កាល​ពី​ថ្ងៃ​សុក្រ​ទី​២២​ខែ​មីនា លោក​រដ្ឋអាជ្ញា​ពិសេស Robert Mueller បាន​ដាក់​​​​របាយការណ៍​របស់​លោក​ស្តី​ពី​ការ​ជ្រៀតជ្រែក​របស់​រុស្ស៊ី​ក្នុង​ការ​បោះឆ្នោត​អាមេរិក​ក្នុង​ឆ្នាំ២០១៦ ជូន​ទៅ​ការិយាល័យ​របស់​រដ្ឋមន្ត្រី​យុត្តិធម៌​ ស្ថិត​ក្នុង​ក្រសួង​យុត្តិធម៌។ ការ​ស៊ើប​អង្កេត​របស់ FBI ​នេះ​មាន​រយៈពេល​ ២២ខែ ដែល​ត្រូវ​បាន​ធ្វើ​ឡើង​ដើម្បី​ស្វែង​រក​ភស្តុតាង​ពាក់​ព័ន្ធ​នឹង​បទ​ចោទ​ប្រកាន់​ចំនួន​ពីរ​ករណី​លើ​ប្រធានាធិបតី​សហរដ្ឋ​អាមេរិក​លោក Donald Trump ដែល​ទី​១​គឺ​បទ​ឃុបឃិត​ជាមួយ​រុស្ស៊ី​និង​ទី​២​គឺ​បទ​រារាំង​យុត្តិធម៌។ នៅ​ក្នុង​កម្មវិធី​កំណត់ត្រា​អ្នកសារព័ត៌មាន​​របស់ VOA លោក ប៉ូច រាសី និង​លោក ចាប ចិត្រា បាន​ពិភាក្សា​អំពី​របាយការណ៍​ស៊ើបអង្កេត​របស់​លោក​រដ្ឋអាជ្ញា​ពិសេស Robert Meuller នេះ។