ថ្ងៃបោះឆ្នោតប្រធានាធិបតីសហរដ្ឋអាមេរិក បានបញ្ចប់ទៅ កាលពីថ្ងៃអង្គារ ទី៣ ខែវិច្ឆិកា។ ក៏ប៉ុន្តែ ចាប់តាំងពីយប់ថ្ងៃអង្គារ រហូតមកដល់ល្ងាចថ្ងៃសុក្រនេះ ក្រុមអ្នកគាំទ្ររបស់បេក្ខជនប្រធានាធិបតីទាំងពីររូប គឺលោកប្រធានាធិបតី Donald Trump ខាងគណបក្សសាធារណរដ្ឋ និងអតីតអនុប្រធានាធិបតីលោក Joe Biden ខាងគណបក្សប្រជាធិបតេយ្យ បានចេញតវ៉ានៅតាមបណ្តាទីក្រុងជាច្រើននៅទូទាំងសហរដ្ឋអាមេរិក។ ក្នុងករណីខ្លះ ពួកគេបានតតាំងគ្នាជាពាក្យសម្តី ហើយក្នុងករណីខ្លះ មានការប្រទាញប្រទង់គ្នា ក៏ប៉ុន្តែមិនមានអំពើហិង្សាអ្វីកើតឡើងនោះទេ។ ភាពតានតឹងនេះ កំពុងជំរុញឲ្យក្រុមមន្ត្រីប៉ូលិសតាមបណ្តាទីក្រុងមួយចំនួនដូចជា ទីក្រុង Phoenix រដ្ឋ Arizona ទីក្រុង North Las Vegas រដ្ឋ Nevada និងទីក្រុង Philadelphia រដ្ឋ Pennsylvania រួមទាំងមន្ត្រីទីភ្នាក់ងារស៊ើបអង្កេតសហព័ន្ធ FBI ចេញប្រតិបត្តិការឃ្លាំមើល ដើម្បីរក្សាសន្តិសុខនិងសណ្តាប់ធ្នាប់។ គិតត្រឹមម៉ោង ៦ល្ងាច ថ្ងៃសុក្រ ម៉ោងនៅសហរដ្ឋអាមេរិក លទ្ធផលនៃការបោះឆ្នោតប្រធានាធិបតីសហរដ្ឋអាមេរិកឆ្នាំ ២០២០ មិនទាន់សម្រេចនៅឡើយទេ៕
កម្រងរូបភាព៖ ភាពតានតឹងបានកើនឡើងរវាងអ្នកគាំទ្រលោក Trump និងលោក Biden ខណៈលទ្ធផលនៃការបោះឆ្នោតមិនទាន់បានកំណត់
១
អ្នកគាំទ្រលោកប្រធានាធិបតី Donald Trump (ខាងស្តាំ) និងអ្នកតវ៉ាប្រឆាំងម្នាក់ កំពុងតតាំងជាពាក្យសម្តីដាក់ក្នា នៅមុខការិយាល័យរាប់សន្លឹកឆ្នោតមណ្ឌល TCF ក្នុងទីក្រុង Detroit រដ្ឋ Michigan កាលពីថ្ងៃព្រហស្បតិ៍ ទី៥ ខែវិច្ឆិកា ឆ្នាំ២០២០។
២
មនុស្សជាច្រើននាក់ចូលរួមដើរហែរក្បួនគាំទ្រ «ការរាប់សន្លឹកឆ្នោតទាំងអស់» មួយថ្ងៃបន្ទាប់ថ្ងៃបោះឆ្នោតប្រធានាធិបតី នៅតំបន់ទីប្រជុំជន Manhattan ក្នុងក្រុងញូវយ៉ក រដ្ឋញូវយ៉ក កាលពីថ្ងៃទី៤ ខែវិច្ឆិកា ឆ្នាំ២០២០។
៣
ក្រុមអ្នកគាំទ្រលោក Donald Trump តតាំងពាក្យសម្តីជាមួយនឹងអ្នកគាំទ្រលោក Joe Biden នៅមុខការិយាល័យរាប់សន្លឹកឆ្នោតនៅស្រុក Maricopa ក្នុងទីក្រុង Phoenix រដ្ឋ Arizona ថ្ងៃទី៦ ខែវិច្ឆិកា ឆ្នាំ២០២០។
៤
អ្នកតវ៉ាម្នាក់កាន់បដាគាំទ្រឲ្យមានការរាប់សន្លឹកឆ្នោតទាំងអស់ នៅទីក្រុង Boston រដ្ឋ Massachusetts កាលពីថ្ងៃទី៤ ខែវិច្ឆិកា ឆ្នាំ២០២០ មួយថ្ងៃក្រោយការបោះឆ្នោតប្រធានាធិបតីសហរដ្ឋអាមេរិក។
៥
ក្រុមអ្នកគាំទ្រលោកប្រធានាធិបតី Donald Trump ជួបជុំគ្នាតវ៉ា នៅមុខការិយាល័យបោះឆ្នោតប្រចាំស្រុក Clark នៅទីក្រុង Las Vegas រដ្ឋ Nevada កាលពីថ្ងៃទី៤ ខែវិច្ឆិកា ឆ្នាំ២០២០។
៦
ក្រុមអ្នកតវ៉ាកាន់បដាដែលមានសរសេរជាអក្សរយ៉ាងធំបង្ហាញការគាំទ្រឲ្យមានការរាប់សន្លឹកឆ្នោតទាំងអស់ ក្នុងក្បួនតវ៉ាមួយនៅទីក្រុង Portland រដ្ឋ Oregon កាលពីថ្ងៃទី៤ ខែវិច្ឆិកា ឆ្នាំ២០២០។
៧
ក្រុមអ្នកគាំទ្រលោកប្រធានាធិបតី Trump ប្រមូលផ្តុំគ្នាតវ៉ានៅមុខការិយាល័យរាប់សន្លឹកឆ្នោតប្រចាំស្រុក Maricopa ក្នុងក្រុង Phoenix រដ្ឋ Arizona កាលពីថ្ងៃទី៥ ខែវិច្ឆិកា ឆ្នាំ២០២០។
៨
ក្រុមអ្នកតវ៉ាប្រមូលផ្តុំគ្នានៅមុខមជ្ឈមណ្ឌល Pennsylvania គាំទ្រឲ្យមានការរាប់សន្លឹកឆ្នោតទាំងអស់ នៅទីក្រុង Philadelphia រដ្ឋ Pennsylvania នៅថ្ងៃសុក្រ ទី៦ ខែវិច្ឆិកា ឆ្នាំ២០២០។
៩
អ្នកគាំទ្រលោកប្រធានាធិបតី Donald Trump ប្រមូលផ្តុំគ្នានៅមុខការិយាល័យរាប់សន្លឹកឆ្នោតប្រចាំស្រុក Maricopa ទីក្រុង Phoenix រដ្ឋ Arizona កាលពីថ្ងៃទី៤ ខែវិច្ឆិកា ឆ្នាំ២០២០ មួយថ្ងៃក្រោយថ្ងៃបោះឆ្នោតសហរដ្ឋអាមេរិកឆ្នាំ ២០២០។
១០
ក្រុមអ្នកតវ៉ាមួយក្រុមដែលរៀបចំឡើងដោយបណ្តាញ Make the Road Action Nevada និងក្រុម PLAN Action ដែលគាំទ្រឲ្យមានការរាប់សន្លឹកឆ្នោតទាំងអស់ ក្នុងពេលក្រុមអ្នកគាំទ្រលោកប្រធានាធិបតី Donald Trump កំពុងស្រែកតវ៉ា «បញ្ឈប់ការបន្លំ» នៅទីក្រុង North Las Vegas រដ្ឋ Nevada កាលពីថ្ងៃទី៤ ខែវិច្ឆិកា ឆ្នាំ២០២០។
១១
ក្រុមអ្នកគាំទ្រលោកប្រធានាធិបតី Donald Trump កាន់បដានានា ក្នុងអំឡុងការប្រមូលផ្តុំគ្នាមួយ នៅមុខការិយាល័យអភិបាលក្រុង Phoenix នៅរដ្ឋ Arizona កាលពីថ្ងសទី៥ ខែវិច្ឆិកា ឆ្នាំ២០២០។
១២
មន្ត្រីប៉ូលិសឃ្លាំមើលស្ថានភាពនៃបាតុកម្មមួយ ដែលកើតមានឡើងនៅយប់ថ្ងៃបោះឆ្នោត ក្នុងទីក្រុង Los Angeles រដ្ឋ California កាលពីថ្ងៃទី៣ ខែវិច្ឆិកា ឆ្នាំ២០២០។
១៣
ក្រុមអ្នកគាំទ្រលោកប្រធានាធិបតី Donald Trump និងក្រុមអ្នកគាំទ្រលោក Joe Biden បេក្ខជនប្រធានាធិបតីខាងគណបក្សប្រជាធិបតេយ្យ តទល់មុខគ្នា ក្នុងការតវ៉ារៀងៗខ្លួន នៅយប់ថ្ងៃបោះឆ្នោត នៅទីក្រុង Houston រដ្ឋ Texas កាលពីថ្ងៃទី៣ ខែវិច្ឆិកា ឆ្នាំ២០២០។