ភ្ជាប់​ទៅ​គេហទំព័រ​ទាក់ទង

ហ្កា​ដា​ហ្វី​​ កំពុង​​គេច​​ខ្លួន​

  • Luis Ramirez

លោក​រដ្ឋមន្រ្តី​ក្រសួង​ការពារប្រទេស​ Leon Panetta ថ្លែង​ទៅកាន់​ពួក​អ្នកយក​ព័ត៌មាន​បន្ទាប់​ពី​ធ្វើ​ដំណើរវិមាន​រំលឹក​វិញ្ញាណខ័ណ្ឌជាតិ​ថ្ងៃទី១១ ខែកញ្ញាក្នុង​ទីក្រុង​ញូយ៉ក​នៅថ្ងៃ​ទី៦​ ខែ​កញ្ញា​ ឆ្នាំ​២០១១។

មន្ដ្រីក្រសួង​ការពារ​ប្រទេស ​សរអ​ ស្ថិត​នៅ​ក្នុង​ចំណោម​អ្នក​និយាយស្មាន​ អំពី​ទី​កន្លែង​លាក់ពួន​របស់​អតីត​មេដឹកនាំ​លីប៊ី ​មូមារ​កាដាហ្វី។ សំណួរ​មួយ​អំពី​កន្លែង​លាក់ពួន​របស់​ មូមារ​ កាដាហ្វី ​បាន​តាម​ រដ្ឋមន្ដ្រី​ក្រសួង​ការពារ​ប្រទេស ​សរអ ​លោក ​Leon Panetta ​ទៅ​ដល់​បូរី​ នូយ៉ក​នៅ​ថ្ងៃ​អង្គារ​ ដែល​នៅ​ទី​នោះ​លោក​បាន​ចូល​រួម​ក្នុង​ពិធី​ផ្ដល់​កិត្ដិយស​ដល់​ជន​រង​គ្រោះ​ពី​ការ​វាយ​ប្រហារ​ភេរវកម្ម​ នៃ​ឆ្នាំ​២០០១​ ខណៈ​ដែល​ខួប​ឆ្នាំ​ទី ​១០ ​នៃ​ការ​វាយ​ប្រហារ​នោះ​ខិត​ជិត​មក​ដល់។

«ខ្ញុំ​ក៏​មិន​ដឹង​ដែរ។​ ខ្ញុំ​មិនមាន​ព័ត៌មាន​ទេ​ អំពី​ទី​កន្លែង​លាក់ពួន​របស់​គាត់។ ព័ត៌មាន​ដែល​ខ្ញុំដឹង​ គឺ ​គាត់​កំពុង​គេចវ៉េស។​ តែ​នៅ​ទី​ណា​នោះ​ ខ្ញុំ​ពុំ​ដឹង​ទេ»។

កាល​ពី​ប៉ុន្មាន​ថ្ងៃ​ថ្មីៗ​នេះ​ មន្ដ្រី​ក្រសួង​ការពារ​ប្រទេស​ និយាយ​ថា​គេ​ពុំ​មាន​ព័ត៌មាន​ដែល​បង្ហាញ​ អតីត​មេដឹកនាំ​លីប៊ី ​ចាកចេញ​ពី​ប្រទេស​ទេ​ទោះ​បី​ជា​មាន​ពាក្យ​ចចាម​ អារាម​ថា​ គាត់​ប្រហែល​ជា​ឆ្លង​ដែន​ចូល​ទៅ​ក្នុង​ប្រទេស​ អាល់ហ្សេរី ​ឬ នីហ្សេ។យន្ដហោះ​របស់​សរអ​ ស្ថិត​នៅ​ក្នុង​ចំណោម​យន្ដហោះ​ពហុជាតិ​ដែល​អនុវត្ដ​ការ​ហាមប្រាម​មិន​ឲ្យ​មាន​យន្ដ​ហោះ​ នៅ​លើ​មេឃ​នៃ​ប្រទេស​លីប៊ី​ ដើម្បី​ជួយ​ក្រុម​បះបោរ​លីប៊ី ​ក្នុង​ការ​ប្រមូល​យកព័ត៌មាន​សម្ងាត់​ និង​ ផ្ដល់​ការ​គាំទ្រ​ផ្សេងៗ។

នៅ​ថ្ងៃ​អង្គារ​ លោក​ ប៉ាណេតា​ បាន​ចូល​ទៅ​ទស្សនា​វិមាន​រំឮក វិញ្ញាណក្ខន្ធ​ ជន​រងគ្រោះ​ ក្នុង​បូរី​ នួ យ៉ក​ ហើយ​ព្រមាន​ថា​ សរអ​ត្រូវ​តែ​ប្រុង​ប្រៀប​ជា​និច្ច​ចំពោះ​ការ​គំរាម​ពី​ក្រុម​ភេរវកម្ម​អាលកៃដា។

«ភេរវករបន្ដ​រៀបចំផែនការ​ដើម្បី​ធ្វើ​ការ​វាយប្រហារ​ ហើយ​ខ្ញុំ​យល់​ថា ​យើង​មិន​អាច​ធ្វេស​ប្រហែស​បាន​ទេ។ លទ្ធភាព​នៃ​ការ​វាយប្រហារ​បែបនេះ​ មាន​ភាព​ជាក់លាក់​ណាស់»។

លោក​រដ្ឋ​មន្ដ្រី​ក្រសួង​ការពារ​ប្រទេស ​ថ្លែង​ថា​ប្រទេស​ យេម៉ែន​ មាន​ឈ្មោះ​ក្នុង​បញ្ជី​ខ្ពស់​ នៃ​ប្រទេស​ដែល​ត្រូវ​តាម​ឃ្លាំ​មើល ក្រោយ​ពី​ក្រុម​អាលកៃដា​ រៀប​ចំ​ផែនការ​បើក​ការ​វាយប្រហារ​ថ្មី​ មក​លើ​ទិសដៅ​ក្នុងសរអ។

ប្រែ​សម្រួល​ដោយ​ អ៊ូ ធួក

XS
SM
MD
LG