ភ្ជាប់​ទៅ​គេហទំព័រ​ទាក់ទង

ព័ត៌មាន​អន្តរជាតិ​វីអូអេ​ ១២ មករា ព្រឹក


លោក​ប្រធានាធិបតី​ស៊ីរី ​បាសា អាល់ អាសាដថ្លែងទៅកាន់​ក្រុមអ្នក​គាំទ្ររបស់លោក នៅក្រុង​ដាម៉ាសឃុស ថ្ងៃទី១១ មករា ២០១២។

ស៊ីរី​ លោក​ប្រធានាធិបតី​ស៊ីរី ​បាសា អាល់ អាសាដ បាន​ចេញ​បង្ហាញ​ខ្លួន​ដោយ​កម្រ​មួយ​ ហើយ​បាន​ប្រាប់​ក្រុម​អ្នក​គាំទ្រ​ជា​ច្រើន​ពាន់​នាក់​នៅ​ទី​ក្រុង​ ដាម៉ាស​ ថា​រដ្ឋាភិបាល​លោក​ នឹង​មាន​ជ័យ​ជំនះ​លើ​អ្វី​ដែល​លោក​ហៅ​ថា​ «ការ​រួម​គំនិត​ធ្វើ​អំពើ​អាក្រក់» ​មួយ​នៅ​ពី​ក្រោយ​ការ​បះបោរ​១០​ខែ​របស់​ក្រុម​ប្រឆាំង​។​

អ៊ីរ៉ង់៖ បណ្តាញ​ព័ត៌មាន​អ៊ីរ៉ង់​និយាយ​ថា​ កា​រផ្ទុះ​គ្រាប់​បែក​មួយនៅក្រុង​ តេហេរ៉ង់​បាន​សម្លាប់​សាស្ត្រាចារ្យ​សាកល​វិទ្យាល័យ​ម្នាក់​ ដែល​បាន​ធ្វើ​ការ​ជា​អ្នក​វិទ្យាសាស្រ្ត​ម្នាក់​លើ​កម្មវិធី​នុយគ្លេអ៊ែរ​របស់​អ៊ីរ៉ង់​ផង។​

នីហ្សេរីយ៉ា៖ ជន​ជាតិ​នីហ្សេរីយ៉ា​ជា​ច្រើន​ពាន់​នាក់​បាន​ធ្វើ​បាតុកម្ម​ប្រឆាំង​នឹង​ការ​ឡើង​ថ្លៃ​ខ្ពស់​នៃ​ប្រេង​ឥន្ទនៈ ក្នុង​ថ្ងៃ​ទី​បី​ជាប់​គ្នានៅ​ពេល​ដែល​ សហជីព​កម្មករ​ប្រេង​ធំ​ៗ​ ក្នុង​ប្រទេស​នេះ​កំពុង​ពិចារណា​អំពី​ចូល​រួម​ក្នុង​បាតុកម្ម​។​

នីហ្សេរីយ៉ា៖ មេ​ដឹក​នាំ​ម្នាក់​នៃ​ក្រុម​សកម្មប្រយុទ្ធ​ នីហ្សេរីយ៉ា ឈ្មោះ​ បូកូ ហារ៉ាម បាន​សន្យា​នៅ​ក្នុង​ខ្សែ​វីដេអូ​ថ្មី​មួយ​តាម​អ៊ីនធឺណេត​ថា​នឹង​មាន​ការ​វាយ​ប្រហារ​ច្រើន​ទៀត​។​

សហរដ្ឋអាមេរិក អតីត​អភិបាល​រដ្ឋ​ម៉ាសាឈូសេត​ លោក​មីត រមនី បាន​លើក​យុទ្ធនាការ​ឃោសនា​លោក​ទៅ​កាន់​រដ្ឋ​ការ៉ូលីណាខាងត្បូង ដើម្បី​ពង្រឹង​កិច្ច​ប្រឹង​ប្រែង​របស់​លោក​ក្នុង​ការ​ធានា​ឲ្យ​បាន​ទទួល​ការ​តែង​តាំង​របស់​គណបក្ស​សាធារណរដ្ឋ​។​

ប៉ាគីស្ថាន៖ មន្រ្តី​ ប៉ាគីស្ថាន​និយាយ​ថា​ ការ​វាយ​ប្រហារ​មួយ​ដោយ​យន្តហោះ​ឥត​អ្នក​បើក​របស់​អាមេរិក​បាន​សម្លាប់​ មនុស្ស​បួន​នាក់​ដែល​គេ​សង្ស័យ​ថា​ជា​ជន​សកម្មប្រយុទ្ធ​នៅ​ក្នុង​ភាគ​ពាយ័ព្យ​នៃ​ប្រទេស​ នៅ​ជិត​ព្រំដែន​ជា​មួយ​អាហ្វហ្គានីស្ថាន​ ដែលការ​វាយ​ប្រហារ​បែប​នេះ​កើត​ឡើង​ជា​លើក​ទី​មួយ​ក្នុង​ពេល​ពីរ​ខែ​កន្លង​ទៅ។​

XS
SM
MD
LG