ភ្ជាប់​ទៅ​គេហទំព័រ​ទាក់ទង

លោក​អូបាម៉ា​សម្តែង​ទឹកចិត្ត​ស្វាគមន៍​ចំពោះ​អត្រា​អត់​ការងារ​ថយចុះ


លោក​​បារ៉ាក់ ​អូបាម៉ា​​​ថ្លែង​​សុន្ទរកថា​​ប្រចាំ​​សប្តាហ៍​នៅ​ថ្ងៃ​​ទី៥ ​មិនា ​២០១១។

លោក​បារ៉ាក់​អូបាម៉ា​ ប្រធានាធិបតី​អាមេរិក​ និយាយ​ថា​ ព័ត៌មាន​អំពី​អត្រា​អត់​ការងារ​ធ្វើ​បាន​ថយចុះ​បន្តិច​គឺ​ជា​ព័ត៌មាន​គួរ​ជា​ទីស្វាគមន៍ ​ក៏​ប៉ុន្តែ​លោក​និយាយ​ថា​ លោក​ចង់​ឲ្យ​ការ​ងើប​ឡើង​វិញ​ផ្នែក​សេដ្ឋកិច្ច​នេះ​បង្កើន​សន្ទុះ​ថែម​ទៀត។​ អត្រា​អត់​ការងារ​ធ្វើ​បាន​ធ្លាក់​ចុះ​១​ភាគ១០​នៃ​១​ភាគ​រយ​ក្នុង​ខែ​កុម្ភៈ​ដល់​៨,៩​ភាគ​រយ។

លោក​ប្រធានាធិបតី​អូបាម៉ា​បាន​ប្រាប់​សិស្ស​វិទ្យាល័យ​នៅ​ក្រុង​ Miami​ រដ្ឋ ​Florida​ កាលពី​ថ្ងៃសុក្រ​ថា​ មាន​ហេតុផល​ធ្វើ​ឲ្យ​មាន​សុទិដ្ឋិនិយម​អំពី​ទិសដៅ​លូតលាស់​នៃ​សេដ្ឋកិច្ច​របស់​ប្រទេស​ជាតិ។

«នៅ​ព្រឹកនេះ​ យើង​ទទួល​បាន​ព័ត៌មាន​ថា​ អត្រា​អត់​ការងារ​ធ្វើ​បាន​ធ្លាក់ចុះ​មក​ដល់​កម្រិត​ទាប​បំផុត​ក្នុង​ពេល​ជិត​២​ឆ្នាំ​នេះ។​ សេដ្ឋកិច្ច​របស់​យើង​បាន​បង្កើន​ការងារ​ធ្វើ​ចំនួន​២២​ម៉ឺន​២​ពាន់​ក្នុង​ផ្នែក​ឯកជន។​ ផ្នែក​ឯកជន​មាន​កំណើន​ការងារ​រយៈ​ពេល​១២​ខែជាប់ៗ​គ្នា»។

ក៏​ប៉ុន្តែ​លោក​ប្រធានាធិបតី​បាន​រំឭក​ប្រាប់​ទស្សនិក​ជន​ថា​ ដំណើរ​សេដ្ឋកិច្ច​ងើប​ឡើង​វិញ​នេះ​ទើប​តែ​ចាប់​ផ្តើម​ប៉ុណ្ណោះ។

«ដូច្នេះ​ឥឡូវ​សេដ្ឋកិច្ច​របស់​យើង​បាន​បង្កើន​ការងារ​នៅ​ក្នុង​ផ្នែក​ឯកជន​ចំនួន​១,៥​លាន​កាលពី​ឆ្នាំ​ទៅ។ ​នេះ​ជា​ការ​ជឿនលឿន​ ក៏​ប៉ុន្តែ​យើង​ត្រូវ​បន្ត​កសាង​សន្ទុះ​រីកចម្រើន​នេះ​ត​ទៅ​ទៀត»។

ដោយសារ​មាន​ការ​បាត់បង់​ការងារ​ធ្វើ​ចំនួន​៣​ម៉ឺន​នៅ​ក្នុង​ស្ថាប័ន​រដ្ឋ​ និង​សហព័ន្ធ​ក្នុង​ខែ​កុម្ភៈ​ ដូច្នេះ​ទូទាត់​ទៅ​ ចំនួន​ការងារ​ធ្វើកើន​បាន​១៩​ម៉ឺន​២​ពាន់។​ ប៉ុន្តែ​កំណើន​ការងារ​ធ្វើ​បន្ថែម​ទៀតក្នុង​ផ្នែក​ឯកជន​ចំនួន​២២​ម៉ឺន​២​ពាន់​គឺ​ជា​អត្រា​កំណើន​ការងារ​ច្រើន​បំផុត​តាំងពី​ខែ​មេសា​ឆ្នាំ​ទៅ។

តាំងពី​ឆ្នាំ​១៩៨៣​មក​ អត្រា​អត់​ការងារ​ធ្វើ​ធ្លាក់​ចុះ​ពី​៩,៨%​ក្នុង​ខែ​វិច្ឆិកា​មក​នៅ​ត្រឹម​៨,៩%​ក្នុង​ខែ​កុម្ភៈ​គឺ​ជា​តួលេខ​ធ្លាក់​ចុះ​ច្រើន​បំផុត​ក្នុង​រយៈ​ពេល​៣​ខែ។

លោក​John Boehner​ ប្រធាន​រដ្ឋ​សភា​ បាន​សរសេរ​នៅ​ក្នុង​សេចក្តី​ថ្លែង​ការណ៍​អបអរ​សារទរ​ចំពោះ​ការ​ធ្លាក់​ចុះ​នៃ​អត្រា​អត់​ការងារ​នេះ។​ ប៉ុន្តែ​លោក​បាន​បន្ទោស​នីតិកម្ម​ឆ្នាំ​២០០៩​របស់​រដ្ឋបាល​លោក​អូបាម៉ា​សម្រាប់​ជំរុញ​សេដ្ឋកិច្ច។​ លោក​និយាយថា​ នីតិកម្ម​នេះ​បង្កើត​អ្វី​ដែល​លោក​ហៅ​ថា​ «រដ្ឋាភិបាល​ចាយ​ធំ»​ ដែល​លោក Boehner ​អះអាង​ថា​ ធ្វើ​ឲ្យ​រាំង​ស្ទះ​ការ​ងើប​ឡើង​វិញ​របស់​សេដ្ឋកិច្ច។

Austan Goolsbee ​ដែល​ជា​ទីប្រឹក្សា​កំពូល​ផ្នែក​សេដ្ឋកិច្ច​របស់​លោក​ប្រធានាធិបតី​ បាន​ហៅ​និន្នាការ​សេដ្ឋកិច្ច​ទូទៅ​ក្នុង​ពេល​ពីរ​បី​ខែ​កន្លង​ទៅ​នេះ​ថា ​ជា​និន្នាការ​នាំ​ឲ្យ​មាន​កម្លាំង​ចិត្ត។ ​ក៏ប៉ុន្តែ​លោក​បាន​រំឭក​ថា ​គេ​មិន​ត្រូវ​សំអាង​តាម​របាយ​ការណ៍​កំណើន​ខ្លាំង​ក្នុង​ខែ​ណា​មួយ​ទេ ​ហើយ​លោក​បាន​និយាយ​ថា ​មាន​កិច្ចការ​ច្រើន​ទៀត​ត្រូវ​ធ្វើ​ ដើម្បី​បង្កើន​ការងារ​មក​ជំនួស​ការងារ​ដែល​បាត់បង់​ជិត​៨​លាន​ អំឡុង​ពេល​សេដ្ឋកិច្ច​ធ្លាក់​ចុះ​នោះ។

អ្នក​សេដ្ឋកិច្ច​ជា​ច្រើន​យល់​ស្រប​ថា​ ចំនួន​ការងារ​ថ្មី​កើន​ឡើង​នេះ​គឺ​ជា​សញ្ញា​បង្ហាញ​ទំនុក​ចិត្ត​លើ​ការ​កសាង​សេដ្ឋកិច្ច​ឡើង​វិញ។ ​ប៉ុន្តែ​អ្នក​ខ្លះ​រំឭក​ថា​ តួលេខ​អត់​ការងារ​ធ្វើ​អាច​កើន​ឡើង​វិញ ​នៅ​ពេល​អ្នក​ដែល​បាន​ឈប់​ស្វែង​រក​ការងារ​ធ្វើ​កន្លង​មក ​ចាប់​ផ្តើម​រក​ការងារ​ធ្វើ​ជា​ថ្មី។

លោក​ប្រធានាធិបតី​អូបាម៉ា​បាន​ទៅ​ទស្សនកិច្ច​វិទ្យាល័យ ​Miami ​Central High School​ ដើម្បី​ផ្សព្វ​ផ្សាយ​គំនិត​ផ្តួច​ផ្តើម​របស់​លោក​ ធ្វើ​ឲ្យ​វិស័យ​អប់រំ​សិក្សា​ធិការ​អាមេរិក​ប្រសើរ​ឡើង​ ដែល​លោក​និយាយ​ថា​ ជា​កត្តា​សំខាន់​សម្រាប់​ពង្រឹង​សេដ្ឋ​កិច្ច​អាមេរិក។ ​Jeb Bush ​អតីត​អភិបាល​រដ្ឋ ​Florida​បាន​ចូល​រួម​ជាមួយ​លោក​ប្រធានាធិបតី។ ​Jeb Bush​ មក​ពី​ខាង​គណបក្ស​សាធារណរដ្ឋ ​និង​ជា​បងប្អូន​ប្រុស​របស់​លោក​អតីត​ប្រធានាធិបតី ​George​ W Bush​ ដែល​ជា​ប្រធានាធិបតី​កាន់​តំណែង​មុន​លោក​បារ៉ាក់​អូបាម៉ា៕

ប្រែ​សម្រួល​ដោយ​ ពិន ស៊ីសុវណ្ណ

វ៉ាស៊ីនតោន៖ លោក​បារ៉ាក់​អូបាម៉ា​ ប្រធានាធិបតី​អាមេរិក​ និយាយ​ថា​ ព័ត៌មាន​អំពី​អត្រា​អត់​ការងារ​ធ្វើ​បាន​ថយចុះ​បន្តិច​គឺ​ជា​ព័ត៌មាន​គួរ​ជា​ទីស្វាគមន៍ ​ក៏​ប៉ុន្តែ​លោក​និយាយ​ថា​ លោក​ចង់​ឲ្យ​ការ​ងើប​ឡើង​វិញ​ផ្នែក​សេដ្ឋកិច្ច​នេះ​បង្កើន​សន្ទុះ​ថែម​ទៀត។​ អត្រា​អត់​ការងារ​ធ្វើ​បាន​ធ្លាក់​ចុះ​១​ភាគ១០​នៃ​១​ភាគ​រយ​ក្នុង​ខែ​កុម្ភៈ​ដល់​៨,៩​ភាគ​រយ។

លោក​ប្រធានាធិបតី​អូបាម៉ា​បាន​ប្រាប់​សិស្ស​វិទ្យាល័យ​នៅ​ក្រុង Miami រដ្ឋ Florida កាលពី​ថ្ងៃសុក្រ​ថា​ មាន​ហេតុផល​ធ្វើ​ឲ្យ​មាន​សុទិដ្ឋិនិយម​អំពី​ទិសដៅ​លូតលាស់​នៃ​សេដ្ឋកិច្ច​របស់​ប្រទេស​ជាតិ។

«នៅ​ព្រឹកនេះ​ យើង​ទទួល​បាន​ព័ត៌មាន​ថា​ អត្រា​អត់​ការងារ​ធ្វើ​បាន​ធ្លាក់ចុះ​មក​ដល់​កម្រិត​ទាប​បំផុត​ក្នុង​ពេល​ជិត​២​ឆ្នាំ​នេះ។​ សេដ្ឋកិច្ច​របស់​យើង​បាន​បង្កើន​ការងារ​ធ្វើ​ចំនួន​២២​ម៉ឺន​២​ពាន់​ក្នុង​ផ្នែក​ឯកជន។​ ផ្នែក​ឯកជន​មាន​កំណើន​ការងារ​រយៈ​ពេល​១២​ខែជាប់ៗ​គ្នា»។

ក៏​ប៉ុន្តែ​លោក​ប្រធានាធិបតី​បាន​រំឭក​ប្រាប់​ទស្សនិក​ជន​ថា​ ដំណើរ​សេដ្ឋកិច្ច​ងើប​ឡើង​វិញ​នេះ​ទើប​តែ​ចាប់​ផ្តើម​ប៉ុណ្ណោះ។

«ដូច្នេះ​ឥឡូវ​សេដ្ឋកិច្ច​របស់​យើង​បាន​បង្កើន​ការងារ​នៅ​ក្នុង​ផ្នែក​ឯកជន​ចំនួន​១,៥​លាន​កាលពី​ឆ្នាំ​ទៅ។ ​នេះ​ជា​ការ​ជឿនលឿន​ ក៏​ប៉ុន្តែ​យើង​ត្រូវ​បន្ត​កសាង​សន្ទុះ​រីកចម្រើន​នេះ​ត​ទៅ​ទៀត»។

ដោយសារ​មាន​ការ​បាត់បង់​ការងារ​ធ្វើ​ចំនួន​៣​ម៉ឺន​នៅ​ក្នុង​ស្ថាប័ន​រដ្ឋ​ និង​សហព័ន្ធ​ក្នុង​ខែ​កុម្ភៈ​ ដូច្នេះ​ទូទាត់​ទៅ​ ចំនួន​ការងារ​ធ្វើកើន​បាន​១៩​ម៉ឺន​២​ពាន់។​ ប៉ុន្តែ​កំណើន​ការងារ​ធ្វើ​បន្ថែម​ទៀតក្នុង​ផ្នែក​ឯកជន​ចំនួន​២២​ម៉ឺន​២​ពាន់​គឺ​ជា​អត្រា​កំណើន​ការងារ​ច្រើន​បំផុត​តាំងពី​ខែ​មេសា​ឆ្នាំ​ទៅ។

តាំងពី​ឆ្នាំ​១៩៨៣​មក​ អត្រា​អត់​ការងារ​ធ្វើ​ធ្លាក់​ចុះ​ពី​៩,៨% ក្នុង​ខែ​វិច្ឆិកា​មក​នៅ​ត្រឹម​៨,៩% ក្នុង​ខែ​កុម្ភៈ​គឺ​ជា​តួលេខ​ធ្លាក់​ចុះ​ច្រើន​បំផុត​ក្នុង​រយៈ​ពេល​៣​ខែ។

លោក John Boehner ប្រធាន​រដ្ឋ​សភា​ បាន​សរសេរ​នៅ​ក្នុង​សេចក្តី​ថ្លែង​ការណ៍​អបអរ​សារទរ​ចំពោះ​ការ​ធ្លាក់​ចុះ​នៃ​អត្រា​អត់​ការងារ​នេះ។​ ប៉ុន្តែ​លោក​បាន​បន្ទោស​នីតិកម្ម​ឆ្នាំ​២០០៩​របស់​រដ្ឋបាល​លោក​អូបាម៉ា​សម្រាប់​ជំរុញ​សេដ្ឋកិច្ច។​ លោក​និយាយថា​ នីតិកម្ម​នេះ​បង្កើត​អ្វី​ដែល​លោក​ហៅ​ថា «រដ្ឋាភិបាល​ចាយ​ធំ» ដែល​លោក Boehner អះអាង​ថា​ ធ្វើ​ឲ្យ​រាំង​ស្ទះ​ការ​ងើប​ឡើង​វិញ​របស់​សេដ្ឋកិច្ច។

Austan Goolsbee ដែល​ជា​ទីប្រឹក្សា​កំពូល​ផ្នែក​សេដ្ឋកិច្ច​របស់​លោក​ប្រធានាធិបតី​ បាន​ហៅ​និន្នាការ​សេដ្ឋកិច្ច​ទូទៅ​ក្នុង​ពេល​ពីរ​បី​ខែ​កន្លង​ទៅ​នេះ​ថា ​ជា​និន្នាការ​នាំ​ឲ្យ​មាន​កម្លាំង​ចិត្ត។ ​ក៏ប៉ុន្តែ​លោក​បាន​រំឭក​ថា ​គេ​មិន​ត្រូវ​សំអាង​តាម​របាយ​ការណ៍​កំណើន​ខ្លាំង​ក្នុង​ខែ​ណា​មួយ​ទេ ​ហើយ​លោក​បាន​និយាយ​ថា ​មាន​កិច្ចការ​ច្រើន​ទៀត​ត្រូវ​ធ្វើ​ ដើម្បី​បង្កើន​ការងារ​មក​ជំនួស​ការងារ​ដែល​បាត់បង់​ជិត​៨​លាន​ អំឡុង​ពេល​សេដ្ឋកិច្ច​ធ្លាក់​ចុះ​នោះ។

អ្នក​សេដ្ឋកិច្ច​ជា​ច្រើន​យល់​ស្រប​ថា​ ចំនួន​ការងារ​ថ្មី​កើន​ឡើង​នេះ​គឺ​ជា​សញ្ញា​បង្ហាញ​ទំនុក​ចិត្ត​លើ​ការ​កសាង​សេដ្ឋកិច្ច​ឡើង​វិញ។ ​ប៉ុន្តែ​អ្នក​ខ្លះ​រំឭក​ថា​ តួលេខ​អត់​ការងារ​ធ្វើ​អាច​កើន​ឡើង​វិញ ​នៅ​ពេល​អ្នក​ដែល​បាន​ឈប់​ស្វែង​រក​ការងារ​ធ្វើ​កន្លង​មក ​ចាប់​ផ្តើម​រក​ការងារ​ធ្វើ​ជា​ថ្មី។

លោក​ប្រធានាធិបតី​អូបាម៉ា​បាន​ទៅ​ទស្សនកិច្ច​វិទ្យាល័យ Miami ​Central High School ដើម្បី​ផ្សព្វ​ផ្សាយ​គំនិត​ផ្តួច​ផ្តើម​របស់​លោក​ ធ្វើ​ឲ្យ​វិស័យ​អប់រំ​សិក្សា​ធិការ​អាមេរិក​ប្រសើរ​ឡើង​ ដែល​លោក​និយាយ​ថា​ ជា​កត្តា​សំខាន់​សម្រាប់​ពង្រឹង​សេដ្ឋ​កិច្ច​អាមេរិក។ Jeb Bush អតីត​អភិបាល​រដ្ឋ Florida បាន​ចូល​រួម​ជាមួយ​លោក​ប្រធានាធិបតី។ Jeb Bush មក​ពី​ខាង​គណបក្ស​សាធារណរដ្ឋ ​និង​ជា​បងប្អូន​ប្រុស​របស់​លោក​អតីត​ប្រធានាធិបតី George​ W Bush ដែល​ជា​ប្រធានាធិបតី​កាន់​តំណែង​មុន​លោក​បារ៉ាក់​អូបាម៉ា៕

ប្រែ​សម្រួល​ដោយ​ពិន ស៊ីសុវណ្ណ

XS
SM
MD
LG