នីហ្សេរីយ៉ា៖ ពួកប៉ូលិសនីហ្សេរីយ៉ា (Nigeria) និយាយថាមានមនុស្សយ៉ាងតិចណាស់៧នាក់បានត្រូវសម្លាប់នៅក្នុងការបំផ្ទុះគ្រាប់បែករៀបចំជាលំដាប់មួយចំនួន ដែលបានយកការិយាល័យប៉ូលិស និងការិយាល័យរដ្ឋាភិបាលនៅក្នុងក្រុងកាណូ (Kano) នាប៉ែកខាងជើងប្រទេសជាទីដៅនៃការវាយប្រហារ។
ស.រ.អ.៖ លោកប្រធានាធិបតី ស.រ.អ. បារ៉ាក់ អូបាម៉ា បានសុំដល់សភា និងប្រទេសឱ្យគាំទ្រការផ្តើមគំនិតថ្មីរបស់លោកដើម្បីលើកស្ទួយវិស័យទេសចរណ៍ ដែលលោកបានមានប្រសាសន៍ថា វានឹងបង្កើតការងារ។
ឥណ្ឌា៖ ពួកអ្នកនិពន្ធបានអានផ្នែកខ្លះនៃសៀវភៅ The Satanic Verses របស់លោកសាលម៉ាន់ រ៉ាស្សដាយ (Salman Rushdie) ដែលបានត្រូវហាមប្រាមនៅក្នុងមហោស្រពអក្សរសាស្ត្រកាលពីថ្ងៃសុក្រនៅក្នុងប្រទេសឥណ្ឌា។
អង់គ្លេស៖ និយតករទូរគមនាគមន៍អង់គ្លេស Ofcom បានលប់ចោលអាជ្ញាប័ណ្ណនៃទូរទស្សន៍រដ្ឋ Press TV របស់ប្រទេសអ៊ីរ៉ង់។
