ភ្ជាប់​ទៅ​គេហទំព័រ​ទាក់ទង

ជម្លោះ​ស៊ីរី និង​ក្រុម​អ្នក​សង្កេតការ​អន្តរជាតិ


អ្នកសងេ្កតការ​អង្គការ​សហប្រជាជាតិ​ធ្វើដំណើរពី​ការិយាល័យ​របស់ខ្លួន​នៅ Damascus ទៅកាន់ Douma ថ្ងៃទី២៦ មេសា ២០១២។

រដ្ឋាភិបាល​ស៊ីរី​និង​ពួក​សកម្មជន​ប្រឆាំង​បាន​ចោទ​ប្រកាន់​គ្នា​ទៅវិញ​ទៅ​មក​អំពី​អំពើ​ហិង្សា​កាល​ពី​ថ្ងៃ​សៅរ៍​នៅ​ពេល​ដែល​ពួក​អ្នក​សង្កេតការ​អ.ស.ប.​មួយ​ចំនួន​តូច​បាន​ទៅ​ពាស​ពេញ​ប្រទេស​ដើម្បី​ស្ទង់​ប៉ាន់​មើល​ការ​គោរព​តាម​កិច្ច​ឈប់​បាញ់​គ្នា​មួយ​ដែល​មិន​មាំទាំ។

ពួក​អ្នក​សង្កេតការ​អន្តរជាតិ​បាន​ទៅ​មើល​តំបន់​ ហាម៉ា (Hama) នា​ប៉ែក​កណ្តាល​ប្រទេស​កាល​ពី​ថ្ងៃ​សៅរ៍ និង​បាន​ដល់​គោលដៅ​របស់​ខ្លួន​ក្នុង​ការ​រៀបចំ​សម្រាប់​ការ​មក​ដល់​នៃ​ពួក​អ្នក​សង្កេតការ​៣រយ​នាក់។។​លោក​ឧត្តមសេនិយទោ​ រ៉ូប៊ឺទ មូទ (Robert Mood)​ដែល​បាន​ទទួល​ការ​តែងតាំង​កាល​ពីពេល​ថ្មីៗ​នេះ​ជា​មេដឹកនាំបេសកកម្ម​ពួក​អ្នក​សង្កេតការ​កំពុង​ធ្វើ​ដំណើរ​ទៅ​កាន់​ក្រុង​ដាម៉ាស់។

ក្រុម​សិទ្ធិ​មនុស្ស​បាន​និយាយ​ថា​កង​កម្លាំង​រដ្ឋាភិបាល​ស៊ីរី​បាន​សម្លាប់​មនុស្ស​យ៉ាង​តិច​ណាស់​១០​នាក់​នៅ​ក្នុង​ការ​ឆ្មក់​វាយ​ប្រហារ​ក្នុង​តំបន់​ដាម៉ាស់​។

ចិន៖ អង្គការ​សិទ្ធិ​មនុស្ស​ចិន​មួយ​មាន​មូលដ្ឋាន​ក្នុង​ស.រ.អ.​បាន​និយាយ​ថា​លោក​ ឈិន​កុង​ឈិន អ្នក​ប្រឆាំង​ចិន​ពិការ​ភ្នែកឋិត​នៅ​ក្រោម​កិច្ច​ការពារ​របស់​ស.រ.អ.​ហើយ​ថា​កំពុង​មាន​កិច្ចចរចា​រវាង​ពួក​មន្ត្រី​ស.រ.អ.​និង​មន្ត្រី​ចិន។

ភូមា៖ លោក​ស្រី ខាត់ធឺរីន អាសតុន (Catherine Ashton) ​ប្រធាន​គោល​នយោបាយ​ការ​បរទេស​នៃ​សហភាព​អឺរ៉ុបបាន​ជួប​ជាមួយ​លោកស្រី​អោងសានស៊ូជី​មេដឹកនាំ​ក្រុម​ប្រឆាំង​ភូមា​នៅ​ក្នុង​ក្រុង រ៉ុងគូន (Rangoon) និង​សម្ពោធ​ការិយាល័យ​សហភាព​អឺរ៉ុប​ថ្មី​មួយ​ក្នុង​ក្រុង​នេះ​ដើម្បី​មើលការ​ខុស​ត្រូវ​ការ​ចាត់​ចែង​កម្មវិធី​ជំនួយ​និង​ដោះស្រាយ​បញ្ហា​នយោបាយ។ អ្នក​ស្រី​បាន​បាន​សុំ​ដល់​រដ្ឋាភិបាល​ភូមា​ឱ្យ​បន្ត​ការ​ជឿន​លឿន​របស់​ខ្លួនឆ្ពោះ​ទៅ​កាន់​លទ្ធិ​ប្រជាធិបតេយ្យ។

អាហ្វហ្គានីស្ថាន៖ អ្នក​ធ្វើការ​វាយ​ប្រហារ​អត្តឃាត​២នាក់​និង​អង្គរក្ស​២នាក់​បាន​ស្លាប់​នៅ​ក្នុង​ការ​បាញ់​គ្នា​មួយ​នៅ​ក្នុង​បរិវេណ​អាគារ​មាន​កំផែង​ព័ទ្ធ​ជុំវិញ​របស់​អភិបាលខេត្តនៅ​កានដាហារ នា​ប៉ែក​ខាង​ត្បូង​ប្រទេស។

បារំាង៖ ទីភ្នាក់​ងារ​ព័ត៌មាន​បារាំង​ AFP ​បាន​ផ្សាយ​ថា​លោក ដូមីនីក ស្ត្រាសឺ ខាន (Dominique Strauss-Kahn) អតីត​នាយក​អង្គការ​មូលនិធិ​រូបិយវត្ថុ​អន្តរជាតិ​ដែល​អាប់​កិត្តិយស​ហើយ​ដែល​ធ្លាប់​បាន​ត្រូវ​ចាត់​ទុក​ថា​ជា​អ្នក​ឈ្នះ​ក្នុង​ការ​បោះឆ្នោត​ប្រធានាធិបតី​បារាំង​បាន​ជ្រៀត​ចូល​ក្នុង​ការ​ឃោសនា​បោះឆ្នោត​កាល​ពីថ្ងៃ​សៅរ៍​ជាមួយ​ការ​អះអាង​មួយ​ថា​លោក នីកូឡា សាកូស៊ី (Nicolas Sarkozy) ​បាន​រៀបចំ​ឱ្យ​លោក​ធ្លាក់​ខ្លួន ដែល​រារាំង​លោក​មិន​ឱ្យ​ឈរ​ឈ្មោះ​ជា​បេក្ខជន​នៃ​គណបក្ស​សង្គម​និយម។

ស៊ូដង់៖ របាយការណ៍​មក​ពី​ប្រទេស​ស៊ួដង់​និយាយ​ថា​ពួក​មន្ត្រី​ស៊ូដង់​បាន​ចាប់​ខ្លួន​ជន​បរទេស​បី​នាក់​នៅ​ក្នុង​ក្រុង​ប្រេង​ ហេខលីង (Heglig) ​ដែល​មាន​ជម្លោះ។

ស៊ូដង់៖ រដ្ឋមន្ត្រី​ក្រសួង​ព័ត៌មាន​ស៊ូដង់​ខាង​ត្បូង​បាន​និយាយ​ថា​ចិន​បាន​ឱ្យ​ប្រទេស​ថ្មី​ថ្មោង​នេះ​ខ្ចី​ប្រាក់​៨​ពាន់​លាន​ដុល្លារ​ដើម្បី​ផ្គង់ផ្គង់​ដល់​គម្រោងការ​កសាង​ហេដ្ឋារចនាសម្ព័ន្ធ​ធំៗ។

XS
SM
MD
LG