ភ្ជាប់​ទៅ​គេហទំព័រ​ទាក់ទង

ព័ត៌មាន​អន្តរជាតិ​វីអូអេ​ ២៧ ធ្នូ យប់


រូបភាព​​មួយ​នេះ​ដែល​យក​ចេញ​ពី​ខ្សែ​អាត់​វីដេអូ​បង្ហាញ​​រថក្រោះ​​ស៊ីរី​​កំពុង​បើក​កាត់​ទី​ក្រុង​ហូម​នៅថ្ងៃទី​២៦​ ខែ​ធ្នូ​ ឆ្នាំ២០១១។

ស៊ីរី៖ ពួក​អ្នក​សង្កេតការណ៍​របស់​សម្ព័ន្ធ​អារ៉ាប់​បាន​ធ្វើ​ដំណើរ​ទៅ​កាន់​ទី​ក្រុង​ Homs នៃ​ប្រទេស​ស៊ីរី​ដែល​ជា​មជ្ឈមណ្ឌល​មួយ​នៃ​បាតុកម្ម​របស់​ក្រុម​ប្រឆាំង​ ដែល​នៅ​ទី​នោះ​ពួក​សកម្មជន​សិទ្ធិ​មនុស្ស​បាន​និយាយ​ថា ​កងកម្លាំង​សន្តិសុខ​របស់​រដ្ឋាភិបាល​បាន​បង្កើន​ការ​វាយ​ប្រហារ​របស់​ពួក​គេ​កាល​ពី​ប៉ុន្មាន​ថ្ងៃ​ថ្មីៗ​នេះ។

អ៊ីរ៉ាក់៖ ក្រុម​នយោបាយ​អ៊ីរ៉ាក់​ដឹកនាំ​ដោយ​បព្វជិត​អ៊ីស្លាម​ Shi'ite ប្រឆាំង​អាមេរិកាំង​ឈ្មោះ​ Muqtada al-Sadr បាន​ចេញ​ផ្សាយ​ការ​អំពាវនាវ​មួយ​ឱ្យ​រំលាយ​សភា​នៃ​ប្រទេស​អ៊ីរ៉ាក់​ ហើយ​រៀបចំ​ការ​បោះឆ្នោត​ជា​ថ្មី​នៅ​ក្នុង​ចំណាត់​ការ​មួយ​ដែល​អាច​នាំ​ឱ្យ​វិបត្តិ​និកាយ​សាសនា​របស់​ប្រទេស​នេះ​មាន​ភាព​តាន​តឹង​ទ្បើងៗ។

យេម៉ែន៖ សហរដ្ឋ​អាមេរិក​កំពុង​ពិចារណា​ថា​ តើ​នឹង​អនុញ្ញាត​ឱ្យ​លោក​ Ali Abdullah Saleh ប្រធានាធិបតី​ចេញ​ពី​តំណែង​នៃ​ប្រទេសយេម៉ែន ធ្វើ​ដំណើរ​មក​កាន់​សហរដ្ឋ​អាមេរិកដើម្បី​ទទួល​ការ​ព្យាបាល​មុខ​របួស​នៅ​ក្នុង​ការ​វាយ​ប្រហារ​មួយ​លើ​វិមាន​ប្រធានាធិបតី​របស់​លោក​កាល​ពី​ ខែ​មិថុនា ​ឬ​ទេ?

ឥណ្ឌា ប៉ាគីស្ថាន៖ ពួក​មន្ត្រី​ឥណ្ឌា​និង​ប៉ាគីស្ថាន​កំពុង​ពិចារណា​អំពី​សំណើ​មួយ​ដើម្បី​ធ្វើ​មិន​ឱ្យ​មាន​ក្រុម​យោធា​នៅ​តាម​ព្រំដែន​នៃ​តំបន់​កាស្មៀរ (Kashmir) នៃ​ភ្នំ​ហេមពាន្ត (Himalayas) ដែល​មាន​ជម្លោះ​នៅ​ពេល​ដែល​ប្រទេស​ទាំង​ពីរ​ធ្វើការ​ចរចា​អំពី​អាវុធ​ក្នុង​ថ្ងៃ​ទីពីរ​ក្នុង​ក្រុង​អ៊ីស្លាម៉ាបាដ (Islamabad) នៅ​ថ្ងៃ​អង្គារ​នេះ។

XS
SM
MD
LG