លោកប្រធានាធិបតី បារ៉ាក់ អូបាម៉ា បានប្រកាសពីការផ្លាស់ប្តូរដ៏សំខាន់មួយនៅក្នុងទំនាក់ទំនងរបស់សហរដ្ឋអាមេរិកជាមួយប្រទេសគុយបាបន្ទាប់ពីមេដឹកនាំប្រទេសកុម្មុយនិស្តមួយនេះបានដោះលែងលោក Alan Gross ជនជាតិអាមេរិកាំងដែលបានជាប់ពន្ធនាគារនៅទីនោះអស់រយៈ៥ឆ្នាំ។
លោកអូបាម៉ាប្រកាសការផ្លាស់ប្តូរជាប្រវតិ្តសាស្ត្រមួយចំពោះទំនាក់ទំនងអាមេរិកនិងគុយបា
១
លោកប្រធានាធិបតី បារ៉ាក់ អូបាម៉ា ប្រកាសការផ្លាស់់ប្តូរមួយនៅក្នុងគោលនយោបាយរបស់សហរដ្ឋអាមេរិកចំពោះប្រទេសគុយបា ខណៈពេលលោកថ្លែងសុន្ទរកថាទៅកាន់ប្រជាជាតិអាមេរិកាំងពីបន្ទប់គណៈរដ្ឋមន្រ្តីនៃសេតវិមានក្នុងរដ្ឋធានីវ៉ាស៊ីនតោនកាលពីថ្ងៃទី១៧ ខែធ្នូ ឆ្នាំ២០១៤។
២
រដ្ឋមន្ត្រីការបរទេស លោក John Kerry កំពុងដើរទៅជួបជាមួយលោក Terry Gross ជនជាតិ អាមេរិកាំង ដែលត្រូវបានដោះលែងនាពេលថ្មីៗនេះបន្ទាប់ពីជាប់ពន្ធនាគារក្នុងប្រទេសគុយបាអស់រយៈពេលជាង៥ឆ្នាំ នៅមូលដ្ឋានទ័ព Andrews Air Force Base កាលពីថ្ងៃទី១៧ ខែធ្នូ ឆ្នាំ២០១៤។
៣
ប្រធានាធិបតីគុយបា លោក Raoul Castro កំពុងមានប្រសាសន៍ទៅកាន់ប្រជាជាតិតាមរយៈទូរទស្សន៍ជាតិនៅក្នុងទីក្រុង ឡាហាវ៉ាន (Havana) ក្នុងប្រទេសគុយបា កាល់ពីថ្ងៃទី១៧ ខែធ្នូ ឆ្នាំ២០១៤។
៤
មនុស្សម្នានៅក្នុងភោជនីយដ្ឋានកំពុងទស្សនាប្រធានាធិបតីគុយបា លោក Raul Castro ដែលកំពុងតែថ្លែងសុន្ទរកថាកំឡុងពេលផ្សាយរបស់ទូរទស្សន៍ជាតិក្នុងទីក្រុង ហាឡាវ៉ាន (Havana) ប្រទេសគុយបា កាលពីថ្ងៃទី១៧ ខែធ្នូ ឆ្នាំ២០១៤។
៥
លោក Alan Gross ជនជាតិអាមេរិកាំងដែលថ្មីៗនេះត្រូវបានដោះលែងបន្ទាប់ពីជាប់ពន្ធនាគារអស់រយៈពេលជាង៥ឆ្នាំ កំពុងនិយាយជាមួយភរិយារបស់គាត់ លោកស្រី Judy មុនពេលចាកចេញពីទីក្រុងហាឡាវ៉ាន (Havana) កាលពីថ្ងៃទី១៧ ខែធ្នូ ឆ្នាំ២០១៤។
៦
មនុស្សមា្នមកពីសម្ព័ន្ធ ANSWER ដែលសំដៅដល់ពាក្យ Act Now to Stop War and End Racisim កាន់បដាជាច្រើនដោយបានជម្រុញឲ្យស.រ.អា.បញ្ចប់ការដាក់ទណ្ឌកម្មទៅលើប្រទេសគុយបាកំឡុងពេលបាតុកម្ម ខណៈពេលដែលប្រធានាធិបតីអូបាម៉ាប្រកាសការផ្លាស់ប្តូរមួយនៅក្នុងគោលនយោបាយស.រ.អា.ជាមួយប្រទេសគុយបានៅឯសេតវិមានកាលពីថ្ងៃទី១៧ ខែធ្នូ ឆ្នាំ២០១៤។
៧
លោក Alan Gross (រូបស្តាំ) ដែលជាបុគ្គលិករបស់ភ្នាក់ងារស.រ.អាសម្រាប់ការអភិវឌ្ឃអន្តរជាតិ ហើយដែលបានជាប់ពន្ធនាគារបង្ហាញរូបថតមួយកំឡុងពេលទស្សនៈកិច្ចជាមួយមេដឹកនាំសហគមន៏ជ្វីហ្វរបស់ប្រទេសគុយបា លោកស្រី Adela Dworin និងលោក David Prinstein អនុប្រធានមន្ទីរពេទ្យ Carlos J. Finlay Military Hospital នៅទីក្រុងឡាហាវ៉ាន កាលពីថ្ងៃទី២៨ ខែកញ្ញា ឆ្នាំ២០១២។
