ភ្ជាប់​ទៅ​គេហទំព័រ​ទាក់ទង

ព័ត៌មាន​អន្តរជាតិ​សង្ខេប៖ ២៤ កក្កដា


នៅក្នុង​រូបថត​ឯកសារ​ ថ្ងៃទី​២៣ មករា ឆ្នាំ​២០០៤ នេះ អតីត​នាយក​រដ្ឋមន្រ្តី​វៀតណាម​ខាងត្បូង កំពុង​ផ្តល់​បទសម្ភាសន៍​មួយ​នៅ​ហាណូយ ប្រទេស​វៀតណាម។ Nguyen Cao Ky ក៏​ជា​អតីត​មេបញ្ជា​ការ​ទ័ព​អាកាស​ដៃដែក ដែល​គ្រប់គ្រង​វៀតណាម​ខាង​ត្បូង​ រយៈពេល​ពីរ​ឆ្នាំ​ក្នុង​សម័យ​សង

វៀតណាម៖ លោក Nguyen Cao Ky អតីត​មេដឹកនាំ​ប្រទេស​វៀតណាម​ខាង​ត្បូង បាន​ស្លាប់​ហើយ​ក្នុង​ជន្មាយុ​៨១​ឆ្នាំ។

សេណេហ្គាល់៖ ក្រុម​បាតុករ Senegal រាប់​ពាន់​នាក់​បាន​ប្រមូល​ផ្តុំ​គ្នា​នៅ​ក្នុង​រដ្ឋធានី​ Dakar នៅថ្ងៃ​សៅរ៍​ដើម្បី​ធ្វើការ​ប្រជុំ​មហាជន​ប្រជែង​គ្នា​អំពី​សិទ្ធិ​របស់​លោក​ប្រធានាធិបតី Abdoulaye Wade ក្នុង​ការ​ឈរ​ឈ្មោះ​សម្រាប់​អណត្តិ​ទី​បី។

ន័រវេស៖ បុរសន័រវេស ដែល​ជាប់​សង្ស័យ​ក្នុង​ការ​ដាក់​គ្រាប់​បែក​ឱ្យ​ផ្ទុះ និង​ក្នុង​ការ​បាញ់​កាំភ្លើង​កាល​ពី​ពេល​ថ្មីៗ​នេះ​បាន​ទិញ​ជី​៦តោន ដែល​ជា​សារធាតុ​មួយ​ជួន​កាលបាន​ត្រូវ​ប្រើប្រាស់​សម្រាប់​ផលិត​គ្រាប់បែក។

សហរដ្ឋ​អាមេរិក៖ ពួក​មេដឹកនាំ​នៅ​ទូទាំង​ពិភពលោក​ចាប់​តាំង​ពី​ស.រ.អ.​រហូត​ដល់​ប្រទេសប៉ាគីស្ថាន​បាន​សម្តែង​កំហឹង​យ៉ាង​ខ្លាំង ហើយ​បាន​ស្នើ​ផ្តល់​កិច្ចគាំទ្រ​ដល់​ប្រទេសន័រវេសនៅ​ក្រោយ​ការ​វាយ​ប្រហារ​ដ៏​ប្រល័យ​ដែល​ធ្វើ​ឱ្យ​រង្គើ​ប្រទេស​ជាតិ​នោះ។

សូម៉ាលី​៖ សភា​នៃ​ប្រទេស​សូម៉ាលី​ក្នុង​ទ្វីប​អាហ្វ្រិក​បាន​ផ្តល់​ការ​យល់​ព្រម​ដល់​គណៈរដ្ឋមន្ត្រី​ដែល​បាន​ត្រូវ​ជ្រើសរើស​ដោយ​លោក Abdiweli Mohamed Ali នាយករដ្ឋមន្ត្រី​ដែល​បាន​ទទួល​ការ​តែងតាំង​កាល​ពីពេល​ថ្មីៗ​នេះ។

ឥណ្ឌា​៖ ពួក​មន្ត្រី​ឥណ្ឌា​បាន​និយាយ​ថា​ចំនួន​មនុស្ស​ស្លាប់​ដោយសារ​ការ​ផ្ទុះ​គ្រាប់បែក​កាល​ពី​សប្តាហ៍​មុន​នៅ​ក្នុង​ក្រុង Mumbai បាន​កើន​ទ្បើង​ដល់​២៣​នាក់​ហើយ​នៅ​ពេល​ដែល​ជន​រងគ្រោះ​ថែម​ទៀត​បាន​បាត់បង់​ជីវិត​ដោយសារ​មុខ​របួស​របស់​ពួក​គេ។

សហរដ្ឋអាមេរិក៖ លោក​ប្រធានាធិបតី​ស.រ.អ.​បារ៉ាក់ អូបាម៉ា​បាន​ជួប​ក្នុង​រយៈ​ពេល​ខ្លី​ជាមួយ​ពួក​មេដឹកនាំ​សភា​នៃ​គណបក្ស​ទាំង​ពីរ​កាល​ពី​ថ្ងៃសោរ៍​ដើម្បី​ពិភាក្សា​គ្នា​អំពី​ភាព​ទាល់ច្រក​នៃ​ការ​បង្កើន​ការ​កម្រិត​បំណុល​របស់​ប្រទេស​ជាតិ​ចំនួន​១៤,៣​លាន​ដុល្លារ។

អ៊ីរ៉ង់​៖ ប្រទេស​អ៊ីរ៉ង់​និយាយ​ថា អ្នក​វិទ្យាសាស្ត្រ​បរមាណូ​ម្នាក់​របស់​ខ្លួន​បាន​ត្រូវ ”ធ្វើឃាត” ក្នុង​ក្រុង​តេ​អេរ៉ង់។

ចិន៖ រន្ទះ​បានបាញ់​ផ្តាច់ភ្លើង​អគ្គីសនី​សម្រាប់​រទេះភ្លើងមាន​ល្បឿនលឿន​មួយ​ខ្សែ​បណ្តាល​ឱ្យ​មាន​ការបុកគ្នានិងការខ្ទាតពីផ្លូវដែកដែលនាំឱ្យមនុស្សយ៉ាងតិចណាស់​១១​នាក់ស្លាប់​ក្នុង​ប្រទេស​ចិន​និងនាំឱ្យមនុស្សជិត៩០នាក់ទៀតត្រូវរបួស។

XS
SM
MD
LG