ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

សម្បទាន​ព្រៃឈើ​គំរាម​ដល់​ជីវភាព​រស់នៅ​របស់​ពលរដ្ឋ​ក្រីក្រ


ព្រៃឡង់​គឺជា​ព្រៃ​ក្រាស់​ឬ​ក៏​ព្រៃស្រោង​ដែល​ភ្ជាប់​ស្រុក​ចំនួនពីរ​របស់​ខេត្តព្រះវិហារ​ គឺ​ស្រុក​សែនជ័យ​និង​ ស្រុក​រវៀង​ភ្ជាប់​ទៅស្រុក​ថឡាបរិវាត់​ និង​ស្រុ​កសៀមបូក​របស់​ខេត្ត​ស្ទឹងត្រែង​រួច​បន្ត​ទៅភ្ជាប់​ជា មួយ​ស្រុក​សណ្តាន់​របស់​ខេត្តកំពង់ធំ​និង​ស្រុក​សំប
ព្រៃឡង់​គឺជា​ព្រៃ​ក្រាស់​ឬ​ក៏​ព្រៃស្រោង​ដែល​ភ្ជាប់​ស្រុក​ចំនួនពីរ​របស់​ខេត្តព្រះវិហារ​ គឺ​ស្រុក​សែនជ័យ​និង​ ស្រុក​រវៀង​ភ្ជាប់​ទៅស្រុក​ថឡាបរិវាត់​ និង​ស្រុ​កសៀមបូក​របស់​ខេត្ត​ស្ទឹងត្រែង​រួច​បន្ត​ទៅភ្ជាប់​ជា មួយ​ស្រុក​សណ្តាន់​របស់​ខេត្តកំពង់ធំ​និង​ស្រុក​សំប

ភ្នំពេញ៖ ក្រុម​ប្រជាពលរដ្ឋ​តំណាង​ឲ្យ​សហគមន៍​ការពារ​ព្រៃឈើ​មកពី​ខេត្ត​ព្រះវិហារ​ ក្រចេះ​ ស្ទឹងត្រែង​ និង​កំពង់ធំ ​បាន​អំពាវ​កាលពី​ថ្ងៃព្រហស្បត៍​ឲ្យរដ្ឋាភិបាល​កម្ពុជា​បញ្ឈប់​ការឈូសឆាយ​ព្រៃឡង់​ដោយ​ក្រុមហ៊ុន​វៀតណា​មចំនួន​ពីរ។

ការទាមទារ​នេះ​ធ្វើឡើង​បន្ទាប់ពី​ក្រុម​ប្រជាពលរដ្ឋ​ទាំងនេះ​បាន​ធ្វើដំណើរ​ឆ្ពោះទៅ​ធ្វើការ​ប្រឆាំងទប់ ស្កាត់​ការកាប់ឆ្ការ​ព្រៃរ​បស់​ក្រុមហ៊ុន​ទាំងពីរ​កាលពី​ចុង​ខែកុម្ភៈ។ ក៏ប៉ុន្តែ​ពួកគេ​ត្រូវ​រារាំង​និង​រំខាន​ដោយ​ក្រុមអាជ្ញាធរ​មាន​សមត្ថកិច្ច។

ព្រៃឡង់​គឺជា​ព្រៃ​ក្រាស់​ឬ​ក៏​ព្រៃស្រោង​ដែល​ភ្ជាប់​ស្រុក​ចំនួនពីរ​របស់​ខេត្តព្រះវិហារ​ គឺ​ស្រុក​សែនជ័យ​និង​ ស្រុក​រវៀង​ភ្ជាប់​ទៅស្រុក​ថឡាបរិវាត់​ និង​ស្រុ​កសៀមបូក​របស់​ខេត្ត​ស្ទឹងត្រែង​រួច​បន្ត​ទៅភ្ជាប់​ជា មួយ​ស្រុក​សណ្តាន់​របស់​ខេត្តកំពង់ធំ​និង​ស្រុក​សំបូរ​របស់​ខេត្តក្រចេះ។

ក្រុម​ប្រជាពលរដ្ឋ​បាន​ថ្លែង​នៅក្នុង​សន្និសីទ​កាសែត​ក្នុង​ទីក្រុង​ភ្នំពេញ​ថា​ក្រុមហ៊ុនCRCK​និង ​ក្រុមហ៊ុន​PNT​ ​ដែល​ជា​ក្រុមហ៊ុន​វៀតណាម​ចំនួនពីរ​បាន​ទទួល​ដី​សម្បទាន​សេដ្ឋកិច្ច​សម្រាប់​ធ្វើការ​ដាំដុះ​ដំណាំ​កៅស៊ូ​ពី​រាជរដ្ឋាភិបាល​ហើយ​ក្រុមហ៊ុន​ទាំងពីរ​បាន​កាប់​រានព្រៃ​ពង្វាត​ទៅដល់​ព្រៃឡង់​ ជា​ព្រៃដែល​ពួកគេ​ចិញ្ចឹម​ជីវិត​តាមរយៈ​ការទាញ​យក​អនុផល​ ការចៀរជ័រ ​ទី​រកវល្លិ៍​ និង​ឱសថ​បុរាណ​ជាដើម។

នៅក្នុង​សេចក្តីអំពាវ​នាវ​រួមគ្នា ​ដែល​អាន​ដោយ​លោក​ទុំ សុខុន ​តំណាង​សហគមន៍​ការពារ​ព្រៃឈើ​ មកពី​ខេត្ត​ស្ទឹងត្រែង​ ក្រុម​ប្រជាពលរដ្ឋ​ បាន​ស្នើឲ្យ​រដ្ឋាភិបាល​បញ្ឈប់​ការផ្តល់​ដីសម្បទាន​សេដ្ឋកិច្ច​ដែល​នាំឲ្យ​ប៉ះពាល់​ទៅដល់​ព្រៃធម្មជាតិ​នៅក្នុង​តំបន់​ព្រៃឡង់។ សូមឲ្យ​លុបចោល​អាជ្ញាប័ណ្ណ​ពី​ក្រុមហ៊ុន​ដែល​កំពុងតែ​ឈូសឆាយ​និង​ធ្វើឲ្យ​ប៉ះពាល់​ទៅដល់​ព្រៃឈើ​និង​ធនធាន​ធម្មជាតិ​រួមទាំង​បណ្តាល​ឲ្យ​ខូចខាត​បរិដ្ឋាន។

សេចក្តី​អំពាវនាវ​ដដែល​ បាន​សុំ​អន្តរាគមន៍​ពី​រដ្ឋាភិបាល ​ដើម្បី​បញ្ឈប់​ការគំរាមកំហែង​ពី​អាជ្ញាធរ​កង កម្លាំង​មាន​ប្រដាប់​អាវុធ​នៅតាម​មូលដ្ឋាន។

«សូម​ឲ្យ​រាជរដ្ឋាភិបាល​ប្រគល់​ដី​សម្បទាន​សេដ្ឋកិច្ច​ក្នុង​តំបន់​ព្រៃឡង់​មកឲ្យ​សហគមន៍​វិញ​ទុក​ឲ្យ​ព្រៃ នោះ​ដុះ​តាមធម្មតា​ឡើង​វិញ»។

លោក​ឈន់ ឈុន ​អភិបាលខេត្ត​កំពង់ធំ​អះអាងថា​ លោក​មិនបាន​ដឹង​អំពី​ការធ្វើ​ឲ្យ​ប៉ះពាល់​ទៅដល់​ ព្រៃឡង់​ពីសំណាក់​ក្រុមហ៊ុន​វិនិយោគ​ដំណាំ​កៅស៊ូ​នៅក្នុង​ខេត្ត​របស់​លោក​នោះទេ។

ដោយឡែក​លោក​អភិបាល​ខេត្ត​ក្រចេះ​ ​ខំា ភឿន ​បាន​លើកឡើង​ថា​មិនមាន​ការកាប់​បំផ្លាញ​ព្រៃឡង់​ ដែល​សំបូរ​ទៅដោយ​ជនជាតិ​ភាគតិច​រស់នៅ​នោះទេ​ វា​លែងតែ​ការកាប់បំផ្លាញ​ព្រៃឈើ​ជា​លក្ខណៈ​គ្រួសារ​តែ​ប៉ុណ្ណោះ។

«តាម​មើល​បងប្អូន​អ្នក​ស្រុកអ្នក​ភូមិ​កាប់​ ដើម្បី​យក​ធ្វើផ្ទះ​ធ្វើ​សម្បែង​វាមាន​អញ្ចឹងមែន។ ក៏ប៉ុន្តែ​ទន្រា្ទន​ព្រៃ ទន្រ្ទាន​ដើម្បី​ផ្តល់​ដីសម្បទាន​សេដ្ឋកិច្ច​អត់មាន​ទេតំបន់​អស់ហ្នឹង។ ការព្រួយបារម្ភ​របស់​គាត់​អញ្ចឹង​ហើយ​ធម្មតា​ទេ​ ជា​លក្ខណៈ​អន្តរជាតិ»។

វីអូអេ​សំឡេង​សហរដ្ឋ​អាមេរិក​មិនអាច​ទាក់ទង​លោក​ឆេង គឹមស៊ុន ​ប្រធាន​រដ្ឋបាល​ព្រៃឈើ​របស់ ក្រសួង​កសិកម្ម​បាន​ទេ​នៅថ្ងៃ​នេះ។

ដោយ​ឡែក ​ពុំមាន​ប្រភព​ណាមួយ​ពី​ក្រុមហ៊ុន​CRCK​ និង​ក្រុមហ៊ុន​PNT​របស់​ប្រទេស​វៀតណាម​ អាច​ឆ្លើយ​បំភ្លឺ​តបទៅ​នឹង​ការលើកឡើង​ពី​ការកាប់បំផ្លាញ​ព្រៃឈើ​នោះទេ។

ប្រទេស​កម្ពុជា​នៅក្នុង​រយៈពេល​ជាច្រើន​ឆ្នាំ​មកហើយ​ត្រូវ​គេ​រិះគន់​ពី​ការលួច​កាប់​បំផ្លាញ​ព្រៃឈើ​ ខុសច្បាប់​យ៉ាង​រិចរិល​ដែល​វិធានការ​របស់​រដ្ឋាភិបាល​ហាក់​បីដូចជា​មិនមាន​ប្រសិទ្ធភាព​គ្រប់គ្រាន់​សម្រាប់​ធ្វើការ​ទប់ស្កាត់​នោះទេ។

ជារឿយៗ​ គេបាន​ឃើញ​ការចុះផ្សាយ​តាម​បណ្តាញ​សារព័ត៌មាន​នានា​ អំពី​ការចាប់​បង្រ្កាប​ការលួច កាប់​បំផ្លាញ​និង​ជួញដូរ​ឈើ​ប្រណិតៗ​សម្រាប់​ទីផ្សារ​នៅក្នុង​ស្រុក​និង​សម្រាប់​ទីផ្សារ​ទៅក្រៅ​ប្រទេស៕

XS
SM
MD
LG