នីហ្សេរីយ៉ា៖ ប្រធានាធិបតីប្រទេសនីហ្សេរីយ៉ាបានទៅមើលទីស្នាក់ការធំរបស់អង្គការសហរប្រជាជាតិក្នុងក្រុង Abuja ដែលនៅទីនោះការផ្ទុះគ្រាប់បែកក្នុងទ្បានមួយគ្រឿងបានបណ្តាលឱ្យមនុស្សយ៉ាងតិចណាស់១៩នាក់ស្លាប់។
ប៉ាគីស្ថាន៖ ពួកជនសកម្មប្រយុទ្ធរាប់រយនាក់មកពីប្រទេសអាហ្វហ្គានីស្ថានបានវាយប្រហារកន្លែងឆែកឆេរប៉ាគីស្ថាន នៅតាមព្រំដែនអាហ្វហ្គានីស្ថានបណ្តាលឱ្យបុគ្គលិកសន្តិសុខ៣៦នាក់ស្លាប់។
លីប៊ី៖ ក្រុមឧទ្ទាមលីប៊ីនិយាយថា ពួកគេបានត្រួតត្រា Poste ព្រំដែនសំខាន់មួយនៅជិតប្រទេស Tunisie តែនៅតែប្រយុទ្ធដើម្បីត្រួតត្រាក្រុង Zuwarah នាផ្នែកខាងលិចប្រទេស។
ស៊ីរី៖ ពួកសកម្មជនស៊ីរីបាននិយាយថា កងកម្លាំងស្មោះត្រង់នឹងលោកប្រធានាធិបតីBashar al-Assad បានប៉ះទង្គិចជាមួយក្រុមបាតុករប្រឆាំងនឹងរដ្ឋាភិបាលក្នុងក្រុងដាម៉ា់ស់និងក្រុងឯទៀតៗមួយចំនួន។
ប៉ាគីស្ថាន៖ មន្ត្រីសហរដ្ឋអាមេរិកម្នាក់និយាយថា Atiyah Abd al-Rahman ដែលជាមេដឹកនាំលេខពីរនៃអង្គការ al-Qaida បានត្រូវសម្លាប់នៅក្នុងប្រទេសប៉ាគីស្ថាន។
