ភ្ជាប់​ទៅ​គេហទំព័រ​ទាក់ទង

លោក សានតូរុម ឈ្នះ​ការ​បោះឆ្នោត​បឋម​ក្នុង​រដ្ឋ​អាឡាបាម៉ា​និង​មីស៊ីស៊ីពី


លោក រីក សានតូរុម (Rick Santorum) បេក្ខជន​ប្រធានាធិបតី​នៃ​គណបក្ស​សាធារណរដ្ឋ នៅ​ក្នុង​អំឡុង​ពីធី​ជប់លៀង​​ជ័យជម្នះ​កាល​ពី​យប់​ថ្ងៃ​អង្គារ​ទី​១៣​ មិនា ២០១២ នៅ​ក្រុង​Lafayette រដ្ឋ​ល្វីស្យាណា (Louisiana)។

បេក្ខជន​ប្រធានាធិបតី​នៃ​គណបក្ស​សាធារណរដ្ឋ លោក រីក សានតូរុម (Rick Santorum) បាន​យក​ជ័យជម្នះ​ក្នុង​ការ​បោះឆ្នោត​បឋម​នៅ​ក្នុង​រដ្ឋ​អាឡាបាម៉ា (Alabama) និង មីសីសីពី (Mississippi) រដ្ឋ​ភាគ​ខាងត្បូង កាល​ពី​ថ្ងៃ​អង្គារ​ដោយ​បាន​ពង្រឹង​គោល​ជំហរ​របស់​លោក​ជា​អ្នក​អភិរក្ស​និយម​ ប្រសើរ​ជាង​លោក មិត រូមនី (Mitt Romney) ដែល​នាំ​មុខ​ការ​ប្រកួត​យក​តំណែង​តែងតាំង​ជា​បេក្ខជន​ប្រធានាធិបតី​របស់​គណបក្ស។

លទ្ធផលសរុបចុង​ក្រោយនៃ​យុទ្ធនាការ​បេក្ខជន​ប្រធានាធិបតី​របស់​គណបក្ស​សាធារណរដ្ឋ។
លទ្ធផលសរុបចុង​ក្រោយនៃ​យុទ្ធនាការ​បេក្ខជន​ប្រធានាធិបតី​របស់​គណបក្ស​សាធារណរដ្ឋ។

លោក សានតូរុម បាន​យក​ជ័យ​ជម្នះ​ក្នុង​រដ្ឋ​អភិរក្ស​និយម​ដ៏​ខ្លំាងក្លា ហើយ លោក មិត រូមនី ជាប់​លេខ​ពីរ រួច ញូត ហ្គីងរីជ (Newt Gingrich) ជាប់​លេខ​បី។ លោក សាននតូរុម អតីត ព្រឹទ្ធសមាជិក​ពី រដ្ឋ​ផេនីសីលវ៉ានៀ (Pennsylvania) ថ្លែង​ប្រាប់​ក្រុម​អ្នក​គាំទ្រ​របស់​លោក ថា​ ការ​ឃោសនា​របស់​លោក ធ្វើ​ឡើង​ដោយ​ជន​សាមញ្ញ​ដែល​ធ្វើ​កិច្ចការ​វិសាមញ្ញ។

នេះ​ជា​យុទ្ធនាការ​ចេញ​ពី​សាមញ្ញជន សម្រាប់​តំណែង​ប្រធានាធិបតី។ អ្នក​ដែល​ប្រយុទ្ធ​តស៊ូ​ខ្លាំង​ នៅ​ក្នុង​យុគ​បណ្ដាញ​ព័ត៌មាន​ពេល​នេះ​ដោយ​ជន​សមញ្ញ​ទូទាំង​ប្រទេស​នេះ​អាច​ធ្វើ​អ្វី​ពិសេស​អស្ចារ្យ។

ព័ត៌មាន​អន្តរជាតិ​សំខាន់ៗ​ដទៃ​ទៀត៖

លោក Peap Tarr ឈរ​នៅ​មុខ​រូបគំនូរ​ដែល​លោក​យក​មក​ដាក់​ដេញ​ថ្លៃ នៅ​ក្នុង​ការ​ដេញថ្លៃ​វត្ថុ​សិល្បៈ​ជា​លក្ខណៈ​អន្តរជាតិ​ដំបូង​របស់​ប្រទេស​កម្ពុជា កាល​ពី​ថ្ងៃ​ទី​១១ ខែ​មីនា។
លោក Peap Tarr ឈរ​នៅ​មុខ​រូបគំនូរ​ដែល​លោក​យក​មក​ដាក់​ដេញ​ថ្លៃ នៅ​ក្នុង​ការ​ដេញថ្លៃ​វត្ថុ​សិល្បៈ​ជា​លក្ខណៈ​អន្តរជាតិ​ដំបូង​របស់​ប្រទេស​កម្ពុជា កាល​ពី​ថ្ងៃ​ទី​១១ ខែ​មីនា។

កម្ពុជា៖ ប្រទស​កម្ពុជា​បាន​រៀបចំ​ឲ្យ​មាន​ការ​ដេញ​ថ្លៃ​ជា​អន្ដរជាតិ​មក​លើ​វត្ថុ​បុរាណ​ខ្មែរ​ដោយ​មាន​ការ​គាំទ្រ​ពី​គ្រឹះស្ថាន​វត្ថុ​វិចិត្រសិល្បៈ​ដ៏​ល្បី​ឈ្មោះ​មួយ​គឺ គ្រីស្ទី (Christie)។ វត្ថុ​បុរាណ​ខ្មែរ​មាន​តម្លៃ​ខ្ពស់​ដែល គេ​តាម​ស្វែងរក​ចង់​បាន។

ស.រ.អា៖ លោកស្រី​រដ្ឋមន្ដ្រី​ការបរទេស​ ហីឡារី គ្លីនតុន ថ្លែង​ថា​ទំនាក់ទំនង​យុទ្ធសាស្រ្ដ​របស់​ស.រ.អា ទៅ​កាន់​តំបន់​អាស៊ី​ប៉ាស៊ីហ្វិក​ជា​អាទិភាព​ខ្ពស់​បំផុត​ខណៈ​ដែល​ស.រ.អា បាន​ប្រែប្រួល​ពី កិច្ចប្រឹងប្រែង​យោធា​ចេញ​ពី អ៊ីរ៉ាក់ និង​អាហ្វហ្គានីស្ថាន។

ស.រ.អា/អាហ្វហ្គានីស្ថាន៖ រដ្ឋមន្ដ្រី​ការបរទេស​ស.រ.អា លោក ឡេអុន ផានេតា (Leon Panetta) ថ្លែង​ថា អំពើ​ឃោរឃៅ​កាល​ពី​ពេល​ថ្មី​ៗ​នេះ រាប់​ទាំង​ការ​បាញ់​សម្លាប់​ឥត​រើស​មុខ​នៅ​ក្រៅ​ទីក្រុង កាន់ដាហារ (Kandahar) ប្រព្រឹត្ដ​ដោយ​ទាហាន​អាមេរិកាំង​ម្នាក់ នឹង​មិន​រារាំង​ស.រ.អា មិន​ឲ្យ​បន្ដ​បេសកម្ម​របស់​ខ្លួន​នៅ​ក្នុង​ប្រទេស​អាហ្វហ្គានីស្ថាន​ទេ។

ស៊ីរី៖ អង្គការ​ Amnesty International ថ្លែង​ថា​ពលរដ្ឋ​ស៊ីរី​ដែល​បាន​ត្រូវ​ចាប់​ឃុំ​ដោយ​អាជ្ញាធរ ក្នុង​អំឡុង​ពេល​ធ្វើ​ការ​បះបោរ​ប្រឆាំង​របប​គ្រប់គ្រង​របស់​ប្រធានាធិបតី​លោក បាស្សា អាល់ អាសដាដ (Bashar al Assad) បាន​រងគ្រោះ​ពី​ការ​ធ្វើ​ទារុណកម្ម​ដ៏​រាលដាល​ដែល​អាច​ចាត់​ជា​បទ​ឧក្រិដ្ឋកម្ម ប្រឆាំង​មនុស្ស​ជាតិ។

ចិន៖ នាយរករដ្ឋមន្ដ្រី​ចិន​ បាន​ថ្លែង​សង្កត់​ធ្ងន់​លើ​សេចក្ដី​ត្រូវការ​ឲ្យ​មាន​ការ​កែ​ទម្រង់​នយោបាយ ក្នុង​គោលបំណង​នឹង​ធ្វើ​ឲ្យ​រឹងមាំ​ដល់​ការ​លូតលាស់​សេដ្ឋកិច្ច ហើយ​ចៀសវាង​ការ​គំរាម​មក​ពី​អស្ថិរភាព​សង្គម។ សេចក្ដី​ថ្លែងការណ៍​នេះ ប្រហែល​ជា​សន្និសិទ​កាសែត​ចុង​ក្រោយ​បង្អស់ របស់​លោក​មុន​នឹង​លោក​ចូលនិវត្ដន៍​នៅ​ក្នុង​ឆ្នាំ​ក្រោយ។

ចិន៖ សភា​របស់​ប្រទេស​ចិន បាន​អនុម័ត​មក​លើ​ច្បាប់​ឧក្រិដ្ឋកម្ម​មួយ ដែល​មាន​គោលដៅ​នឹង​បណ្តឹង​មក​លើ​អំណាច​ប៉ូលិស​ក្នុង​ការ​ចាប់​ឃុំ​ដោយ​សម្ងាត់​មក​លើ​ជន​សង្ស័យ។

ស.រ.អា៖ លោកស្រី​រដ្ឋមន្ដ្រី​ការបរទេស​ស.រ.អ ហ៊ីឡារី រូដាម គ្លីនតុន បាន​ថ្លែង​រំឭក​ប្រាប់​អ្នក​ការទូត​ស.រ.អា អំពី​ភាព​ចាំបាច់​ក្នុង​ការ​គាំទ្រ​សង្គម​ស៊ីវិល និង​អង្គការ​ការពារ​សិទ្ធិ​មនុស្ស​ដែល​កំពុង​ត្រូវ​បាន​ទិតៀន​ដោយ​រដ្ឋាភិបាល​នៃ​មជ្ឈឹមបូព៌ា និង​តំបន់​អាហ្វ្រិក​ខាងជើង។

ស្វ៊ីស៖ រថយន្ដ​ក្រុង​មួយ​គ្រឿង​ដឹក​អ្នក​ទេសចរ​ជាតិ បែលហ្ស៊ិក (Belgique) មក​ផ្ទះ​វិញ​ពី​ទីកន្លែង​លេង​ស្គី បាន​ក្រឡាប់​នៅ​ក្នុង​ផ្លូវ​រូងភ្នំ​ បណ្ដាល​ឲ្យ​មនុស្ស ២៨​នាក់​ស្លាប់ រួម​ទាំង​ក្មេង ២២​នាក់ នៅ​ក្នុង​ប្រទេស​ស្វ៊ីស។

បង់ក្លាដែស៖ ចំនួន​មនុស្ស​ស្លាប់​ពី​គ្រោះថ្នាក់​លិច​សាឡាងនៅ​តំបន់​ភាគ​ខាងត្បូង​ប្រទេស​បង់ក្លាដែស​កើន​ដល់​១០៥​នាក់។

XS
SM
MD
LG