លោក Joe Biden បានស្បថចូលកាន់តំណែងជាប្រធានាធិបតីទី ៤៦ របស់សហរដ្ឋអាមេរិកកាលពីថ្ងៃពុធ នៅក្នុងពិធីមួយដែលត្រូវបានរៀបចំធ្វើឡើងនៅលើរានហាលកាំជណ្តើរនៃវិមានសភាសហរដ្ឋអាមេរិក។ លោក Biden ដែលមានអាយុ ៧៨ ឆ្នាំ បានក្លាយជាប្រធានាធិបតីដែលមានវ័យចំណាស់ជាងគេបំផុតក្នុងប្រវត្តិសាស្ត្រសហរដ្ឋអាមេរិក ក្រោយពីលោកបានបម្រើការងារជាសមាជិកព្រឹទ្ធសភាអស់រយៈពេល ៣៦ ឆ្នាំ និងជាអនុប្រធានាធិបតីអស់រយៈពេល ៨ ឆ្នាំ។ នៅមុនលោកស្បថចូលកាន់តំណែង អ្នកស្រី Kamala Harris ដែលជាអតីតសមាជិកព្រឹទ្ធសភាសហរដ្ឋអាមេរិកតំណាងរដ្ឋ California បានស្បថចូលកាន់តំណែងជាអនុប្រធានាធិបតីសហរដ្ឋអាមេរិក។ អ្នកស្រីបានក្លាយជាស្ត្រីដែលកាន់តំណែងខ្ពស់ជាងគេបំផុតនៅក្នុងប្រវត្តិសាស្ត្រសហរដ្ឋអាមេរិកជាង ២០០ ឆ្នាំកន្លងមកនេះ។ អ្នកស្រីមានដើមកំណើតជាជាតិសាសន៍ស្បែកខ្មៅ និងឥណ្ឌា៕
កម្រងរូបភាព៖ ទិដ្ឋភាពនៃពិធីស្បថចូលកាន់តំណែងរបស់លោក Joe Biden និងអ្នកស្រី Kamala Harris
១
លោក Joe Biden និងភរិយាគឺលោកស្រី Jill Biden និងអ្នកស្រី Kamala Harris និងស្វាមីគឺលោក Douglas Emhoff ឈរនៅកាំជណ្តើរនៃវិមានសភា មុនពិធីស្បថចូលកាន់តំណែង នៅវិមានសភាសហរដ្ឋអាមេរិក ក្នុងរដ្ឋធានីវ៉ាស៊ីនតោន ថ្ងៃពុធ ទី២០ ខែមករា ឆ្នាំ២០២១។
២
លោក Joe Biden ធ្វើសច្ចាប្រណិធានចូលកាន់តំណែងជាប្រធានាធិបតីទី៤៦ របស់សហរដ្ឋអាមេរិក នៅវិមានសភាសហរដ្ឋអាមេរិក ក្នុងរដ្ឋធានីវ៉ាស៊ីនតោន ថ្ងៃពុធ ទី២០ ខែមករា ឆ្នាំ២០២១។
៣
លោក Joe Biden និងអ្នកស្រី Kamala Harris ទល់ដៃគ្នាក្នុងកាយវិការស្វាគមន៍គ្នាទៅវិញទៅមក មុនធ្វើសច្ចាប្រណិធានចូលកាន់តំណែង នៅវិមានសភាសហរដ្ឋអាមេរិក ក្នុងរដ្ឋធានីវ៉ាស៊ីនតោន ថ្ងៃពុធ ទី២០ ខែមករា ឆ្នាំ២០២១។
៤
លោក Joe Biden ធ្វើសច្ចាប្រណិធានចូលកាន់តំណែងជាប្រធានាធិបតីទី៤៦ របស់សហរដ្ឋអាមេរិក នៅវិមានសភាសហរដ្ឋអាមេរិក ក្នុងរដ្ឋធានីវ៉ាស៊ីនតោន ថ្ងៃពុធ ទី២០ ខែមករា ឆ្នាំ២០២១។
៥
អ្នកស្រី Kamala Harris ធ្វើសច្ចាប្រណិធានចូលកាន់តំណែងជាអនុប្រធានាធិបតីស្ត្រីដំបូងបង្អស់របស់សហរដ្ឋអាមេរិក នៅវិមានសភាសហរដ្ឋអាមេរិក ក្នុងរដ្ឋធានីវ៉ាស៊ីនតោន ថ្ងៃពុធ ទី២០ ខែមករា ឆ្នាំ២០២១។
៦
លោក Joe Biden ថ្លែងសុន្ទរកថា បន្ទាប់ពីស្បថចូលកាន់តំណែងជាប្រធានាធិបតីទី ៤៦ របស់សហរដ្ឋអាមេរិកនៅវិមានសភា រដ្ឋធានីវ៉ាស៊ីនតោន ថ្ងៃទី២០ ខែមករា ឆ្នាំ២០២១។
៧
លោក Mike Pence អតីតអនុប្រធានាធិបតីសហរដ្ឋអាមេរិក និងភរិយារបស់លោកគឺលោកស្រី Karen Pence ចូលរួមពិធីស្បថចូលកាន់តំណែងប្រធានាធិបតីនៅវិមានសភាសហរដ្ឋអាមេរិក ក្នុងរដ្ឋធានីវ៉ាស៊ីនតោន ថ្ងៃពុធ ទី២០ ខែមករា ឆ្នាំ២០២១។
៨
អតីតប្រធានាធិបតីលោក Barack Obama និងភរិយាគឺអ្នកស្រី Michelle Obama ចូលរួមពិធីស្បថចូលកាន់តំណែងរបស់លោក Joe Biden និងអ្នកស្រី Kamala Harris នៅវិមានសភាសហរដ្ឋអាមេរិក ក្នុងរដ្ឋធានីវ៉ាស៊ីនតោន ថ្ងៃពុធ ទី២០ ខែមករា ឆ្នាំ២០២១។
៩
អតីតប្រធានាធិបតីលោក George W. Bush និងភរិយាគឺលោកស្រី Laura Bush ចូលរួមពិធីស្បថចូលកាន់តំណែងរបស់លោក Joe Biden និងអ្នកស្រី Kamala Harris នៅវិមានសភាសហរដ្ឋអាមេរិក ក្នុងរដ្ឋធានីវ៉ាស៊ីនតោន ថ្ងៃពុធ ទី២០ ខែមករា ឆ្នាំ២០២១។
១០
អតីតប្រធានាធិបតីលោក Bill Clinton និងភរិយាគឺអ្នកស្រី Hillary Clinton ចូលរួមពិធីស្បថចូលកាន់តំណែងរបស់លោក Joe Biden និងអ្នកស្រី Kamala Harris នៅវិមានសភាសហរដ្ឋអាមេរិក ក្នុងរដ្ឋធានីវ៉ាស៊ីនតោន ថ្ងៃពុធ ទី២០ ខែមករា ឆ្នាំ២០២១។
១១
លោក Joe Biden និងភរិយាគឺលោកស្រី Jill Biden និងអ្នកស្រី Kamala Harris និងស្វាមីគឺលោក Douglas Emhoff ឈរនៅកាំជណ្តើរនៃវិមានសភា ក្រោយពីបានធ្វើសច្ចាប្រណិធានចូលកាន់តំណែង នៅវិមានសភាសហរដ្ឋអាមេរិក ក្នុងរដ្ឋធានីវ៉ាស៊ីនតោន ថ្ងៃពុធ ទី២០ ខែមករា ឆ្នាំ២០២១។
១២
អ្នកចម្រៀងអាមេរិកាំងដ៏ល្បីឈ្មោះនាង Lady Gaga ច្រៀងបទគោរពភ្លេងជាតិសហរដ្ឋអាមេរិក ក្នុងពិធីស្បថចូលកាន់តំណែងប្រធានាធិបតីលើកទី៥៩ នៅវិមានសភាសហរដ្ឋអាមេរិក ក្នុងរដ្ឋធានីវ៉ាស៊ីនតោន ថ្ងៃពុធ ទី២០ ខែមករា ឆ្នាំ២០២១។
១៣
កញ្ញា Amanda Gorman អ្នកសូត្រកំណាព្យវ័យក្មេងម្នាក់ សូត្រកំណាព្យក្នុងអំឡុងពិធីស្បថចូលកាន់តំណែងប្រធានាធិបតីលើកទី៥៩ នៅវិមានសភាសហរដ្ឋអាមេរិក ក្នុងរដ្ឋធានីវ៉ាស៊ីនតោន ថ្ងៃពុធ ទី២០ ខែមករា ឆ្នាំ២០២១។
១៤
អ្នកចម្រៀងអាមេរិកាំងដ៏ល្បីឈ្មោះអ្នកនាង Jennifer Lopez ច្រៀងបទភ្លេង ក្នុងពិធីស្បថចូលកាន់តំណែងប្រធានាធិបតីលើកទី៥៩ នៅវិមានសភាសហរដ្ឋអាមេរិក ក្នុងរដ្ឋធានីវ៉ាស៊ីនតោន ថ្ងៃពុធ ទី២០ ខែមករា ឆ្នាំ២០២១។
១៥
ប្រធានាធិបតីសហរដ្ឋអាមេរិកលោក Joe Biden និងភរិយាលោក គឺអ្នកស្រី Jill Biden ឈរនៅមុខសេតវិមាន ក្រោយបានធ្វើសច្ចាប្រណិធានចូលកាន់តំណែងជាប្រធានាធិបតី នៅក្នុងរដ្ឋធានីវ៉ាស៊ីនតោន ថ្ងៃពុធ ទី២០ ខែមករា ឆ្នាំ២០២១។