ភ្ជាប់​ទៅ​គេហទំព័រ​ទាក់ទង

ព័ត៌មាន​អន្តរជាតិ​សង្ខេប៖ ១៨ សីហា


អ្នក​ភូមិ​កម្ពុជា​​បាន​រង​ប៉ះពាល់​ដោយ​ការ​បាត់បង់​ដីធ្លី​នៅ​ព្រៃ​ឡង់ នៅ​ភាគ​ខាង​ជើង​នៃ​ប្រទេស បន់ស្រន់​នៅ​ទីសក្ការៈ​បូជា​មួយ​កន្លែង​នៅ​កណ្តាល​ក្រុង​ភ្នំពេញ ថ្ងៃទី១៨ សីហា ២០១១។ បន្តិច​ក្រោយ​មក ភាគច្រើន​នៃ​អ្នក​ភូមិត្រូវ​បាន​អាជ្ញាធរ​ចាប់​ឃាត់​ខ្លួន​បន្ទាប់

ព័ត៌មាន​ចុងក្រោយ​បំផុត៖

កម្ពុជា៖ នៅ​ថ្ងៃ​ព្រហស្បតិ៍​នេះ ​អ្នក​ភូមិ​កម្ពុជា​ជាង​១០០​នាក់​បាន​ស្លៀកពាក់​តែង​ខ្លួន​ជា​តួរអង្គ​អវតា​ដែល​យក​តាម​រឿង​ភាព​យន្ត​ល្បី​ឈ្មោះ​ដែល​មាន​ចំណង​ជើង​ថា ​«អវតា»​ ដើម្បី​តវ៉ា​នឹង​អ្វី​ដែល​ពួកគេ​ហៅ​ថា​ការបំផ្លិចបំផ្លាញ​ព្រៃ​ឈើ​ដ៏ធំជាងគេ​បំផុត​នៅ​តំបន់​អាស៊ី​អាគ្នេយ៍។​ ក្រុម​អ្នក​ភូមិ​បាន​លាបមុខ​ពណ៌​បៃតង និង​ខៀវ​បាន​ធ្វើការ​តវ៉ា​នៅ​ចំពីមុខ​ព្រះ​រាជវាំង​ក្នុង​ទីក្រុង​ភ្នំពេញ បន្ទាប់​មក​បាន​ដើរ​នៅ​ពាស​ពេញ​រាជធានី​ដោយ​ចែក​ខិតប័ណ្ណ​ផ្សព្វផ្សាយ។​ ប៉ូលីស​បាន​ចាប់​ខ្លួន​ពួកគេ​មួយ​ចំនួន តែ​បាន​ដោះលែង​ទៅវិញ​ដោយ​មិន​បាន​ចោទប្រកាន់​អ្វី​ទេ។

វៀតណាម៖ អាជ្ញាធរ​វៀតណាម​បាន​ទាមទារ​ឱ្យ​បញ្ឈប់​ការ​តវ៉ា​ប្រចាំ​សប្តាហ៍​ក្នុង​រដ្ឋ​ធានី​ ប្រឆាំង​នឹង​ប្រទេស​ចិន​ ដោយ​និយាយ​ថា​ មាន​កម្លាំង​ប្រឆាំងកំពុង​ប្រើប្រាស់​ការ​តវ៉ា​នេះ​ដើម្បី​ធ្វើ​ឱ្យ​ខូចដល់​សណ្តាប់​ធ្នាប់​សង្គម​និង​ស្ថិរភាព។ គណៈកម្មការ​ប្រជាជន​ទីក្រុង​ហាណូយ​បាន​បញ្ជា​ឱ្យ​បញ្ឈប់​ការ​តវ៉ា​នេះ​ដោយ​ប្រើប្រាស់​ការផ្សព្វផ្សាយ​មួយ​កាលពីថ្ងៃ​ព្រហស្បតិ៍ ហើយ​បាន​ព្រមានថា​ រដ្ឋាភិបាល​នឹង​ប្រើប្រាស់​វិធានការ​ចាំបាច់​ប្រឆាំង​នឹង​ជនទាំងឡាយ​ណា​ដែល​មិន​គោរព​តាម។

សហរដ្ឋអាមេរិក៖ លោក​ប្រធានាធិបតី​សហរដ្ឋ​អាមេរិក​បារ៉ាក់​ អូបាម៉ា​និយាយ​ថា លោក​នឹង​បង្ហាញ​សំណើ​មួយ​នៅ​ដើម​ខែ​ក្រោយ​ដើម្បី​កាត់​ឱនភាព​ថវិកា​ដ៏​ធំ​របស់​ប្រទេសជាតិ​ឱ្យ​បាន​ច្រើន​ជាង​អ្វី​ដែល​បាន​រៀប​ចំ​នាពេល​បច្ចុប្បន្ន​នេះ។

ប៉ាគីស្ថាន៖ ក្រុម​មន្ត្រី​ប៉ូលិស​និយាយថា​អំពើ​ហិង្សា​ផ្នែក​ជាតិសាសន៍​មានទាក់ទង​នឹង​ក្រុម​ជនពាល​នៅ​ទីក្រុង​ការ៉ាជី​ដែល​បាន​បណ្តាល​ឱ្យ​មនុស្ស​យ៉ាងហោច​ណាស់​៣០​នាក់​ស្លាប់​បាត់​បង់​ជីវិត​ចាប់​តាំង​ពី​ថ្ងៃ​ពុធ​។ ប៉ូលិស​និយាយថា​ អំពើ​ហិង្សា​ភាគច្រើន​កើត​មាន​ឡើង​នៅ​សង្កាត់ លីយ៉ារី (Lyari) ដែល​នៅ​ភាគ​ខាង​ត្បូង​ទីក្រុង​ការ៉ាជី ដែល​ទីនោះ​ជា​តំបន់​ដែល​ត្រូវ​បាន​គ្រប់​គ្រង​ដោយ​គណបក្ស​ប្រជាជន​ប៉ាគីស្ថាន ហើយ​ជាទី​ដែល​ល្បី​ថា​មាន​ក្រុម​ជនពាលធ្វើសកម្មភាព។

ឥណ្ឌា៖ ទីប្រឹក្សាម្នាក់​របស់​សកម្មជន​ប្រឆាំង​នឹង​អំពើ​ពុករលួយ​ដ៏ល្បី​ឈ្មោះ​ម្នាក់​និយាយ​ថា​ លោកអាណ្ណា ហាហ្សារ (​Anna Hazare) បាន​យល់​ព្រម​ទទួល​ការ​អនុញ្ញាត​ពី​អាជ្ញាធរ​ប៉ូលិស​ឱ្យ​លោក​ធ្វើការ​តវ៉ា​តាម​វិធី​បង្អត់​អាហារ​ចំនួន​១៥​ថ្ងៃ​នៅ​ក្នុង​ទីសួន​សាធារណៈ​នៃ​ទីក្រុង​ញូដេលី។ការ​យល់​ព្រម​នេះ​បាន​នាំ​ឱ្យ​មាន​ការអបអរ​សាទរ​យ៉ាងខ្លាំង​ពី​ក្រុម​អ្នក​គាំទ្រ​លោក។

ចិន អាមេរិក៖ អនុប្រធានាធិបតី​ចិន​និង​សហរដ្ឋ​អាមេរិក​បាន​បើកការចរចា​ជាផ្លូវការ​នៅ ទីក្រុង​ប៉េកាំង​ដោយ​មាន​ការរំលឹក​ថា​ទំនាក់ទំនង​ល្អ​រវាង​ប្រទេស​ទាំង​ពីរ​នឹង​អាច​ផ្តល់​ផលប្រយោជន៍​ដល់​ពិភពលោកទាំងមូល។ លោក​អនុប្រធានាធិបតី ចូ បៃដិន (Joe Biden) និង​ លោក ស៊ី ជីនពីង (Xi Jinping) បាន​ដកឃ្លា​ចូលមក​ចរចា​ជាលក្ខណៈ​ឯកជន​កាលពីថ្ងៃ​ព្រហស្បតិ៍​បន្ទាប់​ពី​មាន​ការទទួល​ផ្លូវការ​នៅ​ឯ​មហាវិមានប្រជាជន​ចិន​ក្នុង​ទីក្រុង​ប៉េកាំង។

តួកគី៖ ក្រុម​យោធា​ទួរគី​និយាយថា​យន្តហោះ ចម្បាំង​របស់​ទួរគី​បាន​វាយប្រហារ​គោលដៅ​ចំនួន​៦០​របស់​បក្ស​កម្មករ​ឃឺដ ដែល​ត្រូវ​បាន​ហៅកាត់​ថា PKK ​ដែល​ជាក្រុម​បំបែក​ខ្លួន​នៅ​ភាគ​ខាងជើង​ប្រទេស​អ៊ីរ៉ាក់។ ក្រុម​យោធា​បាន​និយាយ​កាលពី​ថ្ងៃ​ព្រហស្បតិ៍​ថា យន្តហោះ​ទាំង​នោះ​បាន​បើក​ការ​វាយប្រហារ​កាល​ពី​យប់​ថ្ងៃ​ពុធ។

ស៊ីរី៖ លោក​អគ្គលេខា​ធិការ​អង្គការ​សហប្រជាជាតិ​ បាន គីមូន បាន​ប្រាប់​លោក​ប្រធានាធិបតី​ស៊ីរី​ បាស្សារ អាល អាស្សាដ (Bashar al-Assad) ថា​លោក​ភ្ញាក់​ផ្អើល​នឹង​សេចក្តីរាយការណ៍​នានាអំពី​ការណ៍​ដែល​កង​កម្លាំង​សន្តិសុខរដ្ឋាភិបាល​ប្រើប្រាស់​កម្លាំងជ្រុល​ហួស​ប្រឆាំង​នឹង​ជន​ស៊ីវិល​ហើយ​បាន​បន្ត​ការ​រំលោភ​សិទ្ធិមនុស្សយ៉ាង​រាលដាល។

លីប៊ី៖ ក្រុម​បះបោរ​លីប៊ី​និយាយ​ថា ពួកគេ​បាន​វាយ​យក​បាន​រោងចក្រប្រេងកាត​ចុងក្រោយ​ពី​រដ្ឋាភិបាល​ក្នុង​ទីក្រុង​ភាគខាងលិច​រដ្ឋធានី​ទ្រីប៉ូលី។​ ពួកគេ​ក៏​បន្តវាយ​សម្រុក​ឆ្ពោះ​ទៅ​រដ្ឋ​ធានី​ក្នុង​គោលបំណង​បង្ខំ​មេដឹកនាំ ម៉ូអាម៉ា​ ហ្កាដាហ្វី​ ឱ្យ​ចុះ​ចេញ​ពី​តំណែង។

អាហ្វហ្គានីស្ថាន៖ ក្រុមមន្រ្តី​អាហ្វហ្កានីស្ថាន​និយាយថា យ៉ាងហោច​ណាស់​មាន​អ្នកដំណើរ​ចំនួន​២០​នាក់​ដែល​ជិះ​នៅ​ក្នុង​រថយន្ត​ក្រុង​បាន​ស្លាប់​បាត់​បង់ជីវិត​ក្រោយពី​រថយន្ត​នោះ​បាន​បើក​លើ​គ្រាប់​បែក​ដែល​ត្រូវ​បាន​ដាក់​បង្កៃ​តាមដងផ្លូវ​នៅ​ខេត្ត​ ហាត (Heart) នាភាគ​ខាង​លិច​ប្រទេស។

អេស្ប៉ាញ៖ សម្តេចសង្ឃ​ប៉ា បិណិឌិត (Pope Benedit) កំពុង​ស្ថិត​នៅ​ក្នុង​ប្រទេស​អេស្ប៉ាញ​ដើម្បី​ចូល​រួម​ពិធី​ប្រជុំ​របស់​ក្រុម​យុវជន​កាតូលិក​ហើយ​បាន​បង្ក​ឱ្យ​មាន​ការតវ៉ា​ដោយសារ​តែ​មាន​ការ​ចំណាយ​ខ្ពស់​ពេក។​

ព័ត៌មាន​នៅ​ពេល​មុន​នេះ៖

ព័ត៌មាន​អន្តរជាតិ​សង្ខេប៖ ១៨ សីហា
ព័ត៌មាន​អន្តរជាតិ​សង្ខេប៖ ១៨ សីហា

រុស៊្សី៖ អតីត​មេដឹកនាំ​សហភាព​សូវៀត​ លោក ​មីកាអែល​ គរបាឆូវ​ បាន​ទិតៀន​រដ្ឋាភិបាល​រុស្ស៊ី​ ហើយ​បាន​សម្ដែង​សមានចិត្ដ​ដែល​ប្រទេស​នេះ​ដើរ​ថយ​ក្រោយ​ ជិត​ពីរ​ទសវត្សរ៍មក​ហើយ ក្រោយរដ្ឋ​ប្រហារ​ដែល​នាំ​ឲ្យ​ដួល​រលំ​សហភាព​សូវៀត។

ស៊ីរី​៖ សកម្មជន​និយាយ​ថា កងកម្លាំង​សន្ដិសុខ​ស៊ីរី​បាន​ចាប់​ផ្ដើម​ការ​វាយ​សម្រុក​ថ្មី​ ហើយ​បាន​ចាប់​ឃុំ​មនុស្ស​ជាង​១២នាក់​នៅ​ក្រុង​ឡាតីគីយា ​មួយ​ថ្ងៃ​ក្រោយ​ពី​រដ្ឋាភិបាល​បាន​ប្រកាស​ថា​ខ្លួន​នឹង​ដក​យោធា​ចេញ​ពី​ដំបន់​ផែ​សមុទ្រនោះ។​

លីបង់៖ តុលាការ​ស៊ើបអង្កេត​គាំ​ទ្រ​ដោយ​អង្គការ​សហប្រជាជាតិ​លើ​ករណី​ឃាតកម្ម​អតីត​នាយក​រដ្ឋមន្ដ្រី​លីបង់ ​Rafik Hariri ​បាន​ផ្សព្វផ្សាយ​ឲ្យ​ដឹង​អំពី​ការ​កាត់ទោស​ប្រឆាំង​សមាជិក​៤​នាក់​របស់​អង្គការ​ ហេសបូលាហ​ ​ដោយរដ្ឋអាជ្ញា​និយាយ​ថា​ជា​អ្នក​ដៃដល់ក្នុងការ​វាយ​ប្រហារ។

ឥណ្ឌា៖ នាយក​រដ្ឋមន្ដ្រី​ឥណ្ឌា ម៉ាន​ ម៉ូហានសិញ ទិតៀន​សកម្មជន​ធ្វើ​កូដកម្ម​បង្អត់អាហារ​ដើម្បី​ប្រឆាំង​អំពើ​ពុក​រលួយ​ថា​មិន​យល់​សាច់​រឿង ​ពេល​ដែល​មាន​ការ​តវ៉ា​ថ្មីៗ​ធ្វើ​ឡើង​ទូ​ទាំង​ប្រទេស​ ដើម្បី​ប្រឆាំង​អំពើ​ពុក​រលួយ​នៅ​ថ្ងៃ​ទី​ពីរ។

តួកគី​៖ រដ្ឋមន្ដ្រីក្រសួង​ការពារតួកគី​ Ismet ​Yilmaz​ បាន​សច្ចា​ថានឹង​ធ្វើ​ការ​សងសឹក​ខ្លាំងដៃ​ប្រឆាំង​ក្រុម ​Kurdistan ​Workers ​Party​ ដោយ​សារ​តែ​ក្រុម​នោះ​បាន​បើក​ការ​វាយ​ប្រហារ ​ហើយ​សម្លាប់​ទាហាន​ទូរគី​ ៩​នាក់​នៅ​ជិតព្រំដែន​ជាមួយ​ប្រទេស​អ៊ីរ៉ាក់។

សហរដ្ឋ​អាមេរិក៖ ការស្ទង់មតិ​ថ្មី​មួយ​បង្ហាញ​ថា​ ភាព​ក្រីក្រ​នៃ​កុមារភាព​នៅសហរដ្ឋ​អាមេរិក​កើន​ខ្ពស់​នៅ​ក្នុង​រដ្ឋ​៣៨ ​កាល​ពី​ទសវត្សរ៍មុន​ ពេល​ដែល​ដំណើរសេដ្ឋកិច្ចចុះដុនដាប។

សហរដ្ឋ​អាមេរិក៖ សេតវិមាន​និយាយ​ថា​ ប្រធានាធិបតី​ បារ៉ាក់​ អូបាម៉ា​ នឹង​បង្ហាញ​ផែនការ​ថ្មី ​ដែល​នឹង​កាត់​បន្ថយ​អតិផរណា ​និង​បង្កើត​ការងារ​ធ្វើ​នៅ​ខែ​ក្រោយ ​បន្ទាប់​ពី​លោក​និងសភា​វិល​ត្រឡប់​ពីវិស្សមកាល​រដូវ​ក្ដៅ​វិញ។

ចិន៖ អនុប្រធានាធិបតី​សហរដ្ឋ​អាមេរិក​ ចូហ​ បៃឌិន​ បាន​មក​ដល់​ប្រទេស​ចិន ​កាល​យប់​ថ្ងៃ​ពុធ​ ដើម្បី​ធ្វើ​ទស្សនកិច្ច​ប្រាំ​ថ្ងៃ​ ក្នុង​គោល​ដៅ​ធានា​ដល់​ប្រទេស​ចិន ​អំពី​សេដ្ឋកិច្ច​របស់សហរដ្ឋ​អាមេរិក និង​ចង​ស្ពាន​មេត្រី​ជា​មួយ​មេ​ដឹកនាំ​ចិន​ ជំនាន់​ក្រោយ។

សូម៉ាលី​៖ ទីភ្នាក់ងារ​ជនភៀសខ្លួន​អង្គការ​សហប្រជាជាតិនិយាយ​ថា​ កុមារ​ជាតិ​សូម៉ាលី​នៅ​ក្នុង​ជំរំ​ជនភៀស​ខ្លួន​ប្រទេសអេត្យូពី​រង់​ចាំ​ការ​ស្លាប់​តាម​អត្រា​ខ្ពស់​គួរ​ឲ្យ​ខ្លាច។

លីប៊ី៖ ក្រុម​បះបោរ​នៅ​ក្នុង​ប្រទេស​លីប៊ី​បាន​ផ្ដើម​ការ​វាយលុក​ចូល​ទៅ​ក្នុង​រោងចក្រ​ចំរាញ់​ប្រេងកាត​នៅទី​ក្រុង​មួយ ​នៅ​តំបន់​ទិស​ខាង​លិច​ទី​ក្រុង​ទ្រីប៉ូលី ​ក្នុង​គោលដៅ​នឹង​វាយ​បណ្ដេញ​កង​កម្លាំង​ស្មោះត្រង់​នឹង​មេដឹកនាំ​ មូមារ​កាដាហ្វី ​ហើយនិង​បន្ដ​ចលនា​រុល​ទៅ​កាន់​រដ្ឋ​ធានី។

XS
SM
MD
LG