ភ្ជាប់​ទៅ​គេហទំព័រ​ទាក់ទង

ច្បាប់​ធ្វើ​អត្តសញ្ញាណ​ប័ណ្ណ​​សម្រាប់​អ្នក​បោះឆ្នោត​ត្រូវ​បាន​ច្រានចោល​មុនពេល​បោះឆ្នោត​ប្រធានាធិបតីនៅ​ខែវិច្ឆិកា​


មន្ត្រីម្នាក់កំពុងត្រួតពិនិត្យរូបភាពរបស់អ្នកបោះឆ្នោតក្នុងអត្តសញ្ញាណបណ្ណ័នៅឯតំបន់បោះឆ្នោតក្នុងរដ្ឋតិចសាស។

តុលាការ​សហរដ្ឋ​អាមេរិក ​បាន​ច្រាន​ចោល​ច្បាប់ធ្វើអត្ត​សញ្ញាណប័ណ្ណ​សម្រាប់​អ្នក​បោះឆ្នោត​នៅ​ក្នុង​រដ្ឋ​៤​ខុស​គ្នា​កាល​ពីពេល​ថ្មី​ៗ​នេះ ​ដោយ​បានកាត់​សេចក្តី​ថា ​ច្បាប់​ទាំង​នោះ ​មានការ​រើសអើង។​ តុលាការ​នោះក៏​បាន​ផ្តល់​សិទ្ធិ​បោះឆ្នោត​កាន់​តែ​ច្រើន​ឡើង​ថែម​ទៀត​ដល់​ជន​ជាតិ​ភាគ​តិច​និង​អ្នក​បោះឆ្នោត​ដែលមាន​ប្រាក់​ចំណូល​ទាប​មុន​ពេល​ការ​បោះ​ឆ្នោត​ជ្រើសរើស​ប្រធានា​ធិបតី​សហរដ្ឋ​អាមេរិកនៅ​ខែ​វិច្ឆិកា។

​កាល​ពី​ថ្ងៃ​សុក្រ ​តុលាការឧទ្ធរណ៍​របស់​សហរដ្ឋ​អាមេរិក ​បានច្រាន​ចោល​ច្បាប់​នៅ​ក្នុង​រដ្ឋ North Carolina ​ដែល​តម្រូវ​ឲ្យអ្នក​បោះឆ្នោត​បង្ហាញ​អត្ត​សញ្ញាណ​ប័ណ្ណ​មាន​បិត​រូប​ថត​មុនពេល​ធ្វើ​ការ​បោះឆ្នោត។ គណៈកម្មការ​មួយ​ដែល​មាន​ចៅ​ក្រម​៣​រូប ​បាន​កាត់​សេចក្តី​ថា ​ច្បាប់​ដែល​បាន​អនុម័ត​កាល​ពី​ខែ​មេសា ​មាន​ការរើសអើង​ដោយ​ចេតនា ​ពី​ព្រោះ​តែ​ច្បាប់​នោះ ​មាន​ផល​ប៉ះពាល់​ដល់​ជន​ជាតិ​ភាគ​តិចនិងមនុស្ស​ក្រីក្រ។

ក្នុង​សេចក្តី​ថ្លែងការណ៍​បន្ទាប់​ពី​ការ​សម្រេច​របស់​តុលាការ​នោះ ​លោក Pat McCory ​អភិបាល​រដ្ឋ​ North Carolina ​បាន​និយាយ​ថា ​អត្ត​សញ្ញាណ​ប័ណ្ណមាន​បិត​រូប​ថត បាន​តម្រូវ​ឲ្យ​បង្ហាញនៅ​ពេល​ទិញឱសថ​ដូចជា ​ថ្នាំ​គ្រុនផ្តាសាយនិងការ​ជិះ​យន្តហោះ។​ទោះ​ជាយ៉ាង​នោះ​ក៏ដោយ ​ចៅក្រមខាង​គណបក្ស​ប្រជា​ធិបតេយ្យ​៣​នាក់ ​កំពុងធ្វើ​ឲ្យ​ប៉ះពាល់​ដល់​សុច​រិត​ភាព​ការ​បោះឆ្នោត​របស់​យើង​ខណៈ​នោះ​ក៏ធ្វើ​ឲ្យ​គ្រោះ​ថ្នាក់​ដល់​រដ្ឋ​របស់​យើង​ដែរ។​ យើង​នឹង​ធ្វើ​ការ​ប្តឹង​ឧទ្ធរណ៍​ជា​បន្ទាន់​ ហើយ​ក៏​នឹង​ពិនិត្យ​មើល​ឡើង​វិញដើម្បី​យក​ជម្រើសល្អ​មួយ​ផ្សេង​ទៀត។

ក៏ប៉ុន្តែ​លោកស្រី Lorretta Lynch ​រដ្ឋ​មន្រ្តី​ក្រសួងយុត្តិ​ធម៌​សហរដ្ឋ​អាមេរិក ​បាន​សរសើរ​ការ​សម្រេច​របស់​តុលាការនោះដោយ​លោកស្រី​រដ្ឋ​មន្រ្តី​មាន​ប្រសាសន៍​ថា «សមត្ថភាព​របស់​ពលរដ្ឋ​អាមេរិកកាំង​ដើម្បី​មាន​សំឡេង​នៅ​ក្នុង​ការ​ដឹកនាំ​ប្រទេស​របស់​យើង ​ជាគោលការណ៍​ដែលយើង​ទាំងអស់​គ្នា ​ប្រា​ថ្នា​ចង់​បាន‍»។

ចៅក្រម​ម្នាក់​បាន​រក​ឃើញ​ថា ​ផ្នែក​នានា​នៃ​ច្បាប់ធ្វើ​អត្ត​សញ្ណាប័ណ្ណ​សម្រាប់អ្នក​បោះឆ្នោត​នៅ​ក្នុង​រដ្ឋ Wisconsin ​ដែល​បាន​អនុម័តដោយ​លោក Scott Walkerអភិបាល​រដ្ឋ ​ខុស​នឹង​រដ្ឋ​ធម្មនុញ្ញ៕

XS
SM
MD
LG