ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

អ្នក​ដំណើរ​មក​សហរដ្ឋអាមេរិក​ពី​ក្រុង Wuhan ប្រទេស​ចិន​ ត្រូវ​ឆ្លងកាត់​ការ​ពិនិត្យ​សីតុណ្ហភាព​ក្នុង​ខ្លួន​នៅ​អាកាសយានដ្ឋាន


មន្ត្រី​សុខាភិបាល​សហរដ្ឋអាមេរិក​បាន​ចាប់​​ផ្ដើម​ត្រួតពិនិត្យ​នៅ​តាម​អាកាសយានដ្ឋាន​បី​ក្នុង​ទីក្រុង San Francisco ទីក្រុង Los Angeles និង​ទីក្រុង New York ទៅ​លើ​អ្នក​ដំណើរ​មក​ពី​ក្រុង Wuhan ភាគ​កណ្ដាល​ប្រទេស​ចិន។
មន្ត្រី​សុខាភិបាល​សហរដ្ឋអាមេរិក​បាន​ចាប់​​ផ្ដើម​ត្រួតពិនិត្យ​នៅ​តាម​អាកាសយានដ្ឋាន​បី​ក្នុង​ទីក្រុង San Francisco ទីក្រុង Los Angeles និង​ទីក្រុង New York ទៅ​លើ​អ្នក​ដំណើរ​មក​ពី​ក្រុង Wuhan ភាគ​កណ្ដាល​ប្រទេស​ចិន។

មន្ត្រី​សុខាភិបាល​សហរដ្ឋអាមេរិក​បាន​ចាប់ផ្ដើម​ត្រួតពិនិត្យ​នៅ​តាម​អាកាសយានដ្ឋាន​បី​ក្នុង​ទីក្រុង San Francisco ទីក្រុង Los Angeles និង​ទីក្រុង New York ទៅ​លើ​អ្នក​ដំណើរ​មក​ពី​ក្រុង Wuhan ភាគ​កណ្ដាល​ប្រទេស​ចិន ដោយសារ​តែ​នៅ​ទីនោះ​មាន​ការ​ឆ្លង​រាលដាល​ជំងឺ​រលាក​សួត បង្ក​ដោយ​មេរោគ​កូរ៉ូណាវីរុស។

​គិត​មក​ត្រឹម​ថ្ងៃ​សៅរ៍​ គណៈកម្មការ​សុខាភិបាល​ក្រុង Wuhan បាន​និយាយ​ថា មាន​មនុស្ស​ចំនួន​បួន​នាក់​បន្ថែម​ទៀត​ត្រូវ​បាន​ពិនិត្យ​ឃើញថា​បាន​ឆ្លង​មេរោគ​នេះ។ កន្លង​មក​មាន​មនុស្ស​ចំនួន​៤៥​នាក់​ហើយ​បាន​ឆ្លង​មេរោគ​នេះ ហើយ​ក្នុង​ចំណោម​នោះ អ្នក​ជំងឺ​ចំនួន​៥​នាក់​ស្ថិត​ក្នុង​ស្ថានភាព​ធ្ងន់ធ្ងរ ១៥​នាក់​ត្រូវ​បាន​អនុញ្ញាត​ឲ្យ​ចេញ​ពី​មន្ទីរពេទ្យ ហើយ​អ្នក​ជំងឺ​ផ្សេង​ទៀត​កំពុង​ស្ថិត​ក្នុង​ស្ថានភាព​នឹងនរ​ធម្មតា។

ក្រុម​មន្ត្រី​និយាយ​ថា មនុស្ស​ចំនួន​ពីរ​នាក់​បាន​ស្លាប់​ដោយ​សារ​ឆ្លង​មេរោគ​នេះ។ ​
កាល​ពី​ថ្ងៃ​សុក្រ មជ្ឈមណ្ឌល​សហរដ្ឋអាមេរិក​សម្រាប់​ត្រួតពិនិត្យ​និង​ទប់ស្កាត់​ជំងឺ​បាន​ឲ្យ​ដឹង​ថា ខ្លួន​នឹង​បញ្ជូន​មន្ត្រី​ចំនួន​១០០​នាក់​ទៅ​កាន់​អាកាសយានដ្ឋាន​ចំនួន​បី​ដើម្បី​ពិនិត្យ​មើល​អ្នក​ដំណើរ​ដែល​អាច​មាន​អាការៈ​ឆ្លង​មេរោគ​នេះ។ ឥឡូវ​នេះ​មន្ត្រី​ទាំង​នោះ​នឹង​ផ្ដោត​យក​ចិត្ត​ទុកដាក់​ទៅ​លើ​អ្នក​ដំណើរ​ដែល​ធ្វើ​ដំណើរ​មក​ពី​ក្រុង Wuhan ដោយសារ​តែ​គេ​ជឿ​ថា ជំងឺ​រលាក​សួត​ត្រូវ​បាន​ឆ្លងរាលដាល​ចេញ​ពី​ក្រុង​នោះ។

តាំង​ពី​ពេល​នោះ​មក​ មាន​ជើង​ហោះហើរ​ចំនួន​ពីរ​ហើយ​ដែល​បាន​ចេញ​ដំណើរ​ដោយ​ផ្ទាល់​ពី​ក្រុង Wuhan មក​កាន់​សហរដ្ឋអាមេរិក។

ជើងហោះហើរ​មួយ​បាន​មក​ដល់​អាកាសយានដ្ឋាន​ទីក្រុង San Francisco កាល​ពី​ព្រឹក​ថ្ងៃ​សៅរ៍។ អ្នក​ដំណើរ​ដែល​ត្រូវ​បាន​ពិនិត្យ​និយាយ​ថា វា​គឺ​ជា​ដំណើរការ​ដ៏​ងាយស្រួល​មួយ។ មន្ត្រី​សុខាភិបាល​គ្រាន់​តែ​វាស់​សីតុណ្ហភាពក្នុង​ខ្លួន​របស់​ពួកគេ​និង​ឲ្យ​ពួកគេ​បំពេញ​ទម្រង់​បែបបទ​មួយ​ច្បាប់​តែ​ប៉ុណ្ណោះ៕

XS
SM
MD
LG