ព័ត៌មានចុងក្រោយបំផុត៖
ស.រ.អ៖ យានអវកាសចម្លងអាទ្លែនធិស៍ (Atlantis) បានហោះចុះយ៉ាងល្អឥតខ្ចោះ ដោយបានកំណត់ទីបញ្ចប់ជាផ្លូវការនូវបេសកកម្មក្នុងរយៈពេល៣០ឆ្នាំរបស់យានអវកាសចម្លងរបស់ស.រ.អ.។
អាស៊ាន៖ រដ្ឋមន្រ្តីការបរទេសពីប្រទេសអាស៊ីបូព៌ានិងអាស៊ីអាគ្នេយ៍បានអំពាវនាវនៅថ្ងៃព្រហស្បតិ៍នេះ សុំឲ្យមានការចាប់ផ្តើមឡើងវិញយ៉ាងឆាប់រហ័សនូវកិច្ចចរចា៦ភាគីស្តីពីកម្មវិធីនុយក្លេអ៊ែររបស់ប្រទេសកូរ៉េខាងជើង។
ស៊ីរី៖ សកម្មជនសិទ្ធិមនុស្សនិយាយថា មានការបាញ់តគ្នាយ៉ាងខ្លាំងនៅក្នុងទីក្រុងហ៊មស៍ (Homs) នៅភាគកណ្តាលនៃប្រទេសនៅពេលដែលកងកម្លាំងសន្តិសុខបន្តការបង្ក្រាបទៅលើក្រុមបាតុករប្រឆាំងនិងរដ្ឋាភិបាល។
ស.រ.អ៖ លោកប្រធានាធិបតីស.រ.អ. បារ៉ាក់ អូបាម៉ា ថ្លែងថា លោកមិនបោះបង់ចោលសេចក្តីសង្ឃឹមរបស់លោកចំពោះអ្វីដែលលោកហៅថា «ការតថ្លៃគ្នាដ៏ធំមួយ»ដើម្បីតំឡើងកម្រិតប្រាក់ដែលស.រ.អ.អាចខ្ចីបរទេសនោះទេ ហើយនៅពេលជាមួយគ្នានោះកាត់បន្ថយប្រាក់បំណុលជាតិយ៉ាងច្រើនផងដែរ។
អឺរ៉ុប៖ មេដឹកនាំនៃប្រទេសអឺរ៉ុបកំពុងជួបប្រជុំគ្នានៅថ្ងៃព្រហស្បតិ៍នេះ ដើម្បីពិភាក្សាអំពីការជួយសង្គ្រោះសេដ្ឋកិច្ចជាលើកទីពីរដល់ប្រទេសក្រិក(Greece)។
មន្រ្តីនិយាយថាផែនការជួយសង្គ្រោះអាចអនុញ្ញាតឲ្យប្រទេសក្រិកធ្លាក់ចូលទៅក្នុងរយៈពេលជាបណ្តោះអាសន្នមួយដែលមិនអាចសងប្រាក់បំណុលរបស់ខ្លួនបាន។
យេមែន៖ យោធាប្រទេសយេមែន (Yemen) និយាយថាកងកម្លាំងរបស់ខ្លួនបានសម្លាប់មេដឹកនាំម្នាក់នៃសាខាអាល់ខៃដានៅក្នុងយេមែន។
ព័ត៌មាននៅពេលមុននេះ៖
លីប៊ី៖ ចំនួនមនុស្សស្លាប់កាន់តែកើនពីការប៉ះទង្គិចគ្នា នៅទីកន្លែងផែសមុទ្រដឹកជញ្ជូនប្រេង ប្រេគា ចំពេលដែលកិច្ចប្រឹងប្រែងការទូតដើម្បីដោះស្រាយវិបត្ដិកំពុងដំណើរការនៅក្នុងប្រទេសបារាំង និងរុស្ស៊ី។
ស៊ែរប៊ី៖ អាជ្ងាធរនៅក្នុងប្រទេស ស៊ែរប៊ីនិយាយថាបានចាប់ខ្លួន Goran Hadzic ដែលជាជនល្មើសលាក់ខ្លួនចុងក្រោយបង្អស់ ដែលតុលាការ អសប តាមរកចាប់ខ្លួនតាមការចោទប្រកាន់ពីបទឧក្រិដ្ឋកម្មសង្រ្គាម។
អាហ្វហ្គានីស្ថាន៖ ក្រុមបះបោលអាហ្វហ្គានីស្ថាន បានបើកការវាយប្រហារអត្តឃាតមកលើទីក្រុងសំខាន់ៗ កាលពីថ្ងៃពុធ ទោះបីជាក្រុមចម្រុះកំពុងប្រគល់កិច្ចការត្រួតត្រាសន្ដិសុខមកឲ្យកងកម្លាំងអាហ្វហ្គានីស្ថានក៏ដោយ។
យេម៉ែន៖ មន្ដ្រីយេម៉ែននិយាយថា ការផ្ទុះគ្រាប់បែកពីរថយន្ដនៅតំបន់ផែភាគខាងត្បូង អេដិន បានសម្លាប់ប្រធានប្រតិបត្ដិជាតិអង់គ្លេសម្នាក់ ដោយគេដាក់កំហុសមកលើការវាយប្រហារធ្វើឡើងដោយក្រុម អាល់កៃដា។
ឥណ្ឌា៖ រដ្ឋមន្ដ្រីការបរទេស សរអ ហ៊ីលឡារី គ្លីនតុន បានអំពាវនាវប្រទេសឥណ្ឌាឲ្យប្រើឥទ្ធពលជាមហាអំណាចសេដ្ឋកិច្ច ដើម្បីជួយលើកដម្កើងពាណិជ្ជកម្មទូទាំងតំបន់អាស៊ីកណ្ដាល រាប់ទាំងប្រទេសអាហ្វហ្គានីស្ថាន និងប៉ាគីស្ថាន ដែលជាគូប្រជែងដ៏យូរអង្វែងរបស់ឥណ្ឌា។
ម៉ាឡាវី៖ ប៉ូលីសប្រទេសម៉ាឡាវី បានប៉ះទង្គិចជាមួយក្រុមបាតុករនៅក្នុងទីក្រុងធំៗកាលពីថ្ងៃពុធ បណ្ដាលឲ្យមនុស្សម្នាក់ស្លាប់។
សរអ៖ អ្នកអវកាសអង្គការណាសា ជិះនៅក្នុងយានអវកាស Atlantis កំពុងរៀបចំខ្លួនចុះចតលើដី នៅថ្ងៃព្រហស្សតិ៍ ដែលនឹងបញ្ចប់កម្មវិធីយានអវកាស សរអ អាយុ ៣០ ឆ្នាំនោះ។
អ៊ីរ៉ង់៖ ដោយសារតែអ៊ីរ៉ង់ ប្រឈមមុខនឹងបញ្ហាធ្ងន់ធ្ងរនៃការប្រើប្រាស់គ្រឿងញៀន និង ការរត់ថ្នាំញៀន នាយកទីភ្នាក់ងារប្រឆាំងឆ្នាំញៀនបានចូលទៅចរចាជាមួយមន្ដ្រីថ្នាក់ខ្ពស់ អ៊ីរ៉ង់។
នេប៉ាល់៖ ប្រទេសនេប៉ាល់ បានប្រកាសថា នឹងបើកឲ្យមានការវាស់វែងថ្មីមូយមកលើ កំពូលភ្នំដ៏ខ្ពស់បំផុត Everest ដែលឈរជើងទាំងសង្ខាង នៅលើព្រំដែនរវាង ណេប៉ាល និងចិន។
