កាលពីចុងសប្ដាហ៍កន្លងទៅនេះដែលជាទិវាអ្នកម្ដាយ (Mother's Day) នៅក្នុងសហរដ្ឋអាមេរិក មានអ្នកដំណើរតាមជើងហោះហើរច្រើនបំផុតក្នុងអំឡុងពេលនៃការរាតត្បាតជាសាកលនៃជំងឺកូវីដ១៩។ នេះបើយោងតាមទីភ្នាក់ងារសន្ដិសុខការដឹកជញ្ជូន (TSA) ។
ទីភ្នាក់ងារ TSA បានឲ្យដឹងថា ពលរដ្ឋអាមេរិកាំងជាង ១,៧ លាននាក់ បានឆ្លងកាត់កន្លែងត្រួតពិនិត្យសុវត្ថិភាពនៅអាកាសយានដ្ឋាននានា កាលពីថ្ងៃអាទិត្យ ដែលជាចំនួនច្រើនបំផុតចាប់តាំងពីខែមីនាឆ្នាំមុនមក នៅពេលដែលការធ្វើដំណើរតាមជើងហោះហើរបានរួមតូច ដោយសារតែការរាតត្បាតជាសាកលនៃជំងឺកូវីដ១៩។
ចំនួនអ្នកធ្វើដំណើរតាមជើងហោះហើរកាលពីថ្ងៃអាទិត្យ គឺជាអត្រាខ្ពស់បំផុតជាងកាលពីពីរថ្ងៃមុននោះ រហូតដល់ប្រមាណចំនួន ៤.៥០០ នាក់។
ក្រុមហ៊ុនអាកាសចរណ៍បានឲ្យដឹងថា អ្នកដំណើរទាំងនោះភាគច្រើន គឺជាអ្នកដែលជិះយន្ដហោះកម្សាន្តក្នុងប្រទេស៕
