ប្រជាពលរដ្ឋនៅភូមិជ្រៃកោង សង្កាត់ស្លាកែត ក្រុងបាត់ដំបង ទៅបោះឆ្នោតជ្រើសរើសក្រុមប្រឹក្សាឃុំសង្កាត់នៅការិយាល័យបោះឆ្នោត ក្នុងសាលាបឋមសិក្សាស្លាកែត នៅថ្ងៃអាទិត្យ ទី៤ ខែមិថុនា ឆ្នាំ២០១៧។ យោងតាមគណៈកម្មាធិការរៀបចំការបោះឆ្នោត ប្រជាពលរដ្ឋប្រមាណ៦.៧០០.០០០ នាក់ បានទៅបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៤នេះ។ ដោយឡែក គណបក្សនយោបាយតូចធំចំនួន១២ បានចូលរួមប្រកួតប្រជែងយកតំណែងជាមេឃុំចៅសង្កាត់ ចំនួន១៦៤៦ នៅទូទាំងប្រទេសកម្ពុជា។ អ្នកអង្កេតដំណើរការបោះឆ្នោតជាតិ និងអន្តរជាតិ បានសង្កេតថា ដំណើរការបោះឆ្នោតទូទៅមានលក្ខណៈល្អប្រសើរ បើទោះបីជាមានករណីមិនប្រក្រតីតិចតួចក្តី៕
ផ្សេងទៀត
