នៅក្នុងពិធីបុណ្យសពផ្លូវរដ្ឋអតីតប្រធានាធិបតីទី ៤១ របស់សហរដ្ឋអាមេរិក លោក George H.W. Bush មានការចូលរួមពីសំណាក់ឥស្សរជននយោបាយអាមេរិកសំខាន់ៗ រួមទាំងអតីតមេដឹកនាំ និងមេដឹកនាំក្នុងពេលបច្ចុប្បន្ន ដែលមកពីជុំវិញពិភពលោក។
កម្រងរូបភាព VOA៖ ពិធីបុណ្យសពផ្លូវរដ្ឋរបស់អតីតប្រធានាធិបតីទី ៤១ របស់សហរដ្ឋអាមេរិក លោក George H.W. Bush
១
អតីតប្រធានាធិបតី លោក George W. Bush ធ្វើវិយោគកថា នៅចំពោះមុខក្តារមឈូសរបស់ឪពុកលោកដែលគ្របដណ្តប់ដោយទង់ជាតិ នៅក្នុងពិធីបុណ្យសពផ្លូវរដ្ឋដែលធ្វើឡើងនៅឯព្រះវិហារជាតិ Cathedral ក្នុងរដ្ឋធានីវ៉ាស៊ីនតោន នៅថ្ងៃពុធ ទី០៥ ខែធ្នូ ឆ្នាំ២០១៨។
២
ក្តារមឈូសរបស់អតីតប្រធានាធិបតីសហរដ្ឋអាមេរិក លោក George H.W. Bush ដែលគ្របដណ្តប់ដោយទង់ជាតិ ត្រូវបានទាហានកិត្តិយសសែងចូលក្នុងព្រះវិហារជាតិ Cathedral ក្នុងពិធីបុណ្យសពផ្លូវរដ្ឋ នៅថ្ងៃពុធ ទី ០៥ ខែធ្នូ ឆ្នាំ២០១៨។
៣
អតីតប្រធានាធិបតី លោក George W. Bush និងភរិយា គឺលោកស្រី Laura Bush និងប្អូនប្រុស គឺលោក Jeb Bush មើលក្តារមឈូសរបស់អតីតប្រធានាធិបតីលោក George H.W. Bush គ្រាដែលក្តារមឈូសនោះ មកដល់ព្រះវិហារជាតិ Cathedralនៅថ្ងៃពុធ ទី ០៥ ខែធ្នូ ឆ្នាំ២០១៨ ដើម្បីប្រារព្ធពិធីបុណ្យសពផ្លូវរដ្ឋ។
៤
ក្តារមឈូសរបស់អតីតប្រធានាធិបតីសហរដ្ឋអាមេរិក លោក George H.W. Bush ដែលគ្របដណ្តប់ដោយទង់ជាតិ ត្រូវបានទាហានកិត្តិយសសែងចូលក្នុងព្រះវិហារជាតិ Cathedral ក្នុងពិធីបុណ្យសពផ្លូវរដ្ឋ នៅថ្ងៃពុធ ទី ០៥ ខែធ្នូ ឆ្នាំ២០១៨។
៥
លោកប្រធានាធិបតី Donald Trump និងភរិយា គឺលោកស្រី Melania Trump ឈរនៅជួរមុខជាមួយអតីតប្រធានាធិបតីលោក Barack Obama និងភរិយា គឺលោកស្រី Michelle Obama អតីតប្រធានាធិបតីលោក Bill Clinton និងភរិយា គឺលោកស្រី Hillary Clinton អតីតប្រធានាធិបតីលោក Jimmy Carter និងភរិយា គឺលោកស្រី Rosalynn Carter ក្នុងពិធីបុណ្យសពផ្លូវរដ្ឋរបស់អតីតប្រធានាធិបតីលោក George H.W. Bush នៅក្នុងព្រះវិហារជាតិ Cathedral នៅថ្ងៃពុធ ទី ០៥ ខែធ្នូ ឆ្នាំ២០១៨។
៦
រាប់ពីឆ្វេង លោកស្រី Maria និងស្វាមីរបស់លោកស្រី គឺលោក Neil Bush លោកស្រី Columba Bush លោក Jeb Bush អតីតអភិបាលរដ្ឋFlorida លោកស្រី Laura Bush និងអតីតប្រធានាធិបតី លោក George W. Bush ទៅដល់កន្លែងប្រារព្ធពិធីបុណ្យសពផ្លូវរដ្ឋរបស់អតីតប្រធានាធិបតីលោក George H.W. Bush ដែលធ្វើឡើងនៅព្រះវិហារជាតិ Cathedral នៅថ្ងៃពុធ ទី ០៥ ខែធ្នូ ឆ្នាំ២០១៨។
៧
ព្រះអង្គម្ចាស់ Charles នៃចក្រភពអង់គ្លេស (ពីឆ្វេងទី២ នៅជួរទី២) និងលោកស្រីអធិការបតីនៃប្រទេសអាល្លឺម៉ង់ Angela Merkel (ពីឆ្វេងទី២ នៅជួរទី១) ចូលរួមនៅក្នុងពិធីបុណ្យសពផ្លូវរដ្ឋរបស់អតីតប្រធានាធិបតីលោក George H.W. Bush ដែលធ្វើឡើងនៅព្រះវិហារជាតិ Cathedral នៅថ្ងៃពុធ ទី ០៥ ខែធ្នូ ឆ្នាំ២០១៨។
៨
រថយន្តដឹកក្តារមឈូសរបស់អតីតប្រធានាធិបតីលោក George H.W. Bush ដែលគ្របដណ្តប់ដោយទង់ជាតិ បើកកាត់ពីមុខសេតវិមាន ក្នុងពេលធ្វើដំណើរឆ្ពោះទៅព្រះវិហារជាតិ Cathedral ក្នុងរដ្ឋធានីវ៉ាស៊ីនតោន នៅថ្ងៃពុធ ទី ០៥ ខែធ្នូ ឆ្នាំ២០១៨។
៩
ក្បួនដង្ហែសពរបស់អតីតប្រធានាធិបតីលោក George H.W. Bush នៅតាមមហាវិថី Pennsylvania Avenue ក្នុងរដ្ឋធានីវ៉ាស៊ីនតោន នៅថ្ងៃពុធ ទី ០៥ ខែធ្នូ ឆ្នាំ២០១៨។
១០
رقابت نیزه بازی در ساحهٔ چمن حضوری شهر کابل
១១
ក្តារមឈូសរបស់អតីតប្រធានាធិបតីសហរដ្ឋអាមេរិក លោក George H.W. Bush ដែលគ្របដណ្តប់ដោយទង់ជាតិ ត្រូវបានទាហានចម្រុះកិត្តិយស សែងចេញពីវិមាន សភា Capitolនៅថ្ងៃពុធ ទី ០៥ ខែធ្នូ ឆ្នាំ២០១៨។
១២
សាធារណជន លែងត្រូវបានអនុញ្ញាតឲ្យចូលសម្តែងការគោរពចំពោះវិញ្ញាណក្ខន្ធរបស់អតីតប្រធានាធិបតីលោក George H.W. Bush ដែលដាក់នៅក្រោមដំបូលក្រឡូមនៃអាគារសភា Capitol ដោយនឹងនាំចេញទៅព្រះវិហារជាតិ Cathedral ក្នុងរដ្ឋធានីវ៉ាស៊ីនតោន នៅថ្ងៃពុធ ទី ០៥ ខែធ្នូ ឆ្នាំ២០១៨។