វ៉ាស៊ីនតោន —
ការបោះឆ្នោតផ្តាច់ព្រ័ត្រសម្រាប់ពានរង្វាន់ អូស្ការ(Oscars) ចាប់ផ្តើមនៅថ្ងៃសុក្រទី១៤ខែកុម្ភៈនេះហើយ។ សមាជិកនៃគណៈកម្មការរង្វាន់ Oscars ដែលមានចំនួនសរុបទាំងអស់ជាង ៦ពាន់នាក់អាចចាប់ផ្តើមបោះឆ្នោតជ្រើសរើសអ្នកឈ្នះ តាមប្រព័ន្ធ Internet ឬតាមឆ្នោតក្រដាស ពីពេលនេះទៅរហូតដល់ថ្ងៃអង្គារទី២៥ខែកុម្ភៈ។ នេះបើតាមសេចក្តីប្រកាសរបស់គណៈកម្មការរង្វាន់សិល្បៈភាពយន្តអូស្ការនៅថ្ងៃសុក្រ។
ការប្រកាសជ័យលាភី Oscars នឹងធ្វើឡើងនៅយប់ថ្ងៃអាទិត្យទី២មិនាឆ្នាំ២០១៤ នៅទីក្រុង Hollywood ហើយនឹងត្រូវផ្សាយបន្តផ្ទាល់តាមបណ្តាញទូរទស្សន៍ ABC។
ឆ្នាំនេះខ្សែភាពយន្តរបស់លោក ប៉ាន់ ឫទ្ធី ដែលមានចំណងជើងថា The Missing Picture ឬ «កង្វះរូបភាព» ត្រូវបានជ្រើសរើសចូលប្រកួតយករង្វាន់ Oscars ផ្តាច់ព្រាត់ក្នុងប្រភេទខ្សែភាពយន្តបរទេស ជាមួយនឹងភាពយន្ត៤រឿងផ្សេងទៀត ពីប្រទេសបែលហ្ស៊ិក អ៊ីតាលី ដាណឺម៉ាក និងប៉ាឡេស្ទីន។
លោក ប៉ាន់ ឫទ្ធី ដែលជាផលិតករយ៉ាងល្បីល្បាញនៃប្រទេសកម្ពុជា បានរស់នៅក្រោមរបបកុម្មុយនិស្តខ្មែរក្រហម ហើយបានបាត់បង់ឪពុកម្តាយនិងបងប្អូនមួយចំនួន។ លោកបាននិពន្ធរឿង «កង្វះរូបភាព» ដែលរៀបរាប់អំពីជីវិតដ៏កំសត់របស់លោកនៅជំនាន់ខ្មែរក្រហម ដើម្បីឧទ្ទិសដល់ក្រុមគ្រួសាររបស់លោកដែលបានចែកឋានទៅ។
នេះជាលើកទីមួយនៅក្នុងប្រវត្តិសាស្ត្ររបស់រង្វាន់ Oscars ហើយដែលមានខ្សែភាពយន្តមកពីប្រទេសកម្ពុជាចូលប្រកួតក្នុងវគ្គផ្តាច់ព្រាត់នោះ៕
ការប្រកាសជ័យលាភី Oscars នឹងធ្វើឡើងនៅយប់ថ្ងៃអាទិត្យទី២មិនាឆ្នាំ២០១៤ នៅទីក្រុង Hollywood ហើយនឹងត្រូវផ្សាយបន្តផ្ទាល់តាមបណ្តាញទូរទស្សន៍ ABC។
ឆ្នាំនេះខ្សែភាពយន្តរបស់លោក ប៉ាន់ ឫទ្ធី ដែលមានចំណងជើងថា The Missing Picture ឬ «កង្វះរូបភាព» ត្រូវបានជ្រើសរើសចូលប្រកួតយករង្វាន់ Oscars ផ្តាច់ព្រាត់ក្នុងប្រភេទខ្សែភាពយន្តបរទេស ជាមួយនឹងភាពយន្ត៤រឿងផ្សេងទៀត ពីប្រទេសបែលហ្ស៊ិក អ៊ីតាលី ដាណឺម៉ាក និងប៉ាឡេស្ទីន។
លោក ប៉ាន់ ឫទ្ធី ដែលជាផលិតករយ៉ាងល្បីល្បាញនៃប្រទេសកម្ពុជា បានរស់នៅក្រោមរបបកុម្មុយនិស្តខ្មែរក្រហម ហើយបានបាត់បង់ឪពុកម្តាយនិងបងប្អូនមួយចំនួន។ លោកបាននិពន្ធរឿង «កង្វះរូបភាព» ដែលរៀបរាប់អំពីជីវិតដ៏កំសត់របស់លោកនៅជំនាន់ខ្មែរក្រហម ដើម្បីឧទ្ទិសដល់ក្រុមគ្រួសាររបស់លោកដែលបានចែកឋានទៅ។
នេះជាលើកទីមួយនៅក្នុងប្រវត្តិសាស្ត្ររបស់រង្វាន់ Oscars ហើយដែលមានខ្សែភាពយន្តមកពីប្រទេសកម្ពុជាចូលប្រកួតក្នុងវគ្គផ្តាច់ព្រាត់នោះ៕
