ភ្ជាប់​ទៅ​គេហទំព័រ​ទាក់ទង

ចិន​គ្រោង​អភិវឌ្ឍកោះ​នៅ​ដែន​សមុទ្រ​ចិន​ខាងត្បូង​សម្រាប់​ទេសចរណ៍​


មន្ត្រីខេត្ត​ចិន​ម្នាក់​បាន​និយាយ​ថា​ប្រទេស​ចិន​គ្រោង​នឹង​ធ្វើការ​អភិវឌ្ឍន៍​ទេសចរណ៍​នៅ​លើ​កោះ​មួយ​ចំនួន​ក្នុង​សមុទ្រ​ចិន​ខាង​ត្បូង​ដែល​ប្រទេស​ចិន​និង​ប្រទេស​វៀតណាម​បាន​អះអាង​ទាមទារ​ថា​ជា​របស់​ផង​ខ្លួន។

ហ្វីលីពីន៖ ទីភ្នាក់ងារ​ព័ត៌មាន​បារាំង​ AFP​ បាន​រាយការណ៍​ថាហ្វីលីពីន​បាន​ធ្វើឱ្យ​មាន​កិច្ច​ព្រមព្រៀង​«សំខាន់»​មួយ​កាល​ពី​ថ្ងៃ​អង្គារ​ជាមួយ​ពួក​ឧទ្ទាម​អ៊ីស្លាម​អំពី​ត្រូវ​ធ្វើ​បែប​ណា​ដើម្បី​បញ្ចប់​ការ​បះបោរ​ច្រើន​ទសវត្សរ៍​មកហើយ តែ​បាន​ព្រមាន​ថា​នៅ​មាន​បញ្ហា​ធំៗ​ទៀត​ដែល​ត្រូវ​ដោះស្រាយ។

ស៊ូដង់៖ ​មេដឹកនាំ​នៃប្រទេស​ចិន​បាន​អំពាវនាវ​ឱ្យ​មាន​ការ​ទប់​ចិត្ត​ពី​ប្រទេស​ស៊ូដង់​ទាំង​ពីរ ​នៅ​ក្រោយ​លោក​ប្រធានាធិបតី​ Salva Kiir ​នៃ​ប្រទេស​ស៊ូដង់​ខាង​ត្បូង​បាន​និយាយ​ថា​ស៊ូដង់​បាន​ប្រកាស​សង្គ្រាម"ប្រឆាំង​នឹង​ប្រទេស​លោក។​

ស៊ីរី៖ ពួក​សកម្មជន​បាន​និយាយ​ថាមន្ត្រី​ស៊ើបការ​សម្ងាត់​ស៊ីរី​ម្នាក់​បាន​ត្រូវ​បាញ់​ស្លាប់​នៅ​ក្នុង​រដ្ឋធានី​ដាម៉ាស់ ​នៅ​ពេល​ដែល​ការ​ផ្ទុះ​គ្រាប់​បែក​មួយ​ដាច់​ដោយ​ទ្បែក​បាន​ធ្វើ​ឱ្យ​របួស​មនុស្ស​បីនាក់​នៅ​ក្នុង​ក្រុង​នេះ។​

កូរ៉េ​ខាង​ត្បូង៖ អាជ្ញាធរ​កូរ៉េ​ខាង​ត្បូង​បាន​ពង្រឹង​កិច្ច​ការពារ​សន្តិសុខ​ជុំវិញ​បណ្តាញ​ផ្សាយ​ព័ត៌មាន​អភិរក្ស​និយម​៩​ក្នុង​ក្រុង​សេអ៊ូល​ក្រោយ​ពី​កូរ៉េ​ខាង​ជើង​បាន​គំរាម​កំហែង​ថា​នឹង​ធ្វើ​ «សកម្មភាព​យោធា​ពិសេស» ​មួយ​លើ​បណ្តាញ​ទាំង​នេះ​ដោយ​"មធ្យោបាយ​និង​វិធី​មិន​ធ្លាប់​មាន​ពី​ពេល​មុន។

ប៉ាគីស្ថាន៖ ពួក​ប៉ូលីស​ប៉ាគីស្ថាន​បាន​និយាយ​ថា​ការ​ផ្ទុះ​គ្រាប់​បែក​មួយ​គ្រាប់​នៅ​ក្នុង​ក្រុង​ Lahore ​នា​ប៉ែក​ខាង​កើត​ប្រទេស​បាន​បណ្តាល​ឱ្យ​មនុស្ស​យ៉ាង​តិច​ណាស់​បី​នាក់​ស្លាប់​ហើយ​ធ្វើ​ឱ្យ​មនុស្ស​២០​នាក់​ត្រូវ​របួស។

XS
SM
MD
LG