ពិធីបុណ្យសពរបស់លោ George Floyd បានប្រារព្ធធ្វើឡើងនៅទីក្រុង Houston រដ្ឋ Texas កាលពីថ្ងៃអង្គារម្សិលមិញនេះ ដោយមានការចូលរួមពីក្រុមគ្រួសារ សាច់ញាតិ មិត្តភក្តិ និងភ្ញៀវកិត្តិយសជាច្រើននាក់។ មឈូសដែលដាក់សពរបស់លោក ត្រូវបានដឹកតាមរទេះសេះ ដោយមានការចូលរួមដើរហែរសពពីក្រុមមន្ត្រីប៉ូលិសក្នុងក្រុង ឆ្ពោះទៅកាន់ទីបញ្ចុះសព Houston Memorial Garden នៅតំបន់ Pearland រដ្ឋ Texas។ លោក George Floyd អាយុ ៤៦ឆ្នាំ បានស្លាប់ នៅពេលប៉ូលិស ៤នាក់ បានឃាត់ខ្លួនលោក ដោយមន្ត្រីប៉ូលិសស្បែកសម្នាក់ បានប្រើជង្គង់សង្កត់លើករបស់លោក កាលពីថ្ងៃទី២៥ ខែឧសភាកន្លងទៅ។ ការស្លាប់របស់លោក Floyd បានជំរុញឲ្យមានការធ្វើបាតុកម្មតវ៉ារកយុត្តិធម៌ដល់លោក Floyd និងដើម្បីបង្ហាញការប្រឆាំងនឹងអំពើឃោរឃៅរបស់ប៉ូលិស និងការរើសអើងជាតិសាសន៍ នៅទូទាំងសហរដ្ឋអាមេរិក និងតាមបណ្តាប្រទេសនានាជុំវិញពិភពលោក៕
កម្រងរូបភាព៖ ពិធីបុណ្យសពរបស់លោក George Floyd នៅទីក្រុង Houston រដ្ឋ Texas
១
ក្រុមអ្នកលើកសពកំពុងលីមឈូសដែលដាក់សពរបស់លោក George Floyd ចូលទៅក្នុងព្រះវិហារ Fountain of Praise ក្នុងពិធីបុណ្យសពលោក Floyd នៅទីក្រុង Houston រដ្ឋ Texas ថ្ងៃទី៩ ខែមិថុនា ឆ្នាំ២០២០។
២
ក្រុមអ្នកលើកសពកំពុងលីមឈូសដែលដាក់សពរបស់លោក George Floyd ចូលទៅក្នុងព្រះវិហារ Fountain of Praise ក្នុងពិធីបុណ្យសពលោក Floyd នៅទីក្រុង Houston រដ្ឋ Texas ថ្ងៃទី៩ ខែមិថុនា ឆ្នាំ២០២០។
៣
សមាជិកនៃប៉ុស្តិ៍ប៉ូលិស Text South University ចូលគោរពសពលោក George Floyd ក្នុងពិធីបុណ្យសពលោក នៅព្រះវិហារ Fountain of Praise នៅទីក្រុង Houston រដ្ឋ Texas ថ្ងៃទី៩ ខែមិថុនា ឆ្នាំ២០២០។
៤
លោក Michael Tolds អ្នកចម្រៀងច្រៀងបទ «My Soul's Been Anchored» ក្នុងពិធីបុណ្យសពលោក George Floyd នៅព្រះវិហារ Fountain of Praise ក្នុងទីក្រុង Houston រដ្ឋ Texas ថ្ងៃទី៩ ខែមិថុនា ឆ្នាំ២០២០។
៥
លោក Philonise Floyd ប្អូនប្រុសរបស់លោក George Floyd យំ ក្នុងពិធីបុណ្យសពលោក Floyd នៅព្រះវិហារ Fountain of Praise ក្នុងទីក្រុង Houston ថ្ងៃទី៩ ខែមិថុនា ឆ្នាំ២០២០។
៦
លោក LaTonya Floyd ដែលត្រូវជាប្អូនប្រុសរបស់លោក George Floyd បានយំ ក្នុងពេលលោកឡើងថ្លែងក្នុងពិធីបុណ្យសពរបស់លោក George Floyd នៅព្រះវិហារ Fountain of Praise នៅទីក្រុង Houston រដ្ឋ Texas ថ្ងៃទី៩ ខែមិថុនា ឆ្នាំ២០២០។
៧
លោក Philonise Floyd គៀរស្មាបប្អនប្រុសរបស់លោកគឺលោក LaTonya Floyd ខណៈអ្នកទាំងពីរយំ ក្នុងពិធីបុណ្យសពលោក Floyd នៅព្រះវិហារ Fountain of Praise ក្នុងទីក្រុង Houston ថ្ងៃទី៩ ខែមិថុនា ឆ្នាំ២០២០។
៨
សាច់ញាតិ និងភ្ញៀវកិត្តិយស បានចូលរួមពិធីបុណ្យសពលោក George Floyd នៅព្រះវិហារ Fountain of Praise នៅទីក្រុង Houston រដ្ឋ Texas ថ្ងៃទី៩ ខែមិថុនា ឆ្នាំ២០២០។
៩
មន្ត្រីប៉ូលិសចូលរួមដើរហែរសពរបស់លោក George Floyd ឆ្ពោះទៅកាន់ទីបញ្ចុះសព Houston Memorial Garden នៅតំបន់ Pearland រដ្ឋ Texas ថ្ងៃទី៩ ខែមិថុនា ឆ្នាំ២០២០។
១០
ពលរដ្ឋក្នុងសហគមន៍ប្រមូលផ្តុំគ្នាមើលរទេះសេះដឹកមឈូសដែលដាក់សពលោក George Floyd ខណៈក្បួនហែរសពលោក Floyd ឆ្ពោះទៅកាន់កន្លែងបញ្ចុះសព Houston Memorial Gardens នៅតំបន់ Pearland រដ្ឋ Texas ថ្ងៃទី៩ ខែមិថុនា ឆ្នាំ២០២០។
១១
មន្ត្រីប៉ូលិសចូលរួមដើរហែរសពរបស់លោក George Floyd ឆ្ពោះទៅកាន់ទីបញ្ចុះសព Houston Memorial Garden នៅតំបន់ Pearland រដ្ឋ Texas ថ្ងៃទី៩ ខែមិថុនា ឆ្នាំ២០២០។
១២
លោក Art Acevedo អគ្គស្នងការប៉ូលិសប្រចាំទីក្រុង Houston លើកដៃក្នុងពេលលោកចូលរួមដើរហែរសពលោក George Floyd ទីកាន់ទីបញ្ចុះសព Houston Memorial Garden នៅតំបន់ Pearland ក្នុងរដ្ឋ Texas ថ្ងៃទី៩ ខែមិថុនា ឆ្នាំ២០២០។
១៣
ពលរដ្ឋក្នុងសហគមន៍នាំគ្នាចូលរួមទស្សនាក្បួនហែរសពរបស់លោក George Floyd ទៅកាន់ទីបញ្ចុះសព Houston Memorial Garden នៅតំបន់ Pearland ក្នុងរដ្ឋ Texas ថ្ងៃទី៩ ខែមិថុនា ឆ្នាំ២០២០។
