ភ្ជាប់​ទៅ​គេហទំព័រ​ទាក់ទង

ព័ត៌មាន​អន្តរជាតិ​វីអូអេ​ ១៣ ធ្នូ យប់


ក្រុម​​បាតុករ​ប្រឆាំង​នឹង​រដ្ឋាភិបាល​សែង​ម្ឈូស​សព​​របស់​លោក Abdul Haleem Baqour នៅ​ក្នុង​អំឡុង​ពីធី​បុណ្យ​សព​របស់​លោក​នៅ​ជិត​ក្រុង​​ហូមស៍ (Homs) ប្រទេស​ស៊ីរី កាល​ពី​ថ្ងៃ​ទី​១០ ខែ​ធ្នូ ឆ្នាំ​២០១១។

ស៊ីរី៖ ពួក​សកម្មជន​សិទ្ធិ​មនុស្ស​ស៊ីរី​បាន​និយាយ​ថា​ កង​កម្លាំង​សន្តិសុខ​រដ្ឋាភិបាល​បាន​សម្លាប់​មនុស្ស​១១​នាក់ និង​ធ្វើ​ឱ្យរបួស​មនុស្ស​រាប់​សិប​នាក់ផ្សេង​ទៀត នា​ភាគ​ពាយ័ព្យ​នៃ ប្រទេស​នេះ ស្របពេលដែល ​អ.ស.ប.​បាន​និយាយថា​ចំនួន​មនុស្ស​ស្លាប់​ដោយសារចលាចល​ជា​ច្រើន​ខែ​កន្លង​មក​នេះ​បាន​ទ្បើង​ដល់​៥.០០០​នាក់​ហើយ។

អង្គការ​សហប្រជាជាតិ៖ សមាជិក​ជា​ច្រើន​នៃ​ក្រុម​ប្រឹក្សា​សន្តិសុខ​អ.ស.ប.​បាន​និយាយ​ថា ​ពួ​ក​គេ​មាន​អារម្មណ៍​សោក​សៅ​ជា​ខ្លាំង ដោយ​សារ​ដំណឹង​មួយ​ដែល​ត្រូវ​បាន​បង្ហាញ​នៅ​ក្នុង​កិច្ច​ប្រជុំ​មួយ​របស់​ឧត្តម​ស្នងការ​អ.ស.ប. សម្រាប់​សិទ្ធិ​មនុស្ស​ ដែល​បាន​ឱ្យ​ដឹង​ថា​ចំនួន​មនុស្ស​ស្លាប់​ដោយសារ​ចលាចល​ក្នុង​ប្រទេស​ស៊ីរី​បាន​កើន​ទ្បើង​ដល់​៥.០០០​នាក់​ហើយ។

ភូមា៖ អាជ្ញាធរ​ភូមា​បាន​ទទួល​ស្គាល់​ជា​ផ្លូវការ​គណបក្ស​សម្ព័ន្ធ​ជាតិដើម្បី​លទ្ធិប្រជាធិបតេយ្យ​របស់​លោកស្រី​អោង​សាន​ស៊ូជី​ មេដឹកនាំ​ប្រឆាំង​ដោយ​អនុញ្ញាត​ឱ្យ​គណបក្ស​នេះ​ចូល​ជា​ថ្មី​ក្នុង​ដំណើរការ​នយោបាយ​ទូទៅ​របស់​ប្រទេស​នៅ​មុន​ការ​បោះឆ្នោត​សភា​ក្នុង​ពេល​ខាង​មុខ​នេះ។

អ៊ីរ៉ង់៖ ប្រទេស​អ៊ីរ៉ង់​បាន​និយាយ​ថា​ស.រ.អ.​គួរតែ​ទទួល​ស្គាល់​ទោស​កំហុស​របស់​ខ្លួន នៅ​ក្រោយ​ពេល​ដែល​មាន​យន្តហោះ​ឈ្លប​យក​ការណ៍​របស់​ស.រ.អ.​ មួយ​គ្រឿង​បាន​ធ្លាក់​ក្នុង​ដែនដី​នៃ​ប្រទេស​អ៊ីរ៉ង់​នា​ដើម​ខែ​នេះ។

អ៊ីរ៉ាក់៖ លោក​នាយក​រដ្ឋមន្ត្រី នូរី អាល ម៉ាលីគី (Nouri al-Maliki) នៃ​ប្រទេស​អ៊ីរ៉ាក់​នឹង​មាន​វត្តមាន​នៅ​សភា​ពាណិជ្ជកម្ម​ស.រ.អ.​ នៅ​មួយ​ថ្ងៃ​បន្ទាប់​ពី​បាន​ជួប​ជា​មួយលោក​ប្រធានាធិបតី បារ៉ាក់ អូបាម៉ា (Barack Obama) ដើម្បី​គូស​បញ្ជាក់​អំពី​របៀបវារៈ​ដ៏​ទូលំទូលាយ​មួយ​សម្រាប់​កិច្ច​សហប្រតិបត្តិការ​នៅ​ពេល​ក្រោយ​សង្គ្រាម។

XS
SM
MD
LG