ភ្ជាប់​ទៅ​គេហទំព័រ​ទាក់ទង

ព័ត៌មាន​អន្តរជាតិ៖ ១៣ វិច្ឆិកា


អតីត​បេសកជន​អឺរ៉ុប Mario Monti លេច​ឡើង​ជាបេកជន​នាំមុខ​គេ​កាល​ពី​ថ្ងៃព្រហស្បតិ៍​ដើម្បី​ជំនួស​តំណែង​ Silvio Berlusconi ជា​មេដឹកនាំ​រដ្ឋាភិបាល​បណ្តោះអាសន្ន​ ខណៈ​អ្នក​នយោបាយ​អ៊ីតាលី​ស្ទុះស្ទា​ដោះស្រាយ​វិបត្តិ​ដែល​រីករាល​ដាល​ពាសពេញ​តំបន់អឺរ៉ូទាំង​មូល។

អ៊ីតាលី​៖ នាយក​រដ្ឋមន្ត្រី​អ៊ីតាលី​ Silvio Berlusconi ​នឹង​ចុះចេញ​ពីតំណែង​នៅ​ថ្ងៃ​សៅរ៍ ​ក្រោយ​ពី​ច្បាប់​ថវិកាថ្មីមួយ​បាន​ត្រូវ​អនុម័ត​ក្នុង​សភា​ដែល​នឹង​បើក​ផ្លូវ​ឱ្យ​មាន​រដ្ឋភិបាល​អន្តរកាល​មួយ​ដែល​នឹង​ខិតខំ​ព្យាយាម​តម្រែតម្រង់​ប្រទេស​ឱ្យ​ចេញ​ពិ​វិបត្តិ​សេដ្ឋកិច្ច​មួយ។

តួកគី​៖ ពួក​កុម្មង់ដូ​តួកគី​បាន​ឆ្មក់​ចូល​លុក​លើ​នាវា​ចម្លង​មួយ​គ្រឿង​ដែល​បានត្រូវ​ប្លន់ហើយ​បាន​សម្លាប់​ឧទ្ទាម​ Kurde ម្នាក់​ដែល​មាន​គ្រឿង​ផ្ទុះ។

កៀហ្ស៊ីស៊ីស្ថាន​៖ ពួក​មន្ត្រី​រៀប​ចំ​ការ​បោះឆ្នោតនៅ​កៀហ្ស៊ីស៊ីស្ថាន បាន​បញ្ជាក់​ថា​លោក​អតីត​នាយករដ្ឋមន្ត្រី Almazbek Atambayev ជា​អ្នក​ឈ្នះ​នៅក្នុង​ការ​បោះឆ្នោត​ប្រធានាធិបតីកាល​ពី​ខែ​មុន។

ស៊ីរី​៖ ពួក​សមាជិក​នៃ​សម្ព័ន្ធ​អារ៉ាប់​បាន​សម្រេច​ចិត្ត​ផ្អាកទំនាក់ទំនងជាមួយ​ស៊ីរី​ក្នុង​ក្រុម​នេះ ​រហូត​ដល់​ពេល​ណា​ដែល​រដ្ឋាភិបាល Bashar al-Assad អនុវត្ត​ផែនការ​សន្តិភាព​ដែល​បាន​ត្រូវយល់​ព្រម​ពី ​ពេល​មុន​រួច​ហើយ​ដើម្បី​បញ្ឈប់​ការ​បង្ក្រាប​ដ៏ ​ឃោរឃៅ​របស់​ខ្លួន​លើ​ក្រុម​បាតុករ។

សហរដ្ឋ​អាមេរិក​៖ កាល​ពី ថ្ងៃ​សៅរ៍​ លោក​ប្រធានាធិបតី​បារ៉ាក់​អូបាម៉ា​ ស្ថិត​នៅ​ រដ្ឋហាវ៉ៃ​ ដែល​ជា​ទី​កំណើត​របស់​លោក​ដើម្បី​ធ្វើ​ជា​ម្ចាស់​ផ្ទះ​រៀប​ចំ​សន្និសីទ​កំពូលសេដ្ឋកិច្ច​២​ថ្ងៃ​ជាមួយ​ពួក​មេដឹកនាំ​អាស៊ី​ប៉ាស៊ីហ្វិក។

អ៊ីរ៉ង់​៖ មាន​មនុស្ស​យ៉ាង​តិចណាស់​១៥​នាក់​បានស្លាប់នៅ​ក្នុង​ប្រទេស​អ៊ីរ៉ង់​ក្រោយ​ពី​មាន​ការ​ផ្ទុះ​ខ្លាំង​ៗ​ពីរ​នៅក្នុង​ឃ្លាំ​ង​គ្រាប់​រំសេវ​មួយនៅ​ខាង​លិច​ក្រុង​តេរ៉ង់។

XS
SM
MD
LG