ភ្ជាប់​ទៅ​គេហទំព័រ​ទាក់ទង

អ្នក​កាទូត៖ ស.រ.អា​នឹង​ចាត់​វិធានការណ៍​យ៉ាង​ប្រុងប្រយ័ត្ន​ក្នុង​ការ​បន្ធូរបន្ថយ​ទណ្ឌកម្ម​លើ​ភូមា


អនុរដ្ឋ​មន្ដ្រី​ក្រសួង​ការ​បរទេស​ទទួល​បន្ទុក​ខាង​កិច្ច​ការ​អាស៊ី​និង​ប៉ាស៊ីហ្វិក លោក ឃឺរត៍ ខាំប៊ែល (Kurt Campbell) (AP Photo/Ahn Young-joon)

អ្នក​ការទូត​ថ្នាក់​ខ្ពស់​ស.រ.អា​ម្នាក់​និយាយ​ថា រដ្ឋាភិបាល​ស.រ.អា​នឹង​ចាត់​វិធានការណ៍​ដោយ​ប្រុង​ប្រយ័ត្ន​នៅ​ក្នុង​ការ​បន្ធូរ​បន្ថយ​ទណ្ឌកម្ម​បន្ថែម​ទៀត​ទៅ​លើ​ប្រទេស​ភូមា។
លោក ឃឺរត៍ ខាំប៊ែល (Kurt Campbell) អនុរដ្ឋ​មន្ដ្រី​ក្រសួង​ការ​បរទេស​ទទួល​បន្ទុក​ខាង​កិច្ច​ការ​អាស៊ី​និង​ប៉ាស៊ីហ្វិក ជម្រាប​អង្គ​ប្រជុំ​សវនាការ​របស់​សភា​ស.រ.អា​នៅ​ថ្ងៃ​ពុធ​ថា​ខ្លួន​បាន​សម្រេច​ថា​នឹង​បញ្ចប់​ទណ្ឌកម្ម​ពី​យូរ​យារ​មក​ហើយ​ប្រឆាំង​ប្រទេស​ភូមា។
លោក​កោត​សរសើរ​ការ​ជឿន​លឿន​ជា​ដុំ​កំភួន​ដែល​រដ្ឋាភិបាល​ស៊ីវីល​ថ្មីនៃ​ប្រទេស​ភូមា​បាន​ធ្វើ​ចាប់​តាំង​ពី​បាន​ឡើង​កាន់​អំណាច​កាល​ពី​ឆ្នាំ​ទៅ​មក។

កូរ៉េខាងជើង៖ បណ្ដាញ​ផ្សាយ​ព័ត៌មាន​រដ្ឋ​របស់​ចិន​បាន​ឲ្យ​ដឹង​ថា រដ្ឋាភិបាល​ចិន​មិន​អាច​ការពារ​ប្រទេស​កូរ៉េ​ខាង​ជើង​បាន​ទល់​នឹង​ផលវិបាក​ផ្លូវ​ការទូត​ទេ​ បើ​ប្រទេស​នេះ​ធ្វើ​ការ​ពិសោធន៍​នុយក្លេអ៊ែរ​លើក​ទី​បី​របស់​ខ្លួន។

ជប៉ុន៖ លោក អ៊ីឈីរ៉ូ អូហ្សាវ៉ា (Ichiro Ozawa) ឥស្សរជន​នយោបាយ​ដ៏​ល្បី​ឈ្មោះ​ជប៉ុន​បាន​រួច​ទោស​នៅ​ថ្ងៃ​ព្រហស្បតិ៍​ពី​ការ​ចោទ​ប្រកាន់​ថា​បាន​បំពាន​ច្បាប់​រៃអង្គាស​ប្រាក់ ដែល​ជា​ជា​ការ​អាច​ធ្វើ​ឲ្យ​គណបក្ស​កាន់​អំណាច​មាន​ដំណើរ​ការ​យឺត។

ប៉ាគីស្ថាន៖ ការ​ប្រឈម​មុខ​ដាក់​គ្នា​រវាង​តុលាការ​ជាន់​ខ្ពស់​នៃ​ប្រទេស​ប៉ាគីស្ថាន​និង​លោក​នាយក​រដ្ឋមន្ដ្រី យូសុហ្វ​រ៉ាសា ហ្គីឡានី (Yousuf Raza Gilani) បាន​ដល់​ទី​បញ្ចប់​ហើយ ដោយ​តុលាការ​កាត់​ទោស​ឲ្យ​លោក​ មាន​ទោស​ថា​មិន​គោរព​តុលាការ។

លីបេរីយ៉ា៖ តុលាការ​ពិសេស​នៅ​ទីក្រុង​ឡាអេ (Hague) រៀបចំ​ចេញ​សាលក្រម​នៅ​ថ្ងៃ​ព្រហស្បតិ៍​នេះ​នៅ​ក្នុង​ការ​ជំនុំជម្រះ​កាត់​សេចក្ដី​លោក ឆាឡេស ថេល័រ (Charles Taylor) អតីត​ប្រធានាធិបតី​នៃ​ប្រទេស​លីបេរីយ៉ា ដែល​ត្រូវ​ជាប់​ចោទ​ក្នុង​បទ​អ្នក​ផ្តើម​គំនិត​រំលោភ​សិទ្ធិ​មនុស្ស​ដ៏​អាក្រក់​ជាង​គេ​មួយ​ចំនួន។

ស៊ីរី៖ សកម្មជន​ស៊ីរី​បាន​ឲ្យ​ដឹង​ថា​កងកម្លាំង​សន្ដិសុខ​បាន​សម្លាប់​ជន​ស៊ីវិល​យ៉ាង​តិច​២៧​នាក់​នៅ​ក្នុង​ការ​វាយ​ប្រហារ​នៅ​ទូទាំង​ប្រទេស​ស៊ីរី នៅ​ពេល​ដែល​ប្រទេស​បារាំង​កំពុង​អំពាវនាវ​ឲ្យ​ពង្រីក​ក្រុម​អ្នក​សង្កេតការណ៍​របស់​អ.ស.ប នៅ​ក្នុង​ប្រទេស​ស៊ីរីជា​បន្ទាន់។

XS
SM
MD
LG