ស៊ីរី៖ ប្រទេសរុស្សីបាននិយាយថា ផ្នែកខ្លះនៃសេចក្តីព្រាងសម្រេចចិត្តរបស់អឺរ៉ុប និងពួកប្រទេសអារ៉ាប់អំពីប្រទេសស៊ីរី ដែលបានត្រូវផ្សព្វផ្សាយក្នុងក្រុមប្រឹក្សាសន្តិសុខ អ.ស.ប. កាលពីថ្ងៃសុក្រជា «ការមិនអាចទទួលយកបានទេ» ហើយរដ្ឋាភិបាលក្រុងម៉ូស្គូប្រុងប្រៀបធ្វើការចរចា»។
អាហ្វហ្គានីស្ថាន៖ លោកប្រធានាធិបតីបារាំង នីកូឡាស សាគូហ្ស៊ី (Nicolas Sarkozy) បានមានប្រសាសន៍ថា ពួកទាហានបារាំងនឹងធ្វើកិច្ចប្រតិបត្តិការហ្វឹកហ្វឺនជាថ្មីទ្បើងវិញនៅក្នុងប្រទេសអាហ្វហ្គានីស្ថាន ក្រោយពីបានផ្អាកមួយអាទិត្យដោយសារមានការសម្លាប់បុគ្គលិកយោធាបារាំងបួននាក់ដោយទាហានអាហ្វហ្គានីស្ថានម្នាក់។
ស.រ.អ.៖ លោក លីយ៉ុង ផាណែតា (Leon Panetta) រដ្ឋមន្ត្រីក្រសួងការពារជាតិ ស.រ.អ. បានមានប្រសាសន៍ថា លោកខ្វល់ខ្វាយអំពីវេជ្ជបណ្ឌិតប៉ាគីស្ថានម្នាក់ ដែលបានជួយ ស.រ.អ. ឱ្យរកឃើញ អូសាម៉ា ប៊ីនឡាឌីន (Osama bin Laden) មេដឹកនាំពួក អាល់ ខៃដា (al-Qaida)។
រុស្សី៖ ពួកមន្ត្រីរុស្សីបានរារាំងលោក ហ្គ្រីកហ្គោរី យ៉ាវលីនស្គី (Grigory Yavlinsky) មេដឹកនាំក្រុមប្រឆាំងសេរីនិយម មិនឱ្យឈរឈ្មោះជាបេក្ខជនប្រធានាធិបតីប្រឆាំងនឹងលោកនាយករដ្ឋមន្ត្រី វ្លាត់មៀ ពូទីន (Vladimir Putin) ទេ ដោយសារមានបញ្ហាជាមួយសំណុំឯកសារចុះឈ្មោះរបស់លោក។
