ភ្ជាប់​ទៅ​គេហទំព័រ​ទាក់ទង

អាមេរិក​រំឭក​ខួប​១៣​ឆ្នាំ​នៃ​ការ​វាយប្រហារ​ភេវរកម្ម


ភ្លើង​ហ្វា​​រំឭក​ខួប Tribute in Light ត្រូវ​គេ​បញ្ចាំង​នៅ​ទី​ក្រុង​ញូវយ៉ក និង​​អាច​ត្រូវ​គេ​មើល​ឃើញ​​ពី​ចម្ងាយ ​ដូច​ជា​ពី​តំបន់​ស្ពាន Brooklyn Bridge កាល​ពី​យប់​ថ្ងៃ​ទី​១០ ខែ​កញ្ញា ឆ្នាំ​២០១៤។

ប្រជាពលរដ្ឋ​អាមេរិកាំង​បាន​ធ្វើ​ការ​គោរព​ខួប​លើក​ទី​១៣​នៃ​ការ​វាយ​ប្រហារ​ភេរវកម្ម​ថ្ងៃ​ទី​១១ ​ខែ​កញ្ញា​កាលពី​ថ្ងៃ​ព្រហស្បតិ៍។

​នៅ​ទី​កន្លែង​អតីត​អគារ​ភ្លោះ​នៃ​មជ្ឈមណ្ឌល​ពាណិជ្ជកម្ម​ពិភពលោក (World Trade Center) ក្រុម​គ្រួសារនិង​មិត្តភក្តិ​បាន​អាន​ឈ្មោះ​របស់​មនុស្ស​ជិត​៣.០០០​នាក់ ​ដែល​បាន​ត្រូវ​សម្លាប់ក្នុង​ទីក្រុង​ញូវយ៉ក ​មន្ទីរ​បញ្ចកោណ (ក្រសួង​ការពារ​ជាតិ)​ និង​នៅ​ជិត​ទីក្រុង​ Shanksville រដ្ឋ Pennsylvania។

​លោក​ប្រធានាធិបតី​អូបាម៉ា​និង​លោក​ជំទាវ ​បាន​រក្សា​ការ​ស្ងៀមស្ងាត់​នៅ​សួន​ច្បារខាង​ត្បូង​សេតវិមានស្រប​ពេលដែល​យន្តហោះ​គេ​ប្លន់​ទី​មួយ ​បាន​បុក​ក្នុង​ទី​ក្រុង​ញូវយ៉ក។

​លោក​ប្រធានាធិបតី​អូបាម៉ា​និង​លោក​ជំទាវ ​ក៏​បាន​ចូល​រួម​ក្នុង​ពិធី​នៅ​មន្ទីរ​បច្ចកោណ ​ជា​ទី​បញ្ជាការ​សហរដ្ឋ​អាមេរិក ​ដែលនៅ​ទី​នោះ​មនុស្ស​រាប់រយ​នាក់ ​បាន​ត្រូវ​សម្លាប់​បន្ទាប់​ពី​យន្តហោះ​ដែល​គេ​ប្លន់​ទី​៣ ​បាន​បុកអគារ​ក្រសួង​ការពារ​ប្រទេស​សហរដ្ឋ​អាមេរិក​នោះ៕

XS
SM
MD
LG