ភ្ជាប់​ទៅ​គេហទំព័រ​ទាក់ទង

សម្តេចប៉ាប ធ្វើ​ទស្សនកិច្ច​នៅ​វិមាន​រំឮក​នៅ​អាមេនី បន្ទាប់​ពីប្រើ​ពាក្យ​«ប្រល័យ​ពូជសាសន៍‍» ប្រឆាំង​នឹង​ពួក​អូតាម៉ាន់


សម្តេច​ប៉ាប ហ្វ្រង់ស៊ីស (Francis)​ ពេលយាង​ទៅ​វិមាននិង​សារៈ​មន្ទីរ​​ប្រល័យ​ពូជសាសន៍​ក្នុង​រដ្ឋ​ធានី​ប្រទេស​អាមេនី​​កាល​ពី​ថ្ងៃទី២៤ ខែមិថុនា ឆ្នាំ២០១៦។

សម្តេច​ប៉ាប ហ្វ្រង់ស៊ីស (Francis)​ បាន​យាង​ទៅ​វិមាននិង​សារៈ​មន្ទីរប្រល័យ​ពូជសាសន៍​ក្នុង​រដ្ឋ​ធានី​ប្រទេស​អាមេនី​នៅ​ថ្ងៃ​សៅរ៍​នេះ​ដើម្បីឧទ្ទិស​ដល់​ជន​ជាតិ​អាមេនី​ចំនួន​១,៥លាននាក់​ដែល​ត្រូវបាន​សម្លាប់​ក្នុង​ឆ្នាំ​១៩១៥។ ដំណើរ​របស់​ព្រះអង្គ​ធ្វើ​ឡើង​មួយថ្ងៃ​ បន្ទាប់​ពី​ព្រះអង្គ​បាន​ថ្កោលទោស​ការសម្លាប់​រង្គាល​ជនជាតិ​អាមេនី​ប្រព្រឹត្ត​ឡើង​ដោយ​ជនជាតិ​តួកគី​អូតាម៉ាន់ក្នុង​ពេល​សង្គ្រាម​លោក​លើក​ទីមួយ​ថា​ជា​«អំពើ​ប្រល័យ​ពូជសាសន៍‍»​ហើយ​នេះ​ជា​ពាក្យ​មួយ​ដែល​បាន​ធ្វើ​ឲ្យរដ្ឋាភិបាល​ទីក្រុង​អង់ការ៉ា ខឹង​សម្បារ​កាលពី​មួយ​ឆ្នាំ​មុន។​

សម្តេច​ប៉ាប ហ្វ្រង់ស៊ីស​កំពុងតែ​ធ្វើ​ទស្សនកិច្ច​រយៈ​ពេល​បីថ្ងៃ​នៅ​ក្នុង​ប្រទេស​អាមេនី​។ រហូត​មកដល់​ពេល​នេះ​នៅ មិន​ទាន់​មាន​ប្រតិកម្ម​អ្វី​ពី​ប្រទេស​តួកគី​នៅឡើយ​ទេ។ កាលពីឆ្នាំ​មុន​តួកគី​បាន​កោះហៅ​ឯកអគ្គរដ្ឋ​ទូត​របស់​ខ្លួនប្រចាំ​នៅ​បុរី​វ៉ាទីកង់ឲ្យវិល​ត្រឡប់​ទៅ​ប្រទេស​វិញ​បន្ទាប់​ពី​សម្តេចប៉ាប​ហ្វ្រង់ស៊ីស​បាន​ប្រើ​ប្រាស់​ពាក្យ​ថា ​អំពើ​ប្រល័យ​ពូជសាសន៍។​

នៅថ្ងៃ​សៅរ៍​ជាថ្ងៃ​ទីពី​រនៃ​ដំណើរ​ទស្សនកិច្ច​នេះ​ សម្តេច​ប៉ាប​បាន​ដាក់​កម្រង់​ផ្កា​នៅ​វិមាន​រំឮក​នោះ​ ហើយ​បានឈរ​ឧទ្ទិស​នៅ​ពីមុខអណ្តាតភ្លើង ដែល​ដាក់​នៅ​ពីមុខ​ចង្កេះ​ភ្នំ​ក្នុង​រដ្ឋ​ធានី​យ៉េរ៉េវ៉ាន់(Yerevan )៕

XS
SM
MD
LG