ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

កំផែង​ចុង​ក្រោយ​របស់​អូសាម៉ា ប៊ីនឡាដេន​ត្រូវ​បាន​កម្ទេច​ចោល


អ្នកស្រុក​ម្នាក់​ដើរកកាត់​កំផែង​ដែល​កងកម្លាំង​ពិសេស​របស់​អាមេរិក Navy SEAL ត្រូវ​បាន​គេ​រាយការណ៍​ថា​បាន​សម្លាប់​អូសាម៉ានៅ​អាបបូតថាបាត ថ្ងៃទី៥ ឧសភា ២០១១
អ្នកស្រុក​ម្នាក់​ដើរកកាត់​កំផែង​ដែល​កងកម្លាំង​ពិសេស​របស់​អាមេរិក Navy SEAL ត្រូវ​បាន​គេ​រាយការណ៍​ថា​បាន​សម្លាប់​អូសាម៉ានៅ​អាបបូតថាបាត ថ្ងៃទី៥ ឧសភា ២០១១

កង​កម្លាំង​សន្តិសុខ​បាន​ចាប់​ផ្តើម​បំផ្លាញ​អាគារ​មាន​កំផែង​ព័ទ្ធ​ជុំវិញ​នៅ​ក្នុង​ក្រុង​ អាបបូតថាបាត (Abbottabat) ដែល​ជា​កន្លែង​រស់​នៅ​រយៈពេល​ចុង​ក្រោយ​របស់អូសាម៉ា ប៊ីឡាដិន (Osama bin Laden) មេដឹកនាំ​អាលកៃដា (al-Qaida) មុន​ពេល​ពួក​ទាហានអាមេរិក​បាន​សម្លាប់​គាត់​កាល​ពី​ខែ​ឧសភា​ឆ្នាំ​ទៅ​មិញ ដោយ​មិន​បាន​ប្រាប់​ពី​ហេតុផល។

ប្រធានាធិបតី​អាហ្វ្រិក​ខាងត្បូង​ លោក ហ្សាកុប ហ្ស៊ុម៉ា កាន់​ក្រដាស់​ប្រាក់​ដែល​មាន​មុខ​អតីត​ប្រធានាធិបតី លោកនិលសាន់ មែនដឺឡា នៅ​ប្រេតូរីយ៉ា ថ្ងៃទី១១ កុម្ភៈ ២០១២។
ប្រធានាធិបតី​អាហ្វ្រិក​ខាងត្បូង​ លោក ហ្សាកុប ហ្ស៊ុម៉ា កាន់​ក្រដាស់​ប្រាក់​ដែល​មាន​មុខ​អតីត​ប្រធានាធិបតី លោកនិលសាន់ មែនដឺឡា នៅ​ប្រេតូរីយ៉ា ថ្ងៃទី១១ កុម្ភៈ ២០១២។

អាហ្វ្រិកខាងត្បូង៖ លោកនិលសាន់ មែនដឺឡា (Nelson Mandela) អតីត​ប្រធានាធិបតី​នៃ​ប្រទេស​អាហ្វ្រិក​ខាង​ត្បូងបាន​ត្រូវ​ធ្វើ​រោគវិនិច្ឆ័យ​នៅ​ក្នុង​មន្ទីរ​ពេទ្យ​មួយ​ក្នុង​ក្រុង​ ជូហាននេសប៊ឺជ (Johannesburg) កាលពី​ថ្ងៃ​សៅរ៍​ ហើយត្រូវ​បាន​គេ​រាយការណ៍​ថាឥស្សរជន​ប្រឆាំង​របប​ប្រកាន់​ពណ៌សម្បុរ (apartheid) ដ៏​ល្បី​ឈ្មោះ​អាយុ​៩៣​ឆ្នាំ​រូប​នេះ​គ្មាន​គ្រោះថ្នាក់​អ្វី​ទេ ​ហើយ​គេ​រំពឹង​ថា​លោក​នឹង​ចេញ​ពី​មន្ទីររ​ពេទ្យ​នៅ​ថ្ងៃ​អាទិត្យ​ឬ​ថ្ងៃ​ច័ន្ទ។

អាហ្វហ្គានីស្ថាន៖ អគ្គ​មេបញ្ជាការ​នៃ​កងទ័ព​អូតង់​នៅអាហ្វហ្គានីស្ថាន​បាន​ដក​ទីប្រឹក្សាទាំង​អស់​នៃ​ក្រុម​ចម្រុះ​ចេញ​ពី​ការិយាល័យ​របស់​រដ្ឋាភិបាលប្រទេស​នេះ ​ក្រោយ​ពី​នាយ​ទាហាន​អាមេរិកាំង​ពីរ​នាក់​បាន​ត្រូវ​សម្លាប់​ដោយ​សមាជិក​ម្នាក់​នៃ ​កងកម្លាំង​សន្តិសុខ​អាហ្វហ្គានីស្ថាននៅ​ថ្ងៃ​សៅរ៍​នេះ នៅ​ក្នុង​តំបន់​មួយ​ដែល​មាន​សន្តិសុខ គឺ​នៅ​ខាង​ក្នុង​មជ្ឈមណ្ឌល​បញ្ជាការ​ក្រសួង​មហា​ផ្ទៃ​នៃ​ប្រទេស​ ក្នុង​ក្រុង​កាប៊ុល។

យេម៉ែន៖ មាន​ការ​ផ្ទុះ​ជា​ច្រើន​កន្លែង​នៅ​យេម៉ែន​បាន​សម្លាប់​មនុស្ស​រាប់​សិប​នាក់​។ ការ​បំផ្ទុះ​គ្រាប់​បែក​អត្តឃាត​ក្នុង​ទ្បាន​មួយគ្រឿង​បាន​បណ្តាល​ឱ្យ​មនុស្ស​២៦​នាក់​ស្លាប់​នៅ​ខាង​ក្រៅ​វិមាន​ប្រធានាធិបតី​មួយ​នា​ផ្នែក​ខាង​ត្បូង​នៃ​ប្រទេសយេម៉ែន​ ​កាល​ពី​ថ្ងៃ​សៅរ៍ ​តែ​ប៉ុន្មាន​ម៉ោង​ក្រោយ​ពី​លោក​ អាប រ៉ាប៊ូ មែនសរ ហាឌី (Abd-Rabbu Mansour Hadi) ​អនុប្រធានាធិបតី​នៃ​ប្រទេស​នេះចូល​កាន់​តំណែង​ជា​មេដឹកនាំ​ថ្មី​របស់​ប្រទេស។

ប៉ាគីស្ថាន​៖ យ​ន្តហោះ​អាមេរិកាំង​គ្មាន​មនុស្ស​បើក​មួយគ្រឿង​បាន​ធ្លាក់​ក្នុង​តំបន់​ វ៉ាហ្ស៊ីរីស្ថាន (Waziristan) ខាង​ជើងប៉ាគីស្ថាន ​នៅ​ជិត​ព្រំដែន​ជាមួយអាហ្វហ្គានីស្ថាន​។

សេណេហ្គាល់៖ ប្រទេស​សេណេហ្គាល់ (Senegal) នឹង​ធ្វើការ​បោះឆ្នោត​ប្រធានាធិបតីដែល​មាន​រឿង​ចម្រូង​ចម្រាស់​នៅ​ថ្ងៃ​អាទិត្យ​នេះ​នៅ​ពេល​មាន​ការ​ព្រូយ​បារម្ភ​ថា​ប្រទេស​ជាតិ​នេះ​ក្នុងផ្នែក​ខាង​លិច​នៃទ្វីប​អាហ្វ្រ៊ិក​ដែល​ធ្លាប់​តែ​មាន​ស្ថិរភាព​ពី​ពេល​មុន ប្រឈម​មុខ​នឹង​ចលាចល​ដ៏​ប្រល័យ​និង​ការ​អាច​មាន​វិបត្តិ​រដ្ឋាភិបាល​ផង​ដែរ។

XS
SM
MD
LG