ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

កូរ៉េ​ខាង​ជើង​យល់​ព្រម​បញ្ឈប់​ការ​សាកល្បង​នុយក្លេអ៊ែរ​៖ ហ៊ីឡារី គ្លីនតុន


កងទ័ពស្ត្រី​របស់​កូរ៉េខាងជើងដើរជាក្បួន​ដើម្បី​ប្រារព្ធ​ខួបទី៦៥នៃ​ការ​បង្កើតគណបក្សពលករ​កូរ៉េ​ក្នុង​រដ្ឋធានីព្យុងយ៉ាង ថ្ងៃទី១០ តុលា ២០១០។
កងទ័ពស្ត្រី​របស់​កូរ៉េខាងជើងដើរជាក្បួន​ដើម្បី​ប្រារព្ធ​ខួបទី៦៥នៃ​ការ​បង្កើតគណបក្សពលករ​កូរ៉េ​ក្នុង​រដ្ឋធានីព្យុងយ៉ាង ថ្ងៃទី១០ តុលា ២០១០។

សហរដ្ឋអាមេរិកនិយាយ​ថា​ ប្រទេស​កូរ៉េ​ខាង​ជើង​បាន​យល់​ព្រម​បញ្ឈប់​ការ​បាញ់​កាំជ្រួច​វង់​ប្រតិបត្តិការ​ឆ្ងាយ​ ការ​សាកល្បង​នុយគ្លេអ៊ែរ​ និង​សកម្មភាព​ចម្រាញ់​ធាតុ​អ៊ុយរ៉ានីញ៉ូម។​

លោក​ស្រី​រដ្ឋ​មន្រ្តី​ការ​បរទេស ហ៊ីឡារី គ្លីនតុន បានជម្រាប​គណកម្មាធិការ​មួយ​របស់​សភា​កាល​ពី​ថ្ងៃ​ពុធ​ថា​ ក្រុង​ព្យុងយ៉ាង​ ​បាន​យល់​ព្រម​ អនុញ្ញាតឲ្យ​អធិការកិច្ច​អន្តរជាតិ​ ចូល​ទៅ​បញ្ជាក់​និង​តាម​អង្កេត​មើល​ការ​បញ្ឈប់​ការ​ចម្រាញ់​សារធាតុ​អ៊ុយរ៉ាញ៉ូម​ និង​បញ្ជាក់​ថា​ម៉ាស៊ីន​រ៉េអាក់ទ័រនុយក្លេអ៊ែរ​មួយ​នៅ​ក្រុង​យ៉ុងព្យុង​ពិត​ជា​លែង​ដំណើរការ​មែន។​

លោក​ស្រី​ថ្លែង​ជា​អាទិ៍​ថា​ អាមេរិក​នៅ​មាន​ការ​ព្រួយ​បារម្ភ​យ៉ាង​ខ្លាំង​ តែក្រោយ​មរណភាព​របស់​លោក​គីម ជុងអ៊ីល អាមេរិក​សង្ឃឹម​ថា​ មេ​ដឹក​នាំ​ថ្មី​នឹង​ណែនាំ​ប្រទេស​ទៅ​រក​មាគ៌ា​សន្តិភាព​ ហើយ​សេចក្តី​ប្រកាស​ថ្ងៃ​នេះ​ជា​ជំហាន​មួយ​ឆ្ពោះ​ទៅ​រក​ទិស​ដៅ​ត្រឹមត្រូវ​។​

លោក​ស្រី​ គ្លីនតុនធ្វើ​សេចក្តី​ប្រកាស​នេះ​ ខណៈ​ពេល​ដែល​ក្រុង​វ៉ាស៊ីនតោន​បន្ត​គាប​សង្កត់​ឲ្យ​កូរ៉េ​ខាង​ជើង​ចាប់​ផ្តើម​កិច្ច​ចរចា​ពហុភាគី​ស្តី​ពី​ការ​កាត់​បន្ថយ​គ្រឿង​សព្វាវុធ​ឡើង​វិញ​ ដើម្បី​ប្តូរ​យក​ម្ហូប​អាហារ​ដែល​ត្រូវ​ការ​ជា​ចាំបាច់​សម្រាប់​ប្រទេស​កុម្មុយនិស្ត​ក្រី​ក្រ​មួយ​នេះ។

សត្វ​ផ្សោត​ទឹក​សាប​អំបួរអ៊ីរ៉ាវ៉ាឌី
សត្វ​ផ្សោត​ទឹក​សាប​អំបួរអ៊ីរ៉ាវ៉ាឌី

កម្ពុជា៖ កាល​ពី​ថ្ងៃ​ពុធ​ម្សិល​មិញ​នេះ​ទីស្តីការ​រដ្ឋមន្រ្តី​នៃ​ប្រទេស​កម្ពុជា​ បាន​ធ្វើ​សេចក្តី​ស្នើ​រួម​គ្នា​ដើម្បី​ដាក់បម្រាម​នេសាទ​នៅ​ក្នុង​ផ្នែក​មួយ​នៃ​ទន្លេ​មេគង្គ​ ក្នុង​គោល​បំណង​ការពារ​សត្វ​ផ្សោត​ទឹក​សាប​អំបួរអ៊ីរ៉ាវ៉ាឌី។​ នាយក​នៃ​គណកម្មការ​ពាក់​កណ្តាល​ផ្លូវការ​សម្រាប់​ការ​អភិរក្ស​សត្វ​ផ្សោត​ទន្លេ​មេគង្គ​ លោកទូច សៀងថាណា​ ​ ពោល​ថា​ ក្រសួង​ទេសចរណ៍​ កសិកម្ម​ នឹងដឹកនាំ​ក្រឹត្យ​មួយ​ជូន​គណរដ្ឋមន្រ្តី​កម្ពុជា​ ដើម្បី​កំណត់​សកម្មភាព​នេសាទ​នៅ​តាម​ដង​ទន្លេ​មេគង្គ​ប្រវែង​១៨០​គីឡូម៉ែត្រ។

អាហ្វហ្គានីស្ថាន៖ មាន​មនុស្ស​យ៉ាង​តិច​៦​នាក់​ត្រូវ​របួស​ក្នុង​ការ​ផ្ទុះ​គ្រាប់​បែក​មួយ​ក្នុង​រថយន្ត​ ដែល​តម្រង់​ទៅ​រក​ក្បួន​រថយន្ត​មួយ​របស់​កងទ័ព​បរទេស​នៅ​ក្នុង​អាហ្វហ្គានីស្ថាន​ភាគ​ខាង​ត្បូង។​

សហរដ្ឋអាមេរិក៖ សេដ្ឋកិច្ច​បាន​លូត​លាស់​លឿន​ជា​ង​ការ​គិត​ស្មាន​ទុក​ជាង​មុន​បន្តិច​ ក្នុង​ពេល​ប៉ុន្មាន​ខែ​ចុង​ក្រោយ​នៃ​ឆ្នាំ​២០១១​ នៅ​ពេល​ដែល​ប្រាក់​ចំណូល​បាន​កើន​ឡើង​ ហើយ​សហគ្រាស​បាន​ចាប់​ផ្តើម​ជួល​កម្លាំង​ពលកម្ម​បន្ថែម​ទៀត​។​

អឺរ៉ុប៖ ធនាគារ​កណ្តាល​នៃ​ទ្វីប​អឺរ៉ុប​បាន​ផ្តល់​ប្រាក់​កម្ចី​ចំនួន​៧១២​ពាន់លាន​ដុល្លារ​បន្ថែម​ទៅ​ឲ្យ​ធនាគារ​ចំនួន​៨០០​នៅ​ពាស​ពេញ​អឺរ៉ុប ​ក្នុង​កិច្ច​ប្រឹងប្រែង​ថ្មី​មួយ​ដើម្បី​ពង្រឹង​សេដ្ឋកិច្ច​ទ្វីប​អឺរ៉ុប ​ហើយ​ជួយ​ទ្វីប​អឺរ៉ុប​ឲ្យ​ងើប​ឡើង​វិញ​ពី​វិបត្តិ​ប្រាក់​បំណុល​របស់​រដ្ឋាភិបាល។

ស៊ីរី៖ កង​កម្លាំង​សន្តិសុខស៊ីរី​បាន​ធ្វើ​ការ​វាយ​ប្រហារ​មួយ​ទៅ​លើ​ទី​ក្រុង
ហូម ​ ក្នុង​គោល​បំណង​ដើម្បី​ដណ្តើម​យក​សង្កាត់​ដែល​ពួក​ឧទ្ទាម​នៅ​ក្រាញ​កាន់​កាប់​ កំឡុង​ពេលការ​ទម្លាក់​គ្រាប់​បែក​ជិត​មួយ​ខែ​កន្លង​មក​នេះ​ បណ្តាល​ឲ្យ​ស្លាប់​អ្នក​ស្រុក​អស់​ជា​ច្រើន​រយ​នាក់។​

សហរដ្ឋអាមេរិក៖ លោក​មីត​ រ៉មនី​ ​ បេក្ខជន​ប្រធានាធិបតី​អាមេរិកនៃ​គណបក្ស​សាធារណរដ្ឋ​ បាន​ប្តូរ​ការ​យក​ចិត្ត​ទុក​ដាក់​របស់​លោក​ទៅ​រក​ការ​បោះ​ឆ្នោត​បឋម​លើក​ក្រោយ​មួយ​ចំនួន​ នៅ​ក្រោយ​ជ័យ​ជំនះ​ក្នុង​រដ្ឋ​ មីស៊ីហ្កេន និង​អារីហ្សូណា​។​

ចិន៖ ក្រសួង​ការបរទេស​ចិន​បាន​ចោទ​ពួក​អ្នក​បំបែក​ខ្លួន​ចេញ​ នៅ​ក្នុង​តំបន់ជនជាតិ​អ៊ុយហ្គ័រ​ ដែល​កំពុង​មាន​ចលាចល​ក្នុង​ប្រទេស​ចិន​ភាគ​ខាង​ពាយ័ព្យ​ អំពី​ការ​វាយ​ប្រហារ​លើ​ជន​ស៊ីវិល​ក្នុង​អំពើ​ហិង្សា​មួយ​ ដែល​ចិន​និយាយ​ថា​ បាន​សម្លាប់​មនុស្ស​យ៉ាង​តិច​២០​នាក់​ រួម​មាន​ភ្នាក់ងារ​នគរបាល​ចិន​៧​នាក់​ផង​ដែរ​។​

អាហ្វហ្គានីស្ថាន៖ មាន​មនុស្ស​យ៉ាង​តិច​៦​នាក់​ត្រូវ​របួស​ក្នុង​ការ​ផ្ទុះ​គ្រាប់​បែក​មួយ​ក្នុង​រថយន្ត​ ដែល​តម្រង់​ទៅ​រក​ក្បួន​រថយន្ត​មួយ​របស់​កងទ័ព​បរទេស​នៅ​ក្នុង​អាហ្វហ្គានីស្ថាន​ភាគ​ខាង​ត្បូង។

XS
SM
MD
LG