ភ្ជាប់​ទៅ​គេហទំព័រ​ទាក់ទង

អតិផរណា​ក្នុង​ប្រទេស​វៀតណាម​បាន​ធ្លាក់​ចុះ​ជាប់ៗ​គ្នា


កសិករ​វៀតណាម​ កំពុង​ច្រក​ស្រូវ​​​នៅ​ខាង​ក្រៅ​ទីក្រុង​ហាណូយ​ ។​

អតិផរណា​ក្នុង​ប្រទេស​វៀតណាម​បាន​ធ្លាក់​ចុះ​ជាប់ៗ​គ្នា​ក្នុង​ខែ​ទី៦​នៅ​ខែ​កុម្ភះ​នេះ មកដល់​កម្រិត​ដ៏​ទាប​បំផុត​ក្នុង​រយៈពេល​ស្ទើរតែ​១​ឆ្នាំ។ តួលេខ​នេះ​បាន​ទទួល​ពី​សេចក្ដី​រាយការណ៍​ផ្លូវការ​របស់​រដ្ឋាភិបាល។ ការណ៍​នេះ​កើត​ឡើង​ក្នុង​កិច្ច​ខំ​ប្រឹងប្រែង​របស់​រដ្ឋាភិបាល ដើម្បី​ផ្ដោត​លើ​ភាពនឹងនរ​ខាង​សេដ្ឋកិច្ច។

ស្ថិតិ​ផ្សព្វផ្សាយ​កាល​ពី​ថ្ងៃ​សុក្រ​បង្ហាញ​ថា តម្លៃ​អតិថិជន​កើន​១៦,៤៤​ភាគរយ ​នៅ​ក្នុង​ខែ​កុម្ភះ ដែល​ជា​អត្រា​ខ្ពស់​បំផុត តែ​ជា​តួលេខ​ទាប​បំផុត​ក្នុង​រយៈពេល​១១​ខែ ចុះ​ពី ១៧,២៧ ភាគរយ កាល​ពី​ខែ​មករា។

មន្ដ្រី​ថ្នាក់​ខ្ពស់​ម្នាក់​មិន​បញ្ចេញ​ឈ្មោះ នៅ​ក្នុង​ទី​ក្រុង​ហាណូយ​និយាយ​ថា ​នៅ​មាន​កិច្ចការ​ច្រើនទៀត​ដែល​ត្រូវ​ធ្វើ ​ដើម្បី​កាត់​បន្ថយ​អតិផរណា។

ព័ត៌មាន​អន្តរជាតិ​សំខាន់​ៗ​ផ្សេងទៀត៖

ភូមា៖ មាន​មនុស្ស​យ៉ាងតិច​៥​នាក់​ស្លាប់ ក្រោយ​ពី​មាន​ការ​វាយ​ប្រហារ​ក្នុង​សប្ដាហ៍​នេះ នៅ​ក្នុង​រដ្ឋ សាន ចំណុច​ក្ដៅ​ផុយ​ស្រួយ​នៃ​បទ​ឈប់​បាញ់​គ្នា ចុះ​ហត្ថលេខា​កាល​ពី​ពេល​ថ្មីៗ​នេះ រវាង​រដ្ឋាភិបាល​ភូមា និង​យោធា​នៃ​អំបូរ​ភាគ​តិច។

លោក​ស្រី​នាយក​រដ្ឋ​មន្រ្តី​ Julia Gillard ​នៃ​ប្រទេស​អូស្រ្តាលី​ កំពុង​ប្រកួត​ប្រជែង​ការ​បោះឆ្នោតនៅ​ក្នុង​គណបក្ស​។​
លោក​ស្រី​នាយក​រដ្ឋ​មន្រ្តី​ Julia Gillard ​នៃ​ប្រទេស​អូស្រ្តាលី​ កំពុង​ប្រកួត​ប្រជែង​ការ​បោះឆ្នោតនៅ​ក្នុង​គណបក្ស​។​
អូស្រ្តាលី៖ លោកស្រី ជូលា ហ្គីឡាដ (Julia Gillard)​ នាយក​រដ្ឋមន្រ្តី​ប្រទេស​អូស្រ្តាលី​ នឹង​បាន​ទទួល​ជោគ​ជ័យ​ជា​មេដឹកនាំ នៅ​ក្នុង​ការ​បោះឆ្នោតតទល់​ជាមួយ​គូ​ប្រកួត​ប្រជែង​លោក ខេវិន រ៊ុដ (Kevin Rudd) នៅ​ថ្ងៃ​ច័ន្ទ​នេះ ​ទោះ​បី​ការ​ស្ទង់​មតិ​បង្ហាញ​ថា​រដ្ឋាភិបាល​ស្ថិត​នៅ​ក្រោម​ការ​ដឹក​នាំ​របស់​លោកស្រី នឹង​ត្រូវ​រង​ការ​បំផ្លិចបំផ្លាញនៅ​ក្នុង​ការ​បោះឆ្នោត​លើក​ក្រោយ ដែល​កំណត់​ធ្វើ​ឡើង​នៅ​ចុង​ឆ្នាំ​២០១៣​ក៏​ដោយ។

ហ្វីលីពីន៖ យោធា​ប្រទេស​ហ្វីលីពីន​បាន​ជំរុញ​ឲ្យ​ពួក​មេដឹកនាំ​បារ៉ាន​ហ្គេ (Baran gay) នៃ​តំបន់ បាន សាឡាន ដាវ ​ ឌែល សួ (Ban salan Davao del Sur) ពង្រឹង​ភាព​ជា​ដៃគូ​របស់​ខ្លួន​ ជាមួយ​រដ្ឋាភិបាល​មូលដ្ឋាន​ និង​កងទ័ព ​នៅ​ក្នុង​ការ​ដោះ​ស្រាយ​បញ្ហា​សន្តិភាព​ និង​សណ្តាប់​ធ្នាប់។

នីហ្សេរីយ៉ា៖ ការ​ផ្ទុះ​គ្រាប់បែក​រថយន្ត​អត្តឃាត ​នៅ​ខាង​ក្រៅ​ព្រះវិហារ​គ្រឹស្ត​សាសនា​ដ៏​សំ​ខាន់​មួយ ក្នុង​តំបន់​ភាគ​កណ្តាល​នៃ​ប្រទេស​នី​ហ្សេរីយ៉ា បាន​សម្លាប់​មនុស្ស​យ៉ាង​ហោច​ណាស់​៣​នាក់ ហើយ​និង​ធ្វើ​ឲ្យ​មនុស្ស​រាប់​សិប​នាក់​ទៀត​រង​របួស។

ប៉ាគីស្ថាន៖ នៅ​ថ្ងៃ​អាទិត្យ​នេះ ប្រទេស​ប៉ាគីស្ថាន បាន​បន្ត​កំទិច​គេហដ្ឋាន​ដែល​ជា​កន្លែង​ អូសាម៉ា ​ប៊ីនឡាឌិន​ មេដឹកនាំ ​អាល់កៃដា ​បាន​រស់​នៅ​រយៈពេល​ជា​ច្រើន​ឆ្នាំ ហើយ​ជន​នោះ​បាន​ត្រូវ​សម្លាប់​ដោយ​កងកុម៉្មង់ដូ​ ស.រ.អ.​ នៅ​ក្នុងខែ​ឧសភា។

សេណេហ្គាល់៖ ការ​បោះឆ្នោត​កំពុង​ធ្វើ​ឡើង​នៅ​ថ្ងៃ​អាទិត្យ​នេះ​ នៅ​ក្នុង​ប្រទេស​សេណេហ្គាល់​ ហើយ​ការ​សម្រេច​ចិត្ត​ប្រកប​ដោយ​ចម្រូង​ចម្រាស​របស់​ប្រធា​នា​ធិបតី អាប់ឌូឡាយេ វាដេ​(Abdoulaye Wade)​ដើម្បី​ស្វះស្វែង​រក​អាណត្តិ​ទី​៣​ បាន​បណ្តាល​ឲ្យ​មាន​បាតុកម្ម​ហឹង្សា​ជា​ច្រើន។

អាហ្វ្រិក​ខាងត្បូង៖ អតីត​ប្រធានាធិបតី​ ណេលសិន ​ម៉ានដេឡា​ (Nelson Mandela)​នៃ​ប្រទេស​អាហ្វ្រិក​ខាងត្បូង ​បាន​ធ្វើ​ការ​វិនិច្ឆ័យ​រោគ​នៅ​ក្នុង​មន្ទីរពេទ្យ​ចូហាននេសបឺគ (Johannesburg) កាល​ពី​ថ្ងៃ​សៅរ៍ ដោយ​សារ​ស្ថាន​ភាព​ឈឺ​ពោះ​ដ៏​យូរយា​មក​ហើយ។

XS
SM
MD
LG