លោក Biden អំពាវនាវឱ្យមានសាមគ្គីភាព និងការទទួលស្គាល់បន្ទាប់ពីលោក Trump ឈ្នះការបោះឆ្នោតម្តងទៀត
ប្រធានាធិបតីអាមេរិកលោក Joe Biden កាលពីថ្ងៃព្រហស្បតិ៍បានអំពាវនាវឱ្យពលរដ្ឋអាមេរិកាំងទទួលស្គាល់លទ្ធផលការបោះឆ្នោតប្រធានាធិបតីកាលពីថ្ងៃអង្គារ ដែលអតីតប្រធានាធិបតីលោក Donald Trump ឈ្នះបេក្ខជនដែលលោក Biden បានជ្រើសតាំង គឺអនុប្រធានាធិបតីអ្នកស្រី Kamala Harris។ លោកបានសន្យាថា នឹងផ្ទេរអំណាចឱ្យលោក Trump វិញដែលធ្លាប់បានជំរុញអ្នកគាំទ្រខ្លួនឱ្យសម្រុកចូលវិមានសភាពេលដែលសភាទទួលស្គាល់ជ័យជម្នះការបោះឆ្នោតឆ្នាំ២០២០របស់លោក Biden។ អ្នកស្រី Anita Powell នៃវីអូអេជូនសេចក្តីរាយការណ៍។ កញ្ញា ទុំ ម្លិះ ជូនសេចក្តីប្រែសម្រួលដូចតទៅ។
