កម្រងរូបភាព ​VOA៖ ដំណើរ​ទស្សនកិច្ច​របស់​លោកស្រី​ Melania Trump​ នៅ​ប្រទេស​កេនយ៉ា

លោក​ជំទាវ Melania Trump⁠ បន្ត​ដំណើរ​ទស្សនកិច្ច​របស់​លោកស្រី​នៅ​ទ្វីប​អាហ្រ្វិក ក្នុង​ប្រទេស​កេនយ៉ា កាល​ពី​ថ្ងៃ​ទី០៥ ខែ​តុលា​កន្លង​ទៅ​នេះ ដោយ​លោកស្រី​បាន​សង្កត់​ធ្ងន់​ពី​កិច្ចប្រឹងប្រែង​អភិរក្ស​សត្វ​ព្រៃ។ លោកស្រី​បាន​ធ្វើ​ទស្សនកិច្ច​នៅ​ឧទ្យានជាតិ​ក្នុង​រដ្ឋធានី​ណៃរ៉ូប៊ី ដើម្បីទទួលជ្រាប​ពី​យុទ្ធសាស្រ្ត​ ដែល​ប្រទេស​កេនយ៉ា​កំពុង​ធ្វើ​ឡើង​ ដើម្បី​អភិរក្ស​សត្វ​ដំរី និង​សត្វ​រមាស។ បន្ទាប់​មក​ លោកស្រី​ Melania Trump បាន​ទៅ​ធ្វើ​ទស្សនកិច្ច​នៅ​មន្ទីរ​កុមារ​កំព្រា​មួយ។