ភ្ជាប់​ទៅ​គេហទំព័រ​ទាក់ទង

អ្នក​ក្រុង​ញូវ​យ៉ក​អបអរ​ចំពោះ​ការ​ស្លាប់​របស់​អូសាម៉ា​ប៊ិន​ឡាដិន


បុគ្គលិក​ពន្លត់​អគ្គីភ័យ​ម្នាក់​បក់​ដៃ​ទៅ​កាន់​ហ្វូង​មនុស្ស​ដែល​បាន​មក​ប្រមូល​ផ្តុំ​គ្នា​​នៅ​ទីលាន​ថែមស៍​សាឃ្វែរ (Times Square) ក្នុង​បូរី​ញូវយ៉ក ដើម្បី​​ប្រារព្ធ​ពិធី​អបអរ​សាទរ​​​ភ្លាមៗ​និង​​មិន​មាន​ការ​រៀប​ចំ​ទុក​ជា​មុន​មួយ ​កាល​ពី​ថ្ងៃ​​ច័ន្ទ​ទី​០២​ខែ​

នៅ​ក្រោយពេល​ដែល​លោក​ប្រធានាធិបតី​អូបាម៉ាបាន​ប្រកាសអំពី​ការ​ស្លាប់​របស់​អូសាម៉ា​ប៊ិន​ឡាដិន​ (Osama bin Laden) នៅ​ក្នុង​ការ​ប្រយុទ្ធ​គ្នា​ដ៏​ស្វិតស្វាញ​រយៈ​ពេល​ខ្លី​នៅ​ក្នុង​ប្រទេស​ប៉ាគីស្ថាន ​មាន​ពលរដ្ឋ​ជា​ច្រើន​បាន​ជួប​ប្រជុំ​គ្នា​ភ្លាមៗ​និង​ដោយ​មិន​មាន​ការ​គ្រោង​ទុកនៅ​ពី​មុខ​សេតវិមាន​ក្នុង​រដ្ឋធានី​វ៉ាស៊ីន​តោន​ និង​នៅ​ទី​លាន​ថែមស៍​សាឃ្វែរ​ (Times Square) និង Ground Zero នៅ​ក្រុង​ញូវយ៉ក​ ដែលជា​កន្លែង​ពួក​ភេរវករ​បាន​បញ្ជា​យន្តហោះ​ឲ្យ​បុក​អគារពាណិជ្ជកម្ម​ភ្លោះ។

បរិយាកាស​នៅ​តំបន់​ Ground Zero​ ពោរពេញ​ទៅ​ដោយ​សេចក្តី​រីករាយ​និង​ជ័យឃោស។ អ្នក​រស់​នៅ​ទី​ក្រុង​ញូវយ៉ក​ អតីត​យុទ្ធជន​អាមេរិក​ និង​ភ្ញៀវ​ទេសចរ​រាប់​ពាន់​នាក់​ បាន​មក​ប្រមូល​លផ្តុំគ្នា​នៅ​ទី​កន្លែង​នេះ ​ដើម្បី​និយាយ​ពាក្យ​ «ទៅ​ឲ្យ​បាត់» (good riddance) ចំពោះ​អូសាម៉ា​ប៊ិន​ឡាដិន។ ពួក​គេ​ស្រែក​ពាក្យ​ជ័យឃោស «ជយោ! សហរដ្ឋ​អាមេរិក!» (USA! USA!) និង​ច្រៀង​ចម្រៀង​ជាតិ​«សូម​ព្រះ​ជា​ម្ចាស់​ប្រទាន​ពរ​ដល់​ប្រទេស​អាមេរិក» (Good Bless America)។ មនុស្ស​ដែល​ប្រមូល​ផ្តុំ​គ្នា​នេះ​និយាយ​ថា​ ការ​ស្លាប់​របស់​អូសាម៉ា​ប៊ិន​ឡាដិន ​មិន​គ្រាន់តែ​ផ្តល់​យុត្តិធម៌​ដល់​រូបអូសាម៉ា​ប៊ិន​ឡាដិន​ផ្ទាល់​ខ្លួន​ប៉ុណ្ណោះ​ទេ​ ប៉ុន្តែ​ថែម​ទាំងនាំ​មក​នូវ​ការ​ស្ងប់​អារម្មណ៍​ដល់​ប្រទេស​ជាតិ​អាមេរិក​ផង​ដែរ។ និស្សិត​ម្នាក់​ដែល​បាន​ចូល​រួម​ក្នុង​ការ​ប្រជុំ​គ្នា​នេះនិយាយ​ថា​ ថ្វីបើរូប​លោកគួរ​ចំណាយ​ពេលវេលា​នេះ​រៀន​ត្រៀម​សម្រាប់​ការ​ប្រឡង​បញ្ចប់​ខាង​មុខ​ក្តី​ ក៏​លោកសម្រេច​ចិត្ត​មក​ចូល​រួម​នៅ​ទីនេះ​វិញ​ ព្រោះ​លោក​មិន​ចង់​ខក​ខាន​មិន​បាន​ចូល​រួម​ពិធី​អបអរ​ជា​ប្រវត្តិសាស្ត្រ​នេះ​ទេ៕

ប្រែ​សម្រួល​ដោយ​ សឹង សុផាត

XS
SM
MD
LG