គណបក្សនយោបាយជាច្រើនលើកលែងតែគណបក្សសង្រ្គោះជាតិដែលត្រូវបានរំលាយដោយតុលាការកំពូលកាលពីខែវិច្ឆិកា ឆ្នាំ២០១៧ កន្លងទៅ បានចាប់ផ្តើមធ្វើការដង្ហែក្បួនដើម្បីធ្វើយុទ្ធនាការឃោសនាបោះឆ្នោតសម្រាប់គណបក្សរបស់ខ្លួនកាលពីព្រឹកថ្ងៃសៅរ៍ទី០៧ ខែ កក្កដា សម្រាប់ថ្ងៃបោះឆ្នោតជាតិ២០១៨ខាងមុខដែលនឹងធ្វើឡើងនៅថ្ងៃទី២៩ ខែកក្កដា នេះ។ ខាងក្រោមជារូបភាពខ្លះៗដែលក្រុមការងារ VOA Khmerបានចាប់យកនៅក្នុងថ្ងៃដំបូងនៃយុទ្ធនាការឃោសនាបោះឆ្នោតនេះ។
កម្រងរូបភាព៖ «ទិដ្ឋភាពខ្លះនៃការហែក្បួនឃោសនាគណបក្សនយោបាយថ្ងៃដំបូង»
- VOA Khmer
១
ក្បួនដង្ហែឃោសនារកសម្លេងឆ្នោត របស់គណបក្សហ្វ៊ុនស៊ិនប៉ិច សម្រាកក្រោយអាហារថ្ងៃត្រង់ នៅលើមហាវិថីតេជោហ៊ុនសែន ឬផ្លូវ៦០ ម៉ែត្រ មុននឹងបន្តដង្ហែក្បួនរថយន្តនាពេលរសៀល។ គណបក្សហ្វ៊ុនស៊ិនប៉ិចដឹកនាំដោយសម្តេចក្រុមព្រះ នរោត្តម រណឬទ្ធិ ដែល ក្នុងថ្ងៃដំបូងការឃោសនាបោះឆ្នោត ពុំមានវត្តមាននោះទេ ព្រោះទ្រង់សម្រាកព្យាបាលព្រះកាយក្រោយគ្រោះថ្នាក់ចរាចរណ៍ នៅរាជធានីភ្នំពេញ នៅថ្ងៃទី៧ ខែកក្កដា ឆ្នាំ២០១៨។ (ខាន់ សុគុំមនោ/ VOA)
២
អ្នកគាំទ្រគណបក្សឆន្ទ:ខ្មែរ នៅក្នុងការធ្វើសមាជ នៅថ្ងៃដំបូងនៃយុទ្ធនាការឃោសនារកសំឡេងឆ្នោត នៅក្នុងទីស្នាក់ការគណបក្ស នៅថ្ងៃទី០៧ ខែកក្កដា ឆ្នាំ២០១៨។ (គី ម៉េងលី/VOA)
៣
ក្បួនឃោសនានយោបាយរបស់គណបក្សសម្ព័ន្ធដើម្បីប្រជាធិបតេយ្យនៅលើមហាវិថីតេជោរាជធានីភ្នំពេញ កាលពីព្រឹកថ្ងៃទី០៧ ខែ កក្កដា ឆ្នាំ ២០១៨។(គី ម៉េងលី/VOA)
៤
ក្បួនដង្ហែឃោសនារកសម្លេងឆ្នោត របស់គណបក្សហ្វ៊ុនស៊ិនប៉ិច សម្រាកក្រោយអាហារថ្ងៃត្រង់ នៅលើមហាវិថីតេជោហ៊ុនសែន ឬផ្លូវ៦០ ម៉ែត្រ មុននឹងបន្តដង្ហែក្បួនរថយន្តនាពេលរសៀល។ គណបក្សហ្វ៊ុនស៊ិនប៉ិចដឹកនាំដោយសម្តេចក្រុមព្រះ នរោត្តម រណឬទ្ធិ ដែល ក្នុងថ្ងៃដំបូងការឃោសនាបោះឆ្នោត ពុំមានវត្តមាននោះទេ ព្រោះទ្រង់សម្រាកព្យាបាលព្រះកាយក្រោយគ្រោះថ្នាក់ចរាចរណ៍នៅរាជធានីភ្នំពេញ នៅថ្ងៃទី៧ ខែកក្កដា ឆ្នាំ២០១៨។ (ខាន់ សុគុំមនោ/ VOA)
៥
អ្នកគាំទ្រម្នាក់នៃគណបក្សសម្ព័ន្ធដើម្បីប្រជាធិបតេយ្យ កាន់ទង់ជាតិព្រះរាជាណាចក្រកម្ពុជា នៅក្នុងក្បួនឃោសនានយោបាយ នាថ្ងៃដំបូងនៃយុទ្ធនាការបោះឆ្នោត នៅលើមហាវិថីតេជោហ៊ុនសែន ហៅផ្លូវ៦០ម៉ែត្រ រាជធានីភ្នំពេញ កាលពីព្រឹកថ្ងៃទី០៧កក្កដា២០១៨។។ (គី ម៉េងលី/VOA)
៦
គណបក្សប្រជាជនកម្ពុជាដែលកំពុងដឹកនាំរដ្ឋាភិបាល នៅព្រឹកថ្ងៃសៅរ៍នេះ បានចាប់ផ្តើមយុទ្ធនាការឃោសនាបោះឆ្នោតដែលធំជាងគណបក្សនយោបាយផ្សេងៗ នៅរាជធានីភ្នំពេញ ថ្ងៃសៅរ៍ ទី២៧ ខែកក្កដា ឆ្នាំ២០១៨។ (ស៊ុន ណារិន/VOA)
៧
អ្នកគាំទ្រគណបក្សខ្មែររួបរួមជាតិចាប់ផ្តើមចេញដំណើរដង្ហែក្បួនឃោសនានយោបាយ នៅរាជធានីភ្នំពេញ ថ្ងៃសៅរ៍ ទី០៧ ខែកក្កដា ឆ្នាំ២០១៨។ (ទី អូលីស្សា/ VOA)
៨
លោក ញឹក ប៊ុនឆៃ ប្រធានគណបក្សខ្មែររួបរួមជាតិ ផ្តល់បទសម្ភាសន៍ដល់អ្នកសារព័ត៌មានមុនពេលចេញដំណើរនៅថ្ងៃដំបូងនៃការឃោសនាស្វែងរកសំឡេងគាំទ្រ ក្នុងការបោះឆ្នោតជ្រើសរើសតាំងតំណាងរាស្ត្រអាណត្តិទី៦ នៅក្នុងបរិវេណគេហដ្ឋានរបស់លោក នៅរាជធានីភ្នំពេញ ថ្ងៃសៅរ៍ ទី០៧ ខែកក្កដា ឆ្នាំ២០១៨។ (ទី អូលីស្សា/ VOA)
៩
លោក គង់ ម៉ូនីកា ប្រធានគណបក្សឆន្ទៈខ្មែរថ្លែងទៅកាន់អ្នកគាំទ្រ មុននឹងការចាប់ផ្តើមយុទ្ធនាការឃោសនាបោះឆ្នោតជ្រើសរើសតាំងតំណាងរាស្ត្រអាណត្តិទី៦ នៅក្នុងបរិវេណទីស្នាក់ការបក្សនៅរាជធានីភ្នំពេញ ថ្ងៃសៅរ៍ ទី០៧ ខែកក្កដា ឆ្នាំ២០១៨។ (ទី អូលីស្សា/ VOA)
១០
អ្នកគាំទ្រគណបក្សខ្មែររួបរួមជាតិចាប់ផ្តើមចេញដំណើរដង្ហែក្បួនឃោសនានយោបាយ នៅរាជធានីភ្នំពេញ ថ្ងៃសៅរ៍ ទី០៧ ខែកក្កដា ឆ្នាំ២០១៨។ (ទី អូលីស្សា/ VOA)
១១
ក្បួនដង្ហែរបស់គណបក្សប្រជាជនកម្ពុជានៅក្នុងរាជធានីភ្នំពេញ នៅតាមបណ្ដោយផ្លូវរដ្ឋសភា នៅព្រឹកថ្ងៃសៅរ៍ ទី០៧ ខែកក្កដា ឆ្នាំ ២០១៨។ (ទី អូលីស្សា/ VOA)