រូបភាពជុំវិញពិភពលោកថ្ងៃទី ២០ ខែ មីនា ២០១៧ មានមកពីប្រទេសដូចជា ស្វីស ឥណ្ឌូនេស៊ី ស៊ីរី ប៉េរូ ប្រេស៊ីល រ៉ូម៉ានី ម៉ាឡេស៊ី ក្វាតេម៉ាឡា និងកេនយ៉ា។
រូបភាពជុំវិញពិភពលោក ២០ មីនា ២០១៧
១
សត្វឃ្មុំមួយក្បាលស្វែងរកលម្អងផ្កាក្នុងចំណោមផ្កាឈើរីដែលរីកនៅក្នុងទីក្រុង Lausanne ប្រទេសស្វីស។
២
សកម្មជនជនជាតិ Papuan ម្នាក់ពាក់មួកបែបប្រពៃណីដែលមានតុបតែងសត្វចាបមួយក្បាលចូលរួមក្នុងបាតុកម្មប្រឆាំងនឹងក្រុមហ៊ុនរុករករ៉ែអាមេរិកដ៏ធំ Freeport-McMoRan Copper & Gold Inc. ក្នុងរដ្ឋធានីហ្សាការតាប្រទេសឥណ្ឌូនេស៊ី។ សកម្មជនជាច្រើននាក់ទាមទារក្រុមហ៊ុនរ៉ែដែលមានមូលដ្ឋាននៅទីក្រុង New Orleans នេះបិទការរុករករ៉ែរបស់ខ្លួនក្នុងខេត្ត Papua ដោយនិយាយថាក្រុមហ៊ុននេះលួចយកទ្រព្យសម្បត្តិរបស់តំបន់នេះនិងផ្តល់មកវិញបានតិចតួចបំផុត។
៣
ផ្សែងបានកំសួលឡើងក្រោយពីមានការវាយប្រហារតាមអាកាសក្នុងតំបន់ដែលកាន់កាប់ដោយក្រុមឧទ្ទាមក្នុងស្រុក Jobar ភាគខាងកើតជាយក្រុង Damascus ប្រទេសស៊ីរី។
៤
ប្រជាជនព្យាយាមឆ្លងកាត់ទន្លេ Rimac បន្ទាប់ពីច្រាំងទន្លេបានបាក់ដោយសារភ្លៀងធ្លាក់យ៉ាងខ្លាំងបណ្តាលឲ្យមានទឹកជំនន់និងការខូចខាតផ្សេងៗរីករាលដាលនៅក្នុង Huachipa រដ្ឋធានី Lima ប្រទេសប៉េរូកាលពីថ្ងៃទី១៩ ខែមីនា ២០១៧។
៥
យុទ្ធជនប្រឆាំងម្នាក់មកពីកងពលតូច Failaq al-Rahman បាញ់កាំភ្លើងធំក្នុងស្រុក Jobar ដែលកាន់កាប់ដោយក្រុមឧទ្ទាមនៅភាគខាងកើតជាយក្រុង Damascus ប្រទេសស៊ីរីកាលពីថ្ងៃទី១៩ មីនា ២០១៧។
៦
ប្រធានាធិបតីប្រេស៊ីល Michel Temer កំពុងបរិភោគសាច់គោអាំងក្នុងភោជនីយដ្ឋានបម្រើសាច់គោបន្ទះមួយបន្ទាប់ពីកិច្ចប្រជុំជាមួយនឹងអគ្គរដ្ឋទូតនៃប្រទេសនាំចូលសាច់ គឺប្រទេសប្រេស៊ីលក្នុងទីក្រុង Brasilia កាលពីថ្ងៃទី១៩ មីនា ២០១៧។
៧
ឆ្មារ Don Sphinx មួយក្បាលកំពុងត្រូវបានវាយតម្លៃក្នុងទីក្រុង Bucharest ប្រទេសរ៉ូម៉ានីកាលពីថ្ងៃទី១៩ មីនា ២០១៧។
៨
សត្វសេក Scarlet Macaw ស្វាគមន៏ភ្ញៀវទេសចរនៅខាងមុខច្រកចូលធំក្នុងអគារសួនសសត្វខ្នាតតូចមួយទីក្រុងគូឡាឡាំពួ ប្រទេសម៉ាឡេស៊ី។
៩
អ្នកទោសកំពុងឡើងលើដំបូលនៅពេលដែលមានភ្លើងឆេះអំឡុង កុបកម្មមួយនៅក្នុងមន្ទីរកែប្រែយុវជននិងបុរសនៅ Centro Correccional Etapa II ក្នុងទីក្រុង San Jose Pinula ប្រទេសក្វាតេម៉ាឡាកាលពីថ្ងៃទី១៩ មីនា ២០១៧។
១០
សត្វដំរីមួយក្បាលដើរក្នុងសួនឧទ្យានជាតិ Amboseli ខាងមុខភ្នំ Kilimanjaro ប្រទេសកេនយ៉ាកាលពីថ្ងៃទី១៩ មីនា ២០១៧។
