បងប្រុស​របស់​លោកស្រី​ ​ដែល​ត្រូវ​បាន​គេ​បណ្តេញ​ចេញ​ពី​តំណែងនៅ​ក្នុង​រដ្ឋ​ប្រហារ​យោ​ធា​ក្នុង​ឆ្នាំ​២០០៦៕
XS
SM
MD
LG