ភ្ជាប់​ទៅ​គេហទំព័រ​ទាក់ទង

ព័ត៌មាន​អន្តរជាតិ​សង្ខេប៖ ២៣ កក្កដា


ក្រុមអ្នក​សង្គ្រោះ​ចុះ​ធ្វើការ​នៅកន្លែង​គ្រាប់​បែក​ផ្ទុះ ​ដែល​រញ្ជួយ​ក្រុង​អូស្លូ កាល​ពី​ថ្ងៃទី២២ កក្កដា ឆ្នាំ២០១១

ណ័រវ៉េ​៖ ការ​ផ្ទុះ​គ្រាប់​បែក​បាន​ធ្វើ​ឲ្យ​រង្គើ​ទីស្នាក់ការធំ​របស់​រដ្ឋាភិបាល​នៃ​ប្រទេស​ណ័រវ៉េ​ក្នុង​រដ្ឋធានី​អូស្លូ​កាលពី​ថ្ងៃ​សុក្រ​ ដោយ​បាន​សម្លាប់​មនុស្ស​យ៉ាង​ហោច​ណាស់ក៏​ពីរ​នាក់​ហើយ​នឹង​ធ្វើ​ឲ្យ​មនុស្ស​១៥នាក់​ទៀត​រងរបួស។

ឡាវ៖ សហរដ្ឋ​អាមេរិក​បាន​ស្វាគមន៍​ការសម្រេច​ចិត្ត​របស់​ប្រទេស​ឡាវ​ដើម្បី​បន្តការ​បញ្ឈប់​ផែនការ​ស្ថាបនា​ទំនប់​វារី​អគ្គីសនីយ​កាត់​តាម​ទន្លេ​មេគង្គ។

ស៊ីរី៖ មនុស្ស​យ៉ាង​ហោចណាស់​ក៏​៦នាក់​ដែរ​បាន​ត្រូវ​សម្លាប់​នៅ​ក្នុង​ប្រទេស​ស៊ីរី​កាល​ពីថ្ងៃ​សុក្រដែល​ជាទី​កន្លែង​ដែល​ពួក​មន្រ្តី​សន្តិសុខ​បាន​ឆ្លើយ​តប​ដល់​បាតុកម្ម​ដ៍ធំ​មួយ​ដោយ​ប្រើ​កម្លាំង។

សូម៉ាលី​៖ ក្រុម​ជន​សកម្មប្រយុទ្ធ​ al – Shabab​ នៃ​ប្រទេស​សូម៉ាលី​និយាយ​ថាខ្លួននឹង​មិន​អនុញ្ញាតិ​ឲ្យក្រុម​ផ្តល់​ជំនួយ​ដែល​ខ្លួន​បាន​ហាម​ឃាត់​ប្រតិបត្តិការ​នៅ​ក្នុង​តំបន់​ក្រីក្រ​នានា​នៅ​ក្នុង​ប្រទេស​នោះ​ទេ។

សូម៉ាលី​៖ នៅ​សប្តាហ៍​នេះ​ អង្គការ​សហប្រជាជាតិ​បាន​ប្រកាស​ភាព​ទុរ្ភិក្ស​ក្នុងតំបន់​ Bakool និង​Lower Shabelle ខាងត្បូង​នៃប្រទេស​សូម៉ាលី​ហើយ​បាន​និយាយ​ថា

អាហ្វហ្គានីស្ថាន​៖ អង្គការអូតង់​ប្រាប់​ឲ្យ​ដឹង​ថា​កងទ័ព​ចម្រុះបាន​សម្លាប់​ពួក​បះបោរ​ជាង​៥០​នាក់​ក្នុង​អំឡុង​ពេល​កិច្ច​ប្រតិបត្តិការ​សឹក​ក្នុង​ប្រទេស​អាហ្វហ្គានីស្ថាន​ផែ្នក​ខាង​កើត។

សហរដ្ឋ​អាមេរិក៖ មន្រ្តី​កំពូល​ហិរញ្ញវត្ថុ​ខ្លះ​របស់​រដ្ឋាភិបាល​សហរដ្ឋ​អាមេរិក​ កំពុង​ពិនិត្យ​យ៉ាង​ដិត​ដល់​ថែម​ទៀត​ថា​តើ​មានអ្វី​ដែល​ប្រហែល​កើត​មាន​ឡើង​ប្រសិន​បើ​មានភាពទាល់​ច្រក​នៃការចរចា​រ​បំណុល​រវាង​លោក​ប្រធានាធិបតី​និង​សមាជិក​សភា​បាន​ក្លាយ​ទៅជា​ទាល់​ច្រក​នោះ។

អង់គ្លេស៖ លោក​ David ​Cameron​ នាយក​រដ្ឋមន្រ្តី​នៃ​ប្រទេស​អង់គ្លេស​មាន​ប្រសាសន៍​ថា​លោក​ James​ Murdoch​ នាយក​ប្រតិបត្តិ​នៃ​ក្រុមហ៊ុន​ព័ត៌មាន​មាន​សំណួរ​ដើម្បី​ឆ្លើយ​អំពី​ការផ្តល់​កសិណ​សាក្សី​ដែល​មាន​ជម្លោះ​ដែល​លោក​បាន​ផ្តល់​ដល់​សភា​នៅ​សប្តាហ៍​នេះ​អំពី​ថា​តើ​លោក​បាន​ដឹង​អំពី​រឿង​អាស្រូវ​នៃ​ការលួច​ស្តាប់​ទូរស័ព្ទ​ដែល​ព័ទ្ធ​ជុំវិញ​ក្រុមហ៊ុន​របស់​លោក​ដែរ​ឬ​ទេ។

អ៊ីរ៉ង់​៖ ឆ្មាំ​ការពារ​បដិវត្តន៍​នៃ​ប្រទេស​អ៊ីរ៉ង់​បាន​ឆ្លើយ​បដិសេធ​ដល់​សេចក្តី​រាយការណ៍​មួយ​មកពី​បណ្តាញ​ផ្សាយ​ព័ត៌មាន​រដ្ឋ​នៅដើម​សប្តាហ៍​នេះ​ថា​ខ្លួន​បាន​បាញ់​ទម្លាក់​យន្តហោះ​ចារកម្ម​គ្មាន​មនុស្ស​បើក​របស់​សហរដ្ឋ​អាមេរិក ​(Drone)។

XS
SM
MD
LG