ភ្នំពេញ —
ក្រុមអាជ្ញាធរនិងមន្ត្រីប៉ូលិសក្នុងស្រុករវៀង ខេត្តព្រះវិហារបានឲ្យដឹងថាពួកខ្លួនមិនទាន់អាចរកឃើញកម្មករអណ្តូងរ៉ែដែលបាត់ខ្លួននៅឡើយទេរហូតមកទល់ល្ងាចថ្ងៃអង្គារនេះដោយសារតែភាពស្មុគស្មាញនៃភូមិសាស្ត្រ។
កម្មករអណ្តូងរ៉ែមាសជាលក្ខណៈគ្រួសារចំនួនយ៉ាងតិចប្រាំពីរនាក់ត្រូវរាយការណ៍ថាបានបាត់ខ្លួន នេះបើតាមមន្ត្រីនគរបាលខេត្តប៉ុន្តែបើតាមមន្ត្រីការិយាល័យឧស្សាហកម្មបញ្ជាក់ថាមានតែយុវជនម្នាក់គត់ដែលត្រូវអះអាងពីក្រុមគ្រួសារថាបានបាត់ខ្លួន។
លោក សាយ ដេត អធិការស្រុករវៀងនិយាយថាមន្ត្រីប៉ូលិសកំពុងបន្តការជួយសង្គ្រោះដល់កម្មករទាំងនោះ។
«តាមរន្ធវាហើយតែដីវាចេះតែបាក់ពេក។ យើងកាយមានដៃអាអ៊ិចហ្នឹងហើយវានៅតែបន្តបាក់បន្ថែមទៀត។ វាបាក់មកទៀត»។
លោក គង់ មករា ប្រធានមន្ទីរឧស្សាហកម្មរ៉ែនិងថាមពលខេត្តព្រះវិហារបានឱ្យដឹងថា ការជួយសង្គ្រោះជួបបញ្ហាដោយសារតែទីនោះជាតំបន់ភ្នំ ទីតាំងអណ្តូងរ៉ែនោះជាអណ្តូងចាស់។
«ជំរាលភ្នំ។ ដីហ្នឹងតែយើងតែហ៊ានជីកខ្លាំងទៅវាអាចបាក់ថែមទៀត។ វាផុយវាត្រូវទឹកភ្លៀងប៉ុន្មានថ្ងៃទៀត។ កាយកន្លែងនេះវាបាក់ពីលើថែម។ កាយដល់រន្ធដែលយើងគិតថាគាត់នៅកន្លែងហ្នឹងយើងអត់ហ៊ានចូលទេពីព្រោះខាងលើវាប្រេះពីលើទៀត។ ឧបមាថាគាត់នៅមានជីវិតវាបាក់ធ្លាក់ទៅវាមិនស្លាប់ថែមទៀត»។
អណ្តូងរ៉ែនោះមានជម្រៅប្រហែលជាង ១០០ ម៉ែត្រដែលជាអណ្តូងចាស់មានសភាពទ្រុឌទ្រោមនិងទុកចោលជាយូរមកហើយនៅក្នុងភូមិត្រពាំងទទឹម ឃុំរម្យទម ស្រុករវៀង ខេត្តព្រះវិហារបានបាក់កាលពីព្រឹកថ្ងៃច័ន្ទ។ ជារៀងរាល់ថ្ងៃមានប្រជាពលរដ្ឋប្រហែលពី៥០ទៅ៦០នាក់តែងតែជីកយករ៉ែមាសនៅទៅនោះ។
រហូតមកទល់ពេលនេះពុំទាន់មានរបាយការណ៍ពីចំនួនជាក់លាក់ពីការបាត់ខ្លួននិងការស្លាប់នៃក្រុមកម្មករនោះទេ។
មន្ត្រីប៉ូលិសស្រុករវៀងបញ្ជាក់ថាទិន្នន័យច្បាស់ការនោះគឺថាមានយុវជនអាយុ១៨ឆ្នាំមា្នក់ត្រូវបានគ្រួសារបញ្ជាក់ថានៅកំពុងជាប់ក្នុងអណ្តូងរ៉ែដែលបានបាក់នោះ។
លោក គង់ មករាប្រាប់ឱ្យដឹងថាអណ្តូងរ៉ែមាសដែលបាក់សង្កត់កម្មករនោះប្រជាពលរដ្ឋទើបតែចាប់ផ្តើមដណ្តើមគ្នាជីកយកមាសនៅដើមខែឧសភានេះទេ។
«គាត់នៅតែមានៈថាគាត់អត់អ្វីហូប។ នៅតែបន្តជីក។ គាត់ត្រូវការរកស៊ី។ សូម្បីតែយប់ម៉ិញហ្នឹងបញ្ហាកើតឡើង គាត់នៅតែយកការ៉ុងទៅជីកយកដីដែលយើងកាយពីរណ្តៅទៀត»។
លោក ឡោ ចាន់ អ្នកសម្របសម្រួលសមាគមអាដហុកប្រចាំនៅខេត្តព្រះវិហារបញ្ជាក់ថាភាពក្រីក្របានជំរុញឱ្យអ្នកភូមិសម្រេចចិត្តទៅជីកយករ៉ែបើទោះបីជាដឹងថាមានគ្រោះថ្នាក់យ៉ាងណាក្តី។
លោក ឡោ ចាន់ បញ្ជាក់ទៀតថាអណ្តូងរ៉ែមាសដែលបាក់នោះគឺជាអណ្តូងរ៉ែដែលសល់ពីក្រុមហ៊ុនរុករករ៉ែចិនមួយដែលកាលពីមុនមកធ្លាប់ទទួលបានអាជ្ញាបណ្ណរុករករ៉ែនៅតំបន់នោះ៕
កម្មករអណ្តូងរ៉ែមាសជាលក្ខណៈគ្រួសារចំនួនយ៉ាងតិចប្រាំពីរនាក់ត្រូវរាយការណ៍ថាបានបាត់ខ្លួន នេះបើតាមមន្ត្រីនគរបាលខេត្តប៉ុន្តែបើតាមមន្ត្រីការិយាល័យឧស្សាហកម្មបញ្ជាក់ថាមានតែយុវជនម្នាក់គត់ដែលត្រូវអះអាងពីក្រុមគ្រួសារថាបានបាត់ខ្លួន។
លោក សាយ ដេត អធិការស្រុករវៀងនិយាយថាមន្ត្រីប៉ូលិសកំពុងបន្តការជួយសង្គ្រោះដល់កម្មករទាំងនោះ។
«តាមរន្ធវាហើយតែដីវាចេះតែបាក់ពេក។ យើងកាយមានដៃអាអ៊ិចហ្នឹងហើយវានៅតែបន្តបាក់បន្ថែមទៀត។ វាបាក់មកទៀត»។
លោក គង់ មករា ប្រធានមន្ទីរឧស្សាហកម្មរ៉ែនិងថាមពលខេត្តព្រះវិហារបានឱ្យដឹងថា ការជួយសង្គ្រោះជួបបញ្ហាដោយសារតែទីនោះជាតំបន់ភ្នំ ទីតាំងអណ្តូងរ៉ែនោះជាអណ្តូងចាស់។
«ជំរាលភ្នំ។ ដីហ្នឹងតែយើងតែហ៊ានជីកខ្លាំងទៅវាអាចបាក់ថែមទៀត។ វាផុយវាត្រូវទឹកភ្លៀងប៉ុន្មានថ្ងៃទៀត។ កាយកន្លែងនេះវាបាក់ពីលើថែម។ កាយដល់រន្ធដែលយើងគិតថាគាត់នៅកន្លែងហ្នឹងយើងអត់ហ៊ានចូលទេពីព្រោះខាងលើវាប្រេះពីលើទៀត។ ឧបមាថាគាត់នៅមានជីវិតវាបាក់ធ្លាក់ទៅវាមិនស្លាប់ថែមទៀត»។
អណ្តូងរ៉ែនោះមានជម្រៅប្រហែលជាង ១០០ ម៉ែត្រដែលជាអណ្តូងចាស់មានសភាពទ្រុឌទ្រោមនិងទុកចោលជាយូរមកហើយនៅក្នុងភូមិត្រពាំងទទឹម ឃុំរម្យទម ស្រុករវៀង ខេត្តព្រះវិហារបានបាក់កាលពីព្រឹកថ្ងៃច័ន្ទ។ ជារៀងរាល់ថ្ងៃមានប្រជាពលរដ្ឋប្រហែលពី៥០ទៅ៦០នាក់តែងតែជីកយករ៉ែមាសនៅទៅនោះ។
រហូតមកទល់ពេលនេះពុំទាន់មានរបាយការណ៍ពីចំនួនជាក់លាក់ពីការបាត់ខ្លួននិងការស្លាប់នៃក្រុមកម្មករនោះទេ។
មន្ត្រីប៉ូលិសស្រុករវៀងបញ្ជាក់ថាទិន្នន័យច្បាស់ការនោះគឺថាមានយុវជនអាយុ១៨ឆ្នាំមា្នក់ត្រូវបានគ្រួសារបញ្ជាក់ថានៅកំពុងជាប់ក្នុងអណ្តូងរ៉ែដែលបានបាក់នោះ។
លោក គង់ មករាប្រាប់ឱ្យដឹងថាអណ្តូងរ៉ែមាសដែលបាក់សង្កត់កម្មករនោះប្រជាពលរដ្ឋទើបតែចាប់ផ្តើមដណ្តើមគ្នាជីកយកមាសនៅដើមខែឧសភានេះទេ។
«គាត់នៅតែមានៈថាគាត់អត់អ្វីហូប។ នៅតែបន្តជីក។ គាត់ត្រូវការរកស៊ី។ សូម្បីតែយប់ម៉ិញហ្នឹងបញ្ហាកើតឡើង គាត់នៅតែយកការ៉ុងទៅជីកយកដីដែលយើងកាយពីរណ្តៅទៀត»។
លោក ឡោ ចាន់ អ្នកសម្របសម្រួលសមាគមអាដហុកប្រចាំនៅខេត្តព្រះវិហារបញ្ជាក់ថាភាពក្រីក្របានជំរុញឱ្យអ្នកភូមិសម្រេចចិត្តទៅជីកយករ៉ែបើទោះបីជាដឹងថាមានគ្រោះថ្នាក់យ៉ាងណាក្តី។
លោក ឡោ ចាន់ បញ្ជាក់ទៀតថាអណ្តូងរ៉ែមាសដែលបាក់នោះគឺជាអណ្តូងរ៉ែដែលសល់ពីក្រុមហ៊ុនរុករករ៉ែចិនមួយដែលកាលពីមុនមកធ្លាប់ទទួលបានអាជ្ញាបណ្ណរុករករ៉ែនៅតំបន់នោះ៕
