ភ្ជាប់​ទៅ​គេហទំព័រ​ទាក់ទង

ជំនួប​រវាង​​សហគមន៍​ផ្លូវដែក​និង​ក្រសួង​សាធារណការ​​មិន​ធ្វើ​ឱ្យ​ពលរដ្ឋ​ស្ងប់​ចិត្ត

  • ហ៊ាន សុជាតា

រូប​ភាពឯកសារ៖ បុរស​ម្នាក់​បណ្តើរ​កង់​នៅ​តាម​បណ្តោយ​ផ្លូវ​រថភ្លើង​ នៅ​ក្នុង​រាជធានី​ភ្នំពេញ​ កាល​ពី​ថ្ងៃ​ទី​១៩ ខែ​តុលា ឆ្នាំ​២០១៤។ (នូវ​ ពៅ​លក្ខិណា/VOA)

ការពិភាក្សា​របស់​ពួកគេ​មិន​ទទួល​បាន​ផ្លែ​ផ្កា​នោះទេ​ ដោយ​គ្រាន់​តែ​មាន​ការ​កំណត់កាល​​បរិច្ឆេទ​កិច្ច​ពិភាក្សា​ថ្មី​មួយ​ទៀត​ នៅថ្ងៃ​ទី​២១ ខែ​មីនា​ខាង​មុខ។

តំណាង​សហគមន៍​ផ្លូវ​ដែក​ចំនួន​៨រូប​ ដែល​នឹង​អាច​រង​ផល​ប៉ះពាល់​ ដោយសារ​គម្រោង​សាងសង់​ផ្លូវ​ល្បឿន​លឿន បាន​ជួប​ជាមួយ​តំណាង​ក្រសួង​សាធារណការ​ និង​ដឹកជញ្ជូន​នៅ​រសៀល​ថ្ងៃ​អង្គារ​នេះ​ដើម្បី​កាត់​បន្ថយ​ផលប៉ះពាល់​នៃ​ការអភិវឌ្ឍន៍​នេះ។​

ប៉ុន្តែ​ ការពិភាក្សា​របស់​ពួកគេ​មិន​ទទួល​បាន​ផ្លែ​ផ្កា​នោះទេ​ ដោយ​គ្រាន់​តែ​មាន​ការ​កំណត់កាលបរិច្ឆេទ​កិច្ច​ពិភាក្សា​ថ្មី​មួយ​ទៀត​ នៅថ្ងៃ​ទី​២១ ខែ​មីនា​ខាង​មុខ។​

លោក នាង ផានិត្យ​ ជា​តំណាង​សហគមន៍​ផ្លូវ​ដែក បញ្ជាក់​ប្រាប់​ VOA ថា​ ខ្លួន​ និង​សហគមន៍​ផ្លូវ​ដែក បាន​សម្តែង​ការ​ខកចិត្ត​ ហើយ​ថា​លោក​ហាក់​ដូច​ជា​មិន​សូវ​មាន​ទំនុក​ចិត្ត​ចំពោះ​ក្រសួង​សាធារណការ​ និង​ដឹក​ជញ្ជូន​ឡើយ​ ដោយ​ហេតុ​ថា​ ក្រសួង​តែង​តែ​ធ្វើ​ការ​ពន្យា​ដំណើរការ​វេទិកា​សាធារណៈ​ម្តង​ហើយ​ម្តងទៀត ។

លោក នាង ផានិត្យ ​បន្ត​ថា​ ក្រសួង​សំអាង​ថា​ខ្លួន​មិន​ទាន់រក​បាន​ក្រុម​ហ៊ុន​វិនិយោគ​លើ​គម្រោង​នេះ ខណៈ​ដែល​ខាង​សហគមន៍​ទទួល​បាន​ដំណឹង​ថា​ ក្រសួង​សាធារណការ​បាន​ព្រម​ព្រៀង​ជាមួយ​ក្រុមហ៊ុន​ទទួល​បន្ទុក​គម្រោង​សាងសង់​ផ្លូវ​ល្បឿន​លឿន​នេះ​រួច​ហើយ។​

អ្នក​នាំ​ពាក្យ​ក្រសួង​សាធារណការ​ និង​ដឹក​ជញ្ជូន​មិន​អាច​ទំនាក់​ទំនង​បាន​ទេ​នៅ​ល្ងាច​ថ្ងៃ​អង្គារ​នេះ​ដើម្បី​បញ្ជាក់​ពី​ការ​លើក​ឡើង​របស់​ប្រជាពលរដ្ឋ៕

XS
SM
MD
LG