ភ្ជាប់​ទៅ​គេហទំព័រ​ទាក់ទង

ព័ត៌មាន​អន្តរជាតិ​វីអូអេ​ ១២ ធ្នូ ព្រឹក


ហ្វូងបាតុករ​ប្រមូលផ្តុំ​គ្នាដើម្បី​តវ៉ា​ទៅនឹង​ការ​បន្លំ​សន្លឹក​ឆ្នោត​ក្នុង​ការបោះឆ្នោត​ជ្រើសរើស​តំណាង​រាស្ត្រ​នៅ​ម៉ូស្គូ ប្រទេសរុស្ស៊ី ថ្ងៃទី១០ ធ្នូ ២០១១។

រុស្ស៊ី៖ ប្រធានាធិបតីរុស្ស៊ី ដឺមីទ្រី មេតវីដេវ បាន​ឆ្លើយ​តប​នឹង​បាតុករ​រាប់​ម៉ឺន​នាក់​ដែល​ដើរ​ធ្វើ​បាតុកម្ម​តាម​ផ្លូវ​ក្នុង​ក្រុង​មូស្គូ និង​ក្រុង​ឯ​ទៀតៗ​នៃ​ប្រទេស​រុស្ស៊ី​ថា លោក​បាន​បញ្ជា​រដ្ឋាភិបាល​លោក​ឱ្យ​ស៊ើប​អង្កេត​អំពី​ការ​ចោទ​ប្រកាន់​ការ​បន្លំ​សន្លឹក​ឆ្នោត​ក្នុង​ការ​បោះឆ្នោត​សភា​កាល​ពី​សប្តាហ៍​មុន។ លោក​បាន​បន្ត​ថា ក្រុម​បាតុករ​មានសិទ្ធិ​ក្នុង​ការ​បញ្ចេញ​ទស្សនៈ​របស់​ពួក​គេ តែ​លោក​នឹង​មិន​យល់​ស្រប​ឱ្យ​មាន​ការ​បោះឆ្នោត​កាល​ពី​ថ្ងៃ​ទី​៤​ធ្នូ​ជា​ថ្មី​ទ្បើង​វិញ​ឡើយ។

អាហ្វហ្គានីស្ថាន៖ ប្រធានាធិបតី​ ហាមីដ កាសៃ (Hamid Karzai) បាន​និយា​យ​ថា ​មនុស្ស​យ៉ាងតិច​ណាស់​៨០នាក់​ស្លាប់ ដែល​ជា​ចំនួន​ច្រើន​ជាង​តួ​លេខ​ដែល​បាន​រាយការណ៍​ពី​ពេល​មុន​ថា​មាន​មនុស្ស​តែ​៥៩​នាក់​បាត់​បង់​ជីវិត ក្នុងការ​វាយ​ប្រហារ​ខាង​និកាយ​សាសនា​កាល​ពី​ថ្ងៃ​អង្គារ​ទៅ​លើ​ពួក​អ្នក​កាន់់​សាសនា​អ៊ីស្លាម​និកាយ​ស្ហៀ។

ស៊ីរី៖ មាន​ការ​ប៉ះទង្គិច​មួយ​កើត​ឡើង​រវាង​កង​ទ័ព​រត់​ចោល​ជួរ និង​កង​ទ័ព​ស្មោះ​ត្រង់​របស់​រដ្ឋាភិបាល​ដែល​មាន​ការ​គាំទ្រ​ពី​កង​រថក្រោះ​នៅ​ក្នុង​ការ​ប្រឈម​មុខ​ខាង​យោធា​ធំ​មួយ​កាល​ពី​ថ្ងៃអាទិត្យ​នៅ​ជិត​ព្រំដែនហ្ស៊កដានី ដែល​ធ្វើ​ឲ្យ​មនុស្ស​យ៉ាង​តិច​ណាស់​៨​នាក់​បាន​ស្លាប់​នៅ​ក្នុង​អំពើ​ហិង្សា​នោះ។

ក្យូតុ៖ កិច្ច​ព្រម​ព្រៀង​ទៅ​លើ​ការ​ពន្យា​សុពុលភាព​របស់​ពិធីសារក្យូតុ​មួយ​ត្រូវ​បាន​សម្រេច​កាល​ពី​ថ្ងៃ​អាទិត្យ។ ​ប្រទេស​ឧស្សាហកម្ម​ត្រូវ​គោរព​តាម​ឯកសារ​ពិ​ធីសារ​ក្រុង​ ក្យូតុ កាល​ពី​ឆ្នាំ១៩៩៧​យ៉ាង​តិច​ណាស់​៥​ឆ្នាំ​ទៀត ​ក្រោយ​ពី​វា​ផុត​កំណត់​ក្នុង​ឆ្នាំ​២០១២។ តែរុស្ស៊ី ជប៉ុន​និង​កាណាដា​បាន​និយាយ​ថា​ពួក​គេ​នឹង​មិន​ចូល​រួម​ក្នុង​ការ​បន្ត​រយៈពេល​នៃ​ឯកសារ​ពីធីការ​ក្រុង​ ក្យូតុនេះទេ។

កុងហ្គោ៖ ក្រុម​សង្កេត​ការ​នៃ​ការ​បោះឆ្នោត​អន្តរជាតិ​ដែល​មាន​ទីតាំង​នៅ​សហរដ្ឋអាមេរិច​បាន​និយាយ​ថា លទ្ធផល​នៃ​ការ​បោះឆ្នោត​ប្រធានាធិបតី​របស់​ប្រទេស​កុងហ្គោ​គឺ មាន «ការ​ចាត់​ចែងមិន​ត្រឹម​ត្រូវ» ​និង​មិន​អាច​ជឿ​ទុក​ចិត្ត​បាន។ យោង​តាម​របាយការណ៍​ផ្តល់​ដោយ​មជ្ឈមណ្ឌល ខាត់ធឺ កាល​ពី​ថ្ងៃ​សៅរ៍​បាន​ឲ្យ​ដឹង​ថា ​ល​ទ្ធផល​ពី​ស្ថានីយ៍​បោះឆ្នោត​ជិត​២​ពាន់​កន្លែង​ក្នុង​រដ្ឋធានី​ ឃីនផ្សាសារ (Kinshasa) បាន​បាត់។

ប៉ាគីស្ថាន៖ និយាយ​ថា​ពួក​យោធា​សហរដ្ឋអាមេរិច​បាន​ចាក​ចេញ​ពី​មូល​ដ្ឋាន​កងទ័ព​អាកាស​មួយ​នា​ប៉ែក​និរតី​ប្រទេស ​ដោយ​ធ្វើ​តាម​ការ​កំណត់​ពេល​ចុង​ក្រោយ​បង្អស់​ថ្ងៃ​ទី​១១​ធ្នូ ដោយ​រដ្ឋាភិបាល​ប៉ាគីស្ថាន។ ការ​កំណត់​ឲ្យ​ចាក​ចេញ​នេះ​ធ្វើ​ឡើង​នៅ​ក្រាយ​ពី​មាន​ការ​វាយ​ប្រហារ​តាម​អាកាស​មួយ​ដោយ​អង្គការ​អូតង់​ដែល​បាន​នាំឱ្យ​ទាហាន​ប៉ាគីស្ថាន​២៤​នាក់​ស្លាប់​កាល​ពី​ថ្ងៃ​ទី​២៦​ខែ​វិច្ឆិកា។

XS
SM
MD
LG