រូបភាពជុំវិញពិភពលោកថ្ងៃទី ០៨ មីនា ២០១៧ មានមកពីប្រទេសដូចជា ហ្វីលីពីន រ៉ូម៉ានី សហរដ្ឋអាមេរិក អ៊ីរ៉ាក់ ស៊ីរី ក្រិក ឈីលី ចិន ម៉ាល់ត៍ និងឥណ្ឌា។
រូបភាពជុំវិញពិភពលោក ០៨ មីនា ២០១៧
១
ក្រុមស្រ្តីកំពុងហែក្បួនដើម្បីអបអរទិវានារីអន្តរជាតិ ៨ មីនា នៅរដ្ឋធានីម៉ានីល ប្រទេសហ្វីលីពីន។
២
ផ្កានិងកាតដែលមានដាក់ឈ្មោះនិងមូលហេតុនៃការស្លាប់ ត្រូវបានគេដាក់នៅលើដីក្នុងពេលការសម្តែងដើម្បីបង្កើនការយល់ដឹងអំពីគ្រោះថ្នាក់របស់ស្រ្តីដែលត្រូវបានសម្លាប់ដោយសារដៃគូរបស់ខ្លួនក្នុងប្រទេសរ៉ូម៉ានី ដើម្បីអបអរទិវានារីអន្តរជាតិក្នុងទីក្រុង Bucharest។
៣
ជាងថតរូបម្នាក់កំពុងថតរូបសំណាកក្មេងស្រី ម្នាក់នៅនឹងមុខរូបសំណាកគោជល់របស់ Wall Street ក្នុងតំបន់ហិរញ្ញវត្ថុ បុរីញូវយ៉ក កាលពីថ្ងៃទី០៧ មីនា ២០១៧។ រូបសំណាកនេះត្រូវបានដាក់ដោយទីភ្នាក់ងារវិនិយោគ State Street Global Advisors។ ចំណារនៅលើរូបសំណាកនោះសរសេរថា «ស្វែងយល់ពី សក្តានុពលរបស់នារីក្នុងការដឹកនាំ នាងនឹងធ្វើឲ្យការផ្លាស់ប្តូរ»។
៤
មនុស្សម្នានាំគ្នាឈប់ដើម្បីថតរូបរូបសំណាក «ក្មេងស្រីដែលក្លាហានអង់អាច» ក្នុងបុរីញូវយ៉ក។
៥
រលកកំពុងបក់បោកប៉ះនឹងចំណាំងថ្ម ទីដែលរចនាសម្ព័ន្ធធម្មជាតិដ៏ល្បីឈ្មោះ Azure Window បានរលំបន្ទាប់ពីកោះ Maltese បានរងគ្រោះដោយខ្យល់ព្យុះនៅសមុទ្រដ៏ខ្លាំង នៅឯ Dwejra នៃកោះ Gozo សាធារណរដ្ឋម៉ាល់ត៏។
៦
ស្រ្តីម្នាក់ទម្រេតខ្លួនលើដីខណដែលប្រជាជនស៊ីវិល រត់គេចពីទីក្រុង Mosul ខណដែលកងកម្លាំងពិសេសរបស់អ៊ីរ៉ាក់ កំពុងប្រយុទ្ធនឹងយុទ្ធជនរដ្ឋឥស្លាមខាងក្នុងទីក្រុង។
៧
ប្រជាជនស៊ីរី ដែលបានបំលាស់ទី ប្រមូលផ្តុំនៅជំរំបណ្តោះអាសន្ន ក្បែរទីក្រុងភាគខាងជើង Manbij នៅពេលដែលចំនួនប្រជាជនដែលរត់ភៀសខ្លួនពីខេត្ត Aleppo ភាគខាងជើង កើនឡើងដោយសារតែការប្រយុទ្ធគ្នារវាងកងកម្លាំងរដ្ឋាភិបាលស៊ីរី និងយុទ្ធជនរដ្ឋឥស្លាមកាន់តែតឹងតែង។
៨
កសិករពីកោះ Crete ប៉ះទង្គិចជាមួយនឹងប៉ូលិសកុបកម្ម ក្នុងបាតុកម្មមួយខាងក្រៅក្រសួងកសិកម្មក្នុងទីក្រុង Athens ប្រទេសក្រិក។
៩
អ្នកសម្តែងតាមផ្លូវម្នាក់ស្លៀកពាក់ជាទេពអប្សរនៅស្ងៀម ពេលដែលអ្នកធ្វើដំណើរតាមផ្លូវម្នាក់ឲ្យលុយគាត់នៅសាល Plaza de Armas ក្នុងទីក្រុង Santiago ប្រទេសឈីលី កាលពីថ្ងៃទី ០៧ មីនា ២០១៧។
១០
អ្នករាំរបាំម្នាក់ជាមួយមហោស្រពរបាំ Legend Lin សម្តែង «The Eternal Tides» ក្នុងពេលហាត់សមមួយនៅសាលមហោស្រពជាតិទីក្រុងតៃប៉ិ នៅប្រទេសតៃវ៉ាន់។
១១
អាចារ្យសាសនាហិណ្ឌូ បាចម្សៅពណ៌ទៅកាន់អ្នកគោរពសាសនាខាងក្នុងព្រះវិហារ Banke Bihari ហើយឧទ្ទិសដល់ Lord Krishna ក្នុងទិវាអបអរ Holi ក្នុងទីក្រុង Vrindavan ប្រទេសឥណ្ឌា។
