សហរដ្ឋអាមេរិក៖ ប្រធានាធិបតីសហរដ្ឋអាមេរិកបារ៉ាក់ អូបាម៉ា បានដោះលែងមាន់តួកគីក្នុងបុណ្យថ្លែងអំណរគុណជាតិ National ThanksgivingTurkey ហើយការជួយសង្គ្រោះសត្វមាន់តួកគីនេះជាផ្នែកមួយនៃប្រពៃណីបុណ្យអំណរគុណទូទាំងប្រទេសជាតិ។
យេម៉ែន៖ ប្រធានាធិបតីយេម៉ែន Ali Abdullah Saleh បានចុះហត្ថលេខាលើកិច្ចផ្តួចផ្តើមតំបន់ឈូងសមុទ្រពែក្សដែលអំពាវនាវឲ្យលោកផ្ទេរអំណាចទៅឲ្យអនុប្រធានាធិបតី ដែលជាចំណាត់ការណ៍មួយរៀបចំឡើងដើម្បីបញ្ចប់ការប្រឆាំងតវ៉ាដែលរីកកាន់តែធំឡើងក្នុងរយៈពេលប៉ុន្មានខែប្រឆាំងនឹងការគ្រប់គ្រងរបស់លោករយៈពេល៣៣ឆ្នាំ។
អេហ្ស៊ីប៖ ពួកបាតុករអេហ្ស៊ីបកំពុងកៀបសង្កត់ពួកមេដឹកនាំយោធាឲ្យចុះចេញពីតំណែងជាបន្ទាន់ មួយថ្ងៃបន្ទាប់ពីសេនាប្រមុខ Mohamed Hussein Tantawi បានប្រកាសពីការផ្តល់សម្បទានដែលមានគោលបំណងបន្ធូរបន្ថយការតានតឹងនេះ។
តួកគី៖ នាយករដ្ឋមន្រ្តីតួកគី Recep Tayyip Erdogan បានសុំអភ័យទោសចំពោះការសម្លាប់មនុស្សជិត១ម៉ឺន៤ពាន់នាក់ ក្នុងការបះបោររបស់ជនជាតិ Kurds ក្នុងទសវត្សរ៍១៩៣០ ដែលជាការសុំទោសជាសាធារណៈលើកតំបូងរបស់រដ្ឋាភិបាលចំពោះការសម្លាប់នេះ។
ប៉ាគីស្ថាន៖ ពួកគណបក្សសាធារណរដ្ឋឲ្យបានទទួលការតែងតាំងជាបេក្ខជនប្រធានាធិបតី បានជជែកដេញដោលថាតើត្រូវដោះស្រាយជាមួយប្រទេសប៉ាគីស្ថាន អាហ្វហ្គានីស្ថាននិងកម្មវិធីនុយគ្លែអ៊ែរបស់អ៊ីរ៉ង់យ៉ាងដូចម្តេចនៅក្នុងការជជែកដេញដោលផ្សាយបន្តផ្ទាល់តាមទូរទស្សន៍នៅក្នុងរដ្ឋធានីវ៉ាស៊ីនតោន។
សហរដ្ឋអាមេរិក៖ ទិន្នន័យដែលបានបោះពុម្ពផ្សាយកាលពីថ្ងៃពុធបង្ហាញពីរូបភាពចម្រុះនៃសេដ្ឋកិច្ចរបស់សហរដ្ឋអាមេរិក ដោយការសុំប្រាក់គ្មានការងារធ្វើនិងការចំណាយរបស់អ្នកប្រើប្រាស់ទំនិញបានកើនឡើងបន្តិច។
អាហ្វ្រិក៖ អតីតប្រធានាធិបតីសហរដ្ឋអាមេរិក George W. Bush នឹងធ្វើដំណើរទៅកាន់ទ្វីបអាហ្វ្រិកនៅខែក្រោយដើម្បីសង្កត់លើកម្មវិធីនានាដើម្បីប្រយុទ្ធប្រឆាំងជំងឺនានាដូចជាជំងឺ AIDS និងជំងឺគ្រុនចាញ់។
រុស៊្សី៖ ប្រធានាធិបតីរុស្ស៊ី Dmitry Medvedev និយាយថារុស្ស៊ីនឹងដាក់កាំជ្រួចផ្លោង តម្រង់ទៅទីកន្លែងប្រឆាំងកាំជ្រួចផ្លោងមីស៊ីលរបស់សហរដ្ឋអាមេរិកក្នុងអឺរ៉ុបខាងកើត បើសហរដ្ឋអាមេរិកមិនយកចិត្តទុកដាក់លើកង្វល់របស់រុស្ស៊ីអំពីផែនការការពារកាំជ្រួចផ្លោងមីស៊ីលរបស់ខ្លួនទេ។
