ភ្ជាប់​ទៅ​គេហទំព័រ​ទាក់ទង

ព័ត៌មាន​អន្តរជាតិ​សង្ខេប៖ ២៩ កក្កដា


បុរស​ម្នាក់ដុត​កម្ទេច​រូបថត​ប្រធានាបធិបតី​អេហ្ស៊ីប​ដែល​ត្រូវ​បាន​បណ្តេញ​ចេញ​ពី​អំណាច ក្នុង​កំឡុង​ពេល​បាតុកម្ម​តវា នៅ Tahrir Square ក្រុង Cairo កាល​ពី​ថ្ងៃទី១ ខែ​កក្កដា ២០១១។

អេហ្ស៊ីប៖ លោក​អតីត​ប្រធានាធិបតី​ Hosni Mubarak​ នៃ​ប្រទេស​អេហ្ស៊ីប​នឹង​ត្រូវ​ប្រឈម​មុខ​នឹង​ការ​ជំនុំ​ជម្រះ​កាត់​សេចក្ដី​នៅ​សប្តាហ៍​ក្រោយ​នៅ​ក្រុង​ឡឺ​គែរ។

ហ្វីលីពីន៖ ក្រសួង​យុត្ដិធ៌ម​ ប្រទេស​ហ្វីលីពីន​ឲ្យ​ដឹង​ថា ​ខ្លួន​បាន​បើក​ការ​ស៊ើប​អង្កេត​ជា​ផ្លូវ​ការណ៍​អំពី​ការ​ចោទ​ប្រកាន់​ថ្មីៗ​ថា ​លោក​ស្រី​អតីត​ប្រធានាធិបតី​Gloria Arroyo ​បាន​បករើ​ប៉ូលីស​ដើម្បី​ផ្លាស់​ប្ដូរ​លទ្ធផល​នៃ​ការ​បោះ​ឆ្នោត​ជ្រើសរើស​ប្រធានាធិបតី​ឆ្នាំ​២០០៤។

សូម៉ាលី៖ មាន​សេចក្ដី​រាយថា​ មនុស្ស​យ៉ាង​តិច​១០​នាក់​ ត្រូវ​បាន​ស្លាប់​នៅ​រដ្ឋធានី​ Mogadishu​ នៃ​ប្រទេស​សូម៉ាលី​ នៅ​ពេល​ដែល​កងកម្លាំង​សហភាព​អាហ្វ្រិក ​និង​កងកម្លាំងរបស់​រដ្ឋាភិបាល​ប្រយុទ្ធ​ជា​មួយ​ជន​សកម្មប្រយុទ្ធ​ ដើម្បី​ការពារ​ការ​ហូរ​ចូល​នៃ​ជំនួយ​ស្បៀងអាហារ។

ឥណ្ឌា៖ បណ្ដាញ​ព័ត៌មាន​ឥណ្ឌា​ឲ្យ​ដឹង​ថា​ រដ្ឋមន្ដ្រី​ថ្នាក់​ខ្ពស់​នៃ​រដ្ឋ​ខាង​ត្បូង​ Karnataka​ បាន​ដាក់​ពាក្យ​ចុះ​ចេញ​ពី​ដំណែង​ ដែល​ជា​ការ​ឆ្លើយ​តប​នឹង​ការ​ចោទ​ថា​លោក ​និង​មន្ដ្រី​ដទៃ​ៗ​ទៀត​ជាប់​ពាក់ព័ន្ធ​ទៅ​នឹង​ការ​បន្លំ​ខុស​ច្បាប់​ក្នុង​រឿង​ជីក​រ៉ែ។

សហរដ្ឋ​អាមេរិក៖ សភា​សរអគ្រោង​នឹង​បោះ​ឆ្នោត​នៅ​ថ្ងៃ​ព្រហស្បតិ៍​លើ​ផែនការ​របស់​លោក​ John Boehner ​ប្រធាន​សភា​ពី​គណបក្ស​សាធារណ:រដ្ឋ​ ដើម្បី​តម្លើង​កម្រិត​ប្រាក់​បំណុល​ហើយ​កាត់​បន្ថយ​ប្រាក់​ចំណាយ។

លីប៊ី៖ ពួក​បះបោរ​លីប៊ី​និយាយ​ថា​ គេ​ដណ្ដើម​យក​បាន​ស្រុក ​Ghezaia​ ស្ថិត​នៅ​ភាគ​ខាង​លិច​ ក្រោយ​ពី​បាន​ធ្វើ​ការ​វាយ​ប្រហារ​នៅ​ក្នុង​តំបន់​នោះ​ នៅ​ថ្ងៃ​ព្រហស្បតិ៍​ ។

អ៊ីរ៉ង់៖ សរអ​បាន​ចោទ​ប្រទេស​អ៊ីរ៉ង់​ថា​ បាន​ធ្វើ​ការ​ព្រមព្រៀង​គ្នា​ដោយ​សម្ងាត់​ជា​មួយ​ពួក​អាល់កៃដា​ នៅ​ពេល​ដែល​រដ្ឋាភិបាល​សរអ​ ប្រកាស​ដាក់​ទ័ណ្ឌកម្ម​នៅ​ថ្ងៃ​ព្រហស្បតិ៍​ ទៅ​លើ​ភ្នាក់ងារ​អាល់កៃដា​ថាជាប់​សង្ស័យ។

ន័រវេស៖ នាយក​ខាង​ផ្នែក​សន្ដិសុខ​នៃ​ប្រទេស​ន័រវេសឲ្យដឹង​ថា​ មើល​ទៅ​ទំនង​ដូច​ជា​កាន់​តែ​ច្បាស់​ឡើង​ថា​ អ្នក​ជាប់​សង្ស័យ​ក្នុង​ការ​វាយ​ប្រហារ​កាល​ពី​អាទិត្យ​មុន​ដែល​បណ្ដាល​ឲ្យ​មនុស្ស​៧៦​នាក់​ស្លាប់​ ធ្វើ​ដូច្នេះ​តែ​ម្នាក់​ឯង​ ដោយ​និយាយ​ថា​ អ្នក​សើប​អង្កេត​គ្មាន​ភស្ដុតាង​អ្វី​រហូត​មក​ដល់​ពេល​នេះ​ដែល​ភ្ជាប់​គាត់​ទៅ​នឹង​ពួក​និយម​ជ្រុល​ហួស​ដទៃ​ទៀត​ទេ។

ឥណ្ឌា៖ អាជ្ញាធរ​ឥណ្ឌា​ឲ្យ​ដឹង​ថា​ ការ​ប្រយុទ្ធ​គ្នា​រវាង​កងទ័ព ​និងពួក​សកម្មប្រយុទ្ធ​នៅ​តំបន់​ Kashmir​ ដែល​ប្រទេស​ឥណ្ឌា​គ្រប់​គ្រង​ បាន​បណ្ដាល​ឲ្យ​នាយ​ទាហាន​ម្នាក់​ស្លាប់​ហើយ​របួស​ពីរ​នាក់​ទៀត។​

XS
SM
MD
LG