ឧបសគ្គបច្ចេកវិទ្យាប៉ះពាល់ដល់កិច្ចប្រឹងប្រែងចាក់វ៉ាក់សាំងកូវីដ១៩នៅតំបន់ដាច់ស្រយាលឥណ្ឌា
គំនិតផ្តួចផ្តើមចាក់វ៉ាក់សាំងដោយប្រើប្រាស់បច្ចេកវិទ្យាក្នុងប្រទេសឥណ្ឌាបង្កឱ្យមានក្តីបារម្ភថា គម្លាតឌីជីថលដ៏ធំនៅក្នុងប្រទេសនេះកំពុងធ្វើឱ្យមានការលំបាកសម្រាប់មនុស្សជាច្រើនក្នុងការទទួលបានវ៉ាក់សាំង ជាពិសេសនៅតំបន់ជនបទជាច្រើនក្នុងប្រទេសឥណ្ឌា។ ខណៈដែលអ្នករស់នៅទីក្រុងដែលចេះប្រើប្រាស់បច្ចេកវិទ្យាអាចចាក់វ៉ាក់សាំងបាន មនុស្សរាប់លាននាក់នៅតំបន់ដាច់ស្រយាលត្រូវបានគេទុកចោល ដោយសារតែឧបសគ្គបច្ចេកវិទ្យា។ អ្នកស្រី Anjana Pasricha នៃ VOA រាយការណ៍អំពីរឿងនេះពីទីក្រុងញូវដេលី។ អ្នកនាង ស្រេង លក្ខិណា ជូនសេចក្តីប្រែសម្រួល។
