ភ្ជាប់​ទៅ​គេហទំព័រ​ទាក់ទង

ភូមា​ត្រៀម​ខ្លួន​ធ្វើ​ប្រធាន​សមាគម​អាស៊ាន​ឆ្នាំ​២០១៤


លោក Wunna Maung Lwin រដ្ឋមន្ត្រី​ភូមា (មីយ៉ាន់ម៉ា) ចូល​រួម​នៅ​ក្នុង​កិច្ច​ប្រជុំ​មួយ​នៅ​ក្នុង​ប្រទេស​ជប៉ុន​កាល​ពី​​ខែ​តុលា​ឆ្នាំ​២០១១។

ប្រទេស​ភូមា​និយាយ​ថា ខ្លួន​ចង់​ចាប់ផ្តើម​រៀបចំ​ផែនការ​ឡើង​កាន់​តំណែង​ជា​ប្រធាន​សមាគមន​អាស៊ាន​នៅ​ឆ្នាំ​២០១៤។​

ប្លុក​អាស៊ាន​និយាយ​ថា​ រដ្ឋមន្ដ្រី​ការបរទេស​ភូមា​ លោក ម៉ូង លវិន​ (Maung Lwin) បាន​ពិពណ៌នា​អំពី​ការ​រៀបចំ​ខ្លួន​នោះ​ថា​ជា​«កាតព្វកិច្ច​ដ៏​ធំ»ដល់​ប្រទេស​របស់​លោក​នៅ​ពេល​មាន​កិច្ច​ប្រជុំ​មួយ​កាល​ពី​ថ្ងៃ​អង្គារ​ជាមួយ​អគ្គលេខាធិការ​សមាគម​អាស៊ាន​ លោក សុរិន ពិត សុវណ្ណ (Surin Pitsuwan)​ នៅ​ក្នុង​រដ្ឋធានី​ណៃពិដោ។

លោក ម៉ូង លវិន ថ្លែង​ថា ​លោក​នឹង​បញ្ជូន​គណៈប្រតិភូ​ភូមា​ទៅ​កាន់​លេខាធិការដ្ឋាន​អាស៊ាន​និង​ក្រុម​មួយ​ទៀត​ ដើម្បី​រៀនសូត្រ​អំពី​កិច្ចប្រជុំ​អាស៊ាន​នៅ​ក្នុង​ប្រទេស​កម្ពុជា​ក្នុង​ឆ្នាំ​នេះ​ដែល​ជា​កិច្ច​ប្រឹងប្រែង​មួយ​របស់​ប្រទេស​ភូមា។

មេដឹកនាំ​អាស៊ាន​បាន​យល់ព្រម​ឲ្យ​ភូមា​ឡើង​កាន់​តំណែង​ជា​ប្រធាន​របស់​អាស៊ាន​នៅ​ឆ្នាំ​២០១៤​ ក្នុង​ពេល​មាន​កិច្ចប្រជុំ​ប្រចាំ​ឆ្នាំ​នៅ​ក្នុង​កោះ​បាលី​ប្រទេស​ឥណ្ឌូណេស៊ី​កាល​ពី​ខែ​វិច្ឆិកា​មុន។

ព័ត៌មាន​អន្តរជាតិ​សំខាន់ៗ​ដទៃ​ទៀត៖

កម្ពុជា៖ យោង​តាម​ទីភ្នាក់ងារ​សារព័ត៌មាន​បារាំង AFP ប្រភេទ​ថ្មី​មួយ​នៃ​សត្វ​ពពួក​តឹកកែ​ (តុកកែ) ជីងចក់ និង​បង្គួយ​ ដោយ​មាន​ស្បែក​ពណ៌​ឥន្ទធនូ កន្ទុយវែង និង​ជើង​ខ្លី​បំផុត បាន​ត្រូវ​ក្រុម​អភិរក្ស​សត្វ​រក​ឃើញ​នៅ​ក្នុង​ព្រៃ​នៃ​តំបន់​ឦសាន​ប្រទេស​កម្ពុជា​ នៅ​ថ្ងៃ​ពុធ​នេះ។ អ្នក​វិទ្យាសាស្រ្ដ​បាន​ហៅ​សត្វ​នោះ​ថា Lygosoma Veunsaiensis ក្នុង​ការ​ផ្ដល់​កិត្ដិយស​ដល់​តំបន់​អភិរក្ស​ វឺនសៃ (វីរជ័យ) សៀមប៉ាង ក្នុង​ខេត្ដ​រតនៈគីរី​ ដែល​ជា​ទី​កន្លែង​គេ​រក​ឃើញ​សត្វ​នោះ។

ទឹក​ភ្នែក​បាន​ហូរ​ធ្លាក់​លើ​ថ្ពាល់​របស់​ជនជាតិ​ទីបេតិ៍​និរទេស​ខ្លួន​រូប​នេះ ក្នុង​ពេល​លោក​ស្តាប់​ការ​ថ្លែង​មួយក្នុង​អំឡុង​បាតុកម្ម​នៅ​ក្រៅ​ស្ថានទូតចិន​ក្នុង​ក្រុង​ញូវដេលី​ប្រទេស​ឥណ្ឌា ក្នុងឱកាស​ការ​ប្រារព្ធ​បុណ្យ​ចូល​ឆ្នាំ​ទីបេតិ៍​ថ្ងៃ​ទី​១ កាល​ពី​
ទឹក​ភ្នែក​បាន​ហូរ​ធ្លាក់​លើ​ថ្ពាល់​របស់​ជនជាតិ​ទីបេតិ៍​និរទេស​ខ្លួន​រូប​នេះ ក្នុង​ពេល​លោក​ស្តាប់​ការ​ថ្លែង​មួយក្នុង​អំឡុង​បាតុកម្ម​នៅ​ក្រៅ​ស្ថានទូតចិន​ក្នុង​ក្រុង​ញូវដេលី​ប្រទេស​ឥណ្ឌា ក្នុងឱកាស​ការ​ប្រារព្ធ​បុណ្យ​ចូល​ឆ្នាំ​ទីបេតិ៍​ថ្ងៃ​ទី​១ កាល​ពី​

ទីបេត៍៖ ជនជាតិ​ទីបេត៍​រស់​នៅ​តំបន់​ពាយ័ព្យ​ប្រទេស​ចិន​ បាន​ប្រារព្ធ​ពិធី​បុណ្យ​ប្រពៃណី​ចូលឆ្នាំ​ថ្មី​ដោយ​ក្រៀមក្រោះ​ នៅ​ថ្ងៃ​ពុធ​នេះ ក្រោយ​ពី​មាន​ព្រះសង្ឃ​ច្រើន​អង្គ បាន​ដុត​ខ្លួន​ក្នុង​ការ​តវ៉ា​ប្រឆាំង​ការ​គ្រប់គ្រង​របស់​ចិន។

ក្រិក៖ នាយករដ្ឋមន្ដ្រី​ប្រទេស​ក្រិក លោក លូខឺស ប៉ាប៉ាដេម៊ូស (Lucas Papademos) ថ្លែង​ថា ប្រទេស​របស់​លោក​មាន​កិច្ចការ​ច្រើន​ណាស់ ដែល​ត្រូវ​សម្រេច​មុន​នឹង​ទទួល​យក​ថវិកា​សង្រ្គោះ​ថ្មី​ ១៧២​ពាន់​លាន​ដុល្លារ​ពី​សហភាព​អឺរុប​ និង​ពី​អង្គការ​មូលនិធិ​រូបិយវត្ថុ​អន្ដរជាតិ IMF។

អ៊ីរ៉ង់៖ នាយក​អធិការ​កិច្ចការ​នុយក្លេអ៊ែរ​របស់​អ.ស.ប.​ថ្លែង​ថា​ ទស្សនកិច្ច​ពីរ​ថ្ងៃ​នៅ​ក្នុង​ប្រទេស​អ៊ីរ៉ង់​បាន​ត្រូវ​ចប់​ដោយ​ក្រុម​អធិការ​របស់​លោក​មិន​អាច​ទៅ​ទស្សនា​ទីកន្លែង​យោធា​សំខាន់ ​ដោយ​គ្មាន​ការ​យល់ព្រម​ពី​រដ្ឋាភិបាល​តេហេរ៉ង់​ទេ។

ឥណ្ឌូណេស៊ី៖ កងកម្លាំង​សន្តិសុខ​ប្រទេស​ឥណ្ឌូណេស៊ី​បាន​វាយ​សម្រុក​ចូល​ទៅ​ក្នុង​គុក​មួយ​ដែល​អ្នកទោស​កំពុង​បះបោរ​ ហើយ​ក្នុង​នោះ​មាន​ជនជាតិ​អូស្ត្រាលី​១២​នាក់​ផង​ដែរ។

ស៊ីរី៖ ការ​បាញ់​គ្រាប់​កាំភ្លើង​ធំ​ទម្លាក់​មក​លើ​ទី​ក្រុង​ហូម​ក្នុង​ប្រទេស​ស៊ីរី​ បាន​សម្លាប់​អ្នកកាសែត​បស្ចិម​ប្រទេស​ពីរ​នាក់​ ខណៈ​ដែល​សកម្មជន​ការពារ​សិទ្ធិ​មនុស្ស​ និង​ប្រទេស​រុស្សី​ដែល​គាំទ្រ​រដ្ឋាភិបាល​ទីក្រុង​ដាម៉ាស​កំពុង​អំពាវនាវ​ឲ្យ​មាន​កិច្ច​សង្រ្គោះ​មនុស្សជាតិ។

កូរ៉េ​ខាងជើង៖ អ្នក​ចរចា​ថ្នាក់​ខ្ពស់​ពី​ស.រ.អ.​និង​កូរ៉េ​ខាងជើង​នឹង​ត្រូវ​ជួប​ប្រជុំ​គ្នានៅ​ក្នុង​ទីក្រុង​ប៉េកាំង ដែល​គេ​សង្ឃឹម​ថា​នឹង​នាំ​ឲ្យ​មាន​ការ​ចាប់ផ្ដើម​ការ​ចរចា​ភាគី​៦​ប្រទេស ក្នុង​គោល​ដៅ​ពន្យល់​រដ្ឋាភិបាល​ព្យ៉ុងយ៉ាង​ឲ្យ​បោះបង់​ចោល​កម្មវិធី​ផលិត​អាវុធ​នុយក្លេអ៊ែរ។

អាហ្វហ្គានីស្ថាន៖ ជនជាតិ​អាហ្វហ្គានីស្ថាន​យ៉ាងតិច​៤​នាក់​ស្លាប់​នៅ​ពេល​ដែល​ប៉ូលីស​បាញ់​មក​លើ​ក្រុម​អ្នក​បះបោរ​ខឹង​ក្រោធ​ជា​ច្រើន​រយ​នាក់​ក្នុង​ថ្ងៃ​ទី​ពីរ​នៃ​ការ​តវ៉ា​ដ៏​ហិង្សា​មក​លើ​កងកម្លាំង​អូតង់​ (NATO) ដែល​បាន​បំផ្លាញ​គម្ពីរ​ កូរ៉ាន (Quran) យ៉ាង​មិន​សមរម្យ។

XS
SM
MD
LG